Bibelappens logotyp
Sök ikon

Matiyu 21

21
Yeisu loɓe Urishelima n zhni Əsu
1Shi ɓa ɓə wo vyivyiwyi n Urishelimai, ɓa ɓe Betifyeji Ƅ Zaitu əpe, Yeisu wa tnu amwutuyi tnutnu əɓa ngwnu-aba, 2wa gna ɓa, “Fye lo əzhi n kwo zhi Ƅ əfye abye nyi, shi fye lofyi n kwo, fye ɓə gye zhagawyi n gyignyi n ɓo, n əkwo əɓyii ma kwo. Fye lo ɓa, fya ɓe mi n ɓai. 3ƃ əzaho wa nya fye əɓo, fye gna ge Dagayi Ƅ əɓa apmai lo jesnu wo ɓa je tnu n ɓai wolowolo.”
4Dəye ɓə zhni nabai kwa nu əɓo nu Ƅ a ɓə da dna n sheɓəgwognayi əgbe nyi:
5“Gna Siyona Nyigwnu,
‘Gyewye, əho əsu ɓe da ho nyi,
n tukwownashii n gwnutu n zhagawyi,
jesnu tu Ƅ zhagawyi snáyi.’ ”
6Amwutuyi ɓa lo ɓa zhni shi Yeisu ɓə ga ɓa əgbe nyi. 7Ɓa ɓe n zhagawyii ɓədo n zhagawyi snĂĄyii, jesnu ɓa kwu əɓa aje takpe n ɓa, nabai Yeisu wa sasetu. 8Deeji yaakwo ɓa ta əɓa aje zhi Ƅ zokwo, azaje ɓa bma ashnuwna aɓwala ɓa ta ɓa kpe lo Ƅ zokwo. 9Deeji n ɓa ɓə gyilo Ƅ əwo abye nyi, jesnu Ƅ aza yii Ƅ ɓa ɓə vyi Ƅ avnu nyi, ɓa ɓəwyi,
“Hosana ga Dawuda Nugwnu!”
“Anabəlikada nu n əzai Ƅ wo ɓe dna Ƅ Dagayi əye!”
“Hosana dna Ƅ əshemi duduyi!”
10She Yeisu ɓə lodna n Urishelima, əzhiyaakwo vnyanya kwaa totu, jesnu ɓa nyaɓo, “Əza ye zhni nyika nu a?”
11Deeji kwa dnaɓəgbe, “Yeisu nu gnyi, sheɓəgwognayi Ƅ wo gbmi n Nazereti nyi, Ƅ Gəlili.”
Yeisu dna n Dagayipwuwa
12Yeisu wa lodna n dagayipwuwa ashilagyĂ­, waa aza yĂ­ nyaya vnyanya, Ƅ ɓa ɓə fyi ɓai kwnĂș anya, jesnu ɓai si anya Ƅ abaayi nyi. Wa kwu agyiwye shnayĂ­ atebwul knyianyikwnu n alukpe kwnuyi asasekpebai. 13Wa gna ɓa, “A ncei kafyilo, ‘A ɓa yi əmi pwuwa ge aduwazhni pwuwa nu,’ ama fye la kwo zĂš ‘avyĂŹ pwuwa.’ ”
14Awyebwayi n azabmazhiyi ɓa ɓe da wo Ƅ dagayipwuwa, jesnu wa ká ɓa gna. 15Ama she apirisiti tukwoda Ƅ owa anyawuyii ɓə gye aɓo wowoi Ƅ wo ɓə zhni, jesnu aɓyii ɓəwyi n Dagayipwuwa ashilagyí, “Hosana ga Dawuda Nugwnu,” ɓa gyi minagyi.
16Ɓa nya wo əɓo, “Ho wo əɓo lo Ƅ aɓyi ye zhi ɓai da nyi?”
Yeisu wa dnaɓəgbe, “Əə, fye too shni kwo ba m,
“ ‘ƃ aɓyi anawyii agbei nu, jesnu n aɓyipwutui,
n əho, Dagayi, ho la əho cici lashi m’?”
17Wa laka Ƅ əɓa aba, wa lo Byetani, əzhiyaakwo, aba Ƅ wo ɓə wnagye.
Yeisu tu gbaayi shnuwna əknyi
18N labmilabmii, Yeisu woi jezelo əzhiyaakwo, myikwnu kwoi la wo gwnu. 19Shi wo ɓə gye gbaayi shnuwna Ƅ zokwogbe, wa lo kwo aba ama to wa gye nyaho Ƅ gyitu Ƅ kwo m, akpəge afnyitolo. Nlonu wa gna kwo, “Ho taa je gyigyi ga m nanyinanyi!” N əsagbmanyii shnuwna yi kwa kwu ɓwa.
20She amwutuyi ɓə gye dəye, ca wo ɓa. Ɓa nyaɓo, “Knyiyi nu na zhni shnuwna ye kwoi ɓwa n pyepyei a?”
21Yeisu wa dnaɓəgbe, “Ɓəhnihni mi gna fye, Ƅ fye n gaiciyagai, jesnu to fya fyi abwugba-aba m, fye taa ɓwa gbaayi shnuwna ye nu əknyi tu m, ama fye ɓa myi fya gna əpe ye cĂš, ‘Lo, ho she əhohni ya dna Ƅ shikwo,’ kwo ɓa zhni nlonu. 22N fya ga gaiciya, fye ɓa gwo nyahonyahoi Ƅ fya nya əkwo əɓo dna Ƅ aduwazhni.”
A nya Yeisu əwo ikwo əɓo
23Yeisu wa lodna n dagayipwuwa ashilagyĂ­, shi wo ɓə dna woi wunya, apirisiti atukwoda Ƅ abyedai, ɓa ɓe da wo. Ɓa nyaɓo, “N knyi ikwoi nu Ƅ ho zhni aɓo ye a? Jesnu nyika nu naa ga ho ikwo ye a?”
24Yeisu wa dnaɓəgbe, “Mi ɓa nya fye əɓo gbmanyi cù, n fya dna mi ɓəgbe, mi ɓa wu fye ikwo Ƅ mi zhniapma ncei mii zhni aɓo ye. 25Yohana batizimazhnizhni; kwo ɓə gbmi Ƅ nanu a? Kwo ɓə gbmi n əshemi nu, kwo, əkwo əɓo ɓə pá n zanyikwoci nu a?”
Ɓa da kwo fyiaje ɓahniɓahni, ɓa gna, “N ya gna, ‘N əshemi nu,’ wo ɓa nyaɓo, ‘To knyiyi nu zhni to fyehni ga wo gaiciya m ma?’ 26Ama Ƅ ya gna, ‘Kwo gbmi n zanyikwoci nu,’ ədna wo yi lo ntu aza ɓo, ntuge əɓa vnyanya ɓa ɓə la Yohana la nge sheɓəgwognayi nu.”
27Ntulonu ɓa dna Yeisu ɓəgbe, “Yi ta kpəlo m.”
Nlonu wa gna, “Əmihni ce, mi taa gna fye n knyi ikwoi nu, n mi zhni aɓo ye ncei m.
Ɓəsisi anugwnu ngwnu-aba nya
28“Fye zhninubwo nge na a? Əzaho ɓə nyi Ƅ anugwnui ngwnu-aba, wa lo da əɓyi kpmisnuyi wa gna wo, ‘Nugwnu, lo n naiye hoi zhni tnutnu Ƅ anamzhni.’
29“Wa dnaɓəgbe, ‘Mi taa lo m,’ ama əsa fyewyi, wa shna əwo bwugba do, waa lo.
30“Nlonu əda wa lo da nugwnu baayi, wa gna wo əɓo gbmanyigbmanyi. Wa dnaɓəgbe, ‘Əmi dada, mi ɓa lo,’ ama to wa lo m.
31“Nyika nu n anugwnu aba ye ɓə zhni əwo dada ɓəye a?”
Ɓa dnaɓəgbe, “Kpmisnuyi.”
Yeisu wa gna ɓa, “Ɓəhnihni mi gna fye, agədu gwoyi n akaluwayi ɓa ɓə kwu lofyi n Shekwoyi əbemi Ƅ əfye abye. 32Ntuge Yohana ɓə ɓe nabai wa wu fye ɓəfyece zokwo nu, to fya ga wo gaiciya m, ama agədu gwoyi n akaluwayi ɓa kwu gaiciyaga. Njesnu fye ɓə kwu əɓo ye gyewye, to fya yeabwi, kwo fya ga wo gaiciya m.
Ɓəsisi afwaɓayi nya
33“Knatnubwa, ha wo nabagyi ɓəsisi nya ədo: Əknyida ho ɓə nyi Ƅ wo ɓə n anamzhnii dna. Wa mi gəlu n shegwnu kwo, waa anamnuwnapyiba nyĂŹ dna Ƅ kwo jesnu waa abagwuyi nyakwnu asnada mi. Nlonu waa kwo ga afwaɓayi ho ɓa ɓá, wa laka wa lo abado. 34She nyagyikwu əsa ɓə wo vyivyiwyi, wa tnu n əwo atnutnuyi Ƅ afwaɓayi aba, ɓə gwo əwo anya gyigyii ga wo.
35“Afwaɓayi ɓa taɓwashi əwo atnutnuyi; ɓa lu zaknayi, ɓa wu əzaho, jesnu ɓa knyi əza taayi akwuta. 36Nlonu wa tnu ɓa n atnutnuyi adoi, Ƅ du akpmisnuyi, jesnu afwaɓayi ɓa zhni ɓa əɓo gbmanyigbmanyi. 37N kpmasnu, wa tnu ɓa n əwo nugwnui. Wa gna, ‘Ɓa ɓá ga əmi nugwnu mwamwa.’
38“Ama she afwaɓayi ɓə gye əwo nugwnu, ɓa gna aje, ‘Əza ye nu zhni əgwĂșgyiyi. Fye ɓe, ya wu wo jesnu ya gwo əwo əgwĂș.’ 39Ntulonu ɓa la wo, ɓaa wo sheyashi Ƅ anamzhni əbmyi, jesnu ɓaa wo wu.
40“Ntucenu, she anamzhni da ɓə ɓe, wo ɓəi zhni n ɓai n wuna a?”
41Ɓa dnaɓəgbe, “Wo ɓei ɓe Ƅ azagbəlo yei n zozo gbəloi nya aba, jesnu woi la anamzhni wa ga afwaɓayi ədo, Ƅ ɓa ɓə ga wo əwo nyaɓwa Ƅ anya gyigyi n nyagyikwu sai.”
42Yeisu wa gna ɓa, “Fye too shni ba, dna Ƅ Anyakazhi ge:
“ ‘Kwuta Ƅ anyamiyi ɓə la əkwo aɓo na nyi,
əkwo nu la zù ɓwakwonu kwuta;
Dagayi nu kwu dəye zhni,
jesnu kwo zhni əɓo wowoi nu n əyi aba a?’
43“Ntucenu mi gna fye nge a ɓə la Shekwoyi əbemi gwo n fye, ai la kwo ga aza n ɓa ga əkwo gyigyi. [44Əza Ƅ wa myiya tu Ƅ kwuta ye, wo ɓə la vyiya wyiwowyiwo; əza Ƅ kwa myiya tu Ƅ wo, wo ɓə la bwaya.”]
45She apirisiti atukwoda Ƅ Afarisiyii ɓə wo Yeisu ɓəsisi ye, ɓa kwu kpəge wo daɓo tu Ƅ ɓa tukwo nu. 46Ɓa zna zokwo shni nabai ɓa wna wo, ama ɓa wo deeji ədna, ntuge aza ɓə Ƅ woi la ge wo zhni sheɓəgwognayi nu.

Nu markerat:

Matiyu 21: GNB

MĂ€rk

Kopiera

JÀmför

Dela

None

Vill du ha dina höjdpunkter sparade pÄ alla dina enheter? Registrera dig eller logga in

Gbagyi Nyizeyenya Baibwulu: Shekwoyi Ɓədagbmaℱ, ƁəgbeshĂŹ Woiwoyi

© 1997, 2025 Biblica, Inc.

Apmazhni n gbegai nu. Ɓəznu vnyanya wnafyi lo n anyĂŹvnyanya.

Gbagyi Contemporary Bibleℱ, New Testament

Copyright © 1997, 2025 by Biblica, Inc.

Used with permission. All rights reserved worldwide.

LĂ€r dig mer om Gbagyi Nyizeyenya Baibwulu: Shekwoyi Ɓədagbma

PopulÀra bibelverser frÄn

Matiyu 21

FöregÄende kapitel
NĂ€sta kapitel