ISAYA 20
20
Shimanyilu shiu Muprofeti uli Shekenye
1Khumuhika ku mwimilili wa vasikali lia Ashuria, wa Mwami Sagoni wa Ashuria yali niyaruma, yakwana nakumila ni tsingulu litaala lia Ashidodi, 2mumatukhu kenako, Mwami Nyasaye yali wavoolela Isaya mwana wa Amozi, “Tsia unavuli tsinguvu tsiotsio tsialombwa khu makunia nende vilaaro viovio.” Isaya yakhola ndio, naraanga khucheenda shia havundu hosi nali shekenye khandi khu vilenje vikhaya. 3Nalwo lwa Mwami Nyasaye yavoola, “Lwa murumishi wanje Isaya achendachendi shekenye khandi khu vilenje vikhaya khumihika chivaka khuli shimanyilu khandi lichelihitso khu Misri nende Etsopia, 4khu nindi Mwami wa Ashuria atsitsanga khuvukula vavohe khurula Misri khandi Vaetsopia khuvahila mu vuhaambe. Aliitsa khuvukula vakali khu vati, navo nivali shekenye mavachende khu vilenje vikhaya, khu shivala shia Misri shilinyoola tsisoni. 5Khulwa yako, yavo vali nivali ni lisuuvilitswa mu Etsopia khandi vichinjililanga mu Misri valiria khandi valiheenda mwoyo. 6Khulitukhu lienelo, vandu vamenyanga khuluchinga lwi inyanza valiitsa khuvoola, ‘Lolikhu kakholeshe khu vandu va khwali nu khwaramu lisuuvilitswa lieru, khandi va khwilushilakhu vakhukhonye nu khukhuhonyinya khurula khu Mwami wa Ashuria! Khunyala khwihonolokha munjila shina?’ ”
© The Bible Society of Kenya, 2013