Salm 149
149
Amhrán Bua
1 Alleluia.
Canaigí amhrán nua don Tiarna;
moltar é i gcomh-thionól na bhfíréan.
2Déanadh Iosrael gairdeas faoina gcruthaitheoir;
bíodh ríméad ar chlann Shíón faoina Rí.
3Molaidís a ainm le rince;
déanaidís ceol ar an gcláirseach is ar an gcruit.
4Óir tugann an Tiarna taitneamh dá phobal;
tugann sé an bua do lucht na huirísle.
5Bíodh gairdeas ina nglóir ag na fíréin;
canaidís le lúcháir ina leapacha.
6Bíodh mórmholtaí Dé ina mbéal acu;
agus claíomh an dá fhaobhar ina láimh.
7Dʼfhonn díoltas a agairt ar na ciníocha,
agus diansmacht a chur ar na náisiúin,
8Dʼfhonn a ríthe a cheangal i gcuibhreacha,
agus a n‑uaisle i ngeimhleacha iarainn,
9Dʼfhonn breithiúnas a chur i bhfeidhm mar a ceapadh dóibh;
is í an ghlóir seo atá i ndán dá naoimh uile.
Trenutno izabrano:
Salm 149: ABN2012
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© An Sagart 2012 Úsáidtear le cead. Used by permission.