Matayo 7 నుండి ప్రసిద్ధ బైబిల్ శ్లోకాలు

షేర్ చేయి

Mu saale, mu la hebwa; mwenye, mu la nyola; mwigulihidze, mu ligulirwa.

Kigira ku vosi u saala a hebwanga; nowenya a nyolanga; nowigulihidza yigulirwa.

Ku vosi u hulira amakuva gange yaga, na a ga kola, a la fwananywa nomundu mugeeri, wombaka inyumba yeye ku lwanda

Ku vyosi vya mwenya avandu va mu kolere, mwinye mu va kolere ndiyo kandi: kigira yaga ga veye malago navaprofeti.

Kiliango ki veye king'erere ki tsitsa mu liva mwoyo, nenzira yakyo i veye ing'erere, navo ava ki lola ni vakekeke.

Mwingire mkiliango ki veye king'erere: kigira inzira i tsitsa hokudividza ni mambalalu, nekiliango kyayo ki veye kigalamu na vanyingi vingiranga mu.

Mwinye ava veye avadamano, ni mu manya kuha avana venyu vindu vilahi, nasindi Dada wenyu u veye migulu a la kira kuhaana vindu vilahi kuvo ava msaala?

Mu ta kalagira mba, na mwinye mu ta kalagirwa. Kigira likalagira lya mu kalagira, mu la kala girwa nalyo: na mugero gwa mu gera, nagwo mu la gererwa ku.

Ku vosi u hulira amakuva gange yaga, na a vula kugakola, a la fwananywa nomundu musiru, wombaka inyumba yeye ku muyeke

Kandi kigira ki u henza lindu li veye mmoni yamwavo wowo, navutswa si u ganagana ku musala gu veye mmoni yoyo? Kinga u la nyala ndi kuvolera amwavo wowo, Amitu, leka nku twulidze lindu mmoni yoyo; na henza musala gu veye mmoni yoyo?

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu. Mu la va manya ku makuyu gavo. Avandu va nyala kwagula mazabibu ku mafwa? Kinga vagula makuyu ku matagalu?

Na ndiyo misala gyosi milahi gyamanga makuyu malahi; navutswa musala mudamano gwamanga makuyu mada mano.

Musala mulahi si gu nyala kwama makuyu madamano, kandi musala mudamano si gu nyala kwama makuyu malahi.

Ku misala gyosi ogu tama makuyu malahi gu temagwa, nokutebwa mmuliru.