Mateus 3
3
João Batista Prepara Dalan
1 # 3:1-12 Bele lee iha Marcos 1:2-8, Lucas 3:1-17. Iha tempu nebaa, João Batista mai no haklaken iha rai fuik maran Judeia. 2Nia dehan, “Arepende ba, tanba reinu lalehan besik ona.” 3Tanba profeta Isaias koalia kona ba nia bainhira nia dehan,
“Lian hosi ema ida nebee hakilar iha rai fuik maran:
‘Prepara Nai nia dalan,
halo loos Ninia lao fatin.’”#3:3 Isaias 40:3.
4João hatais ropa nebee halo hosi kuda kamelu fulun. Nia iha sintu iha ninia kanotak nebee halo hosi animál kulit. No ninia hahaan mak gafanhotu no bani been hosi ai laran. 5Ema hotu sai hosi Jerusalém, no rai tomak iha Judeia, no área tomak iha Jordaun, hodi baa haree nia. 6Sira baa hodi hetan batizmu hosi João iha mota Jordaun no konfesa sira nia sala.
7Maibee bainhira nia haree ema Farizeu no ema Saduseu barak mai atu hetan batizmu hosi nia, nia dehan ba sira, “Oh samea nia oan sira! See mak foo avizu ba imi hodi halai hosi kastigu#3:7 Lian Gregu dehan ‘tempu hirus makaas nian’ nebee Maromak atu hatudu laran hirus no kastigu povu nee. nebee atu mai? 8Hatudu hahalok nebee tuir laran nebee arepende. 9Keta hanoin atu dehan iha imi nia laran, ‘Ami nia aman mak Abraão.’ Tanba hau dehan ba imi katak Maromak bele halo fatuk sira nee sai Abraão nia oan sira. 10Agora, baliun tau ona iha ai huun sira nia abut. Nunee ai huun hotu nebee la foo fuan diak, sei tesi tuun no soe ba ahi laran.
11Hau bele foo batizmu arepende nian ba imi ho bee, maibee Nia nebee tuir hau mak forti liu hau. Hau la merese atu lori Ninia sandálias. Nia sei foo batizmu ba imi ho Espíritu Santu no ahi. 12Nia kaer Ninia garfu boot hodi haliri, no Nia sei hamoos Ninia haliri fatin, no halibur Ninia trigu iha armazén. Maibee Nia sei sunu trigu kain nee ho ahi nebee la bele hamate.”
Jesus Hetan Batizmu
13 # 3:13-17 Bele lee iha Marcos 1:9-11, Lucas 3:21,22. Depois Jesus mai hosi Galileia too iha Jordaun hodi simu batizmu hosi João. 14Maibee João koko hapara Nia no dehan, “Hau presiza simu batizmu hosi Ita Boot, no Ita Boot mai fali hau?” 15Jesus hataan ba nia, no dehan, “Husik hanesan nee agora, tanba diak liu ita kumpri hahalok loos hotu.” Nunee João halo tuir. 16Bainhira Jesus hetan batizmu, Nia sai kedas hosi bee laran. No tebes, lalehan nakloke ba Nia. No Nia haree Maromak nia Espíritu tuun mai hanesan manu pombu ida nebee tun ba Nia. 17No tebes, lian ida hosi lalehan dehan, “Ida nee mak Hau nia Oan Mane nebee Hau hadomi. Nia mak halo Hau kontenti liu.”
Nu markerat:
Mateus 3: BK
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Copyright Kadi Timor. All rights reserved. Portions of scripture can be used without permission for the promotion of God's glory.