សុភាសិត 9
9
សម្ដីរបស់ប្រាជ្ញា និងសម្ដីរបស់សេចក្ដីល្ងង់
1ប្រាជ្ញាបានសាងសង់ផ្ទះរបស់ខ្លួន
នាងបានដាប់សសរទាំងប្រាំពីររបស់ខ្លួន
2នាងបានសម្លាប់សត្វ
លាយស្រាទំពាំងបាយជូរ
ក៏រៀបតុអាហាររបស់ខ្លួនជាស្រេច។
3នាងបានចាត់ពួកអ្នកបម្រើស្រីរបស់ខ្លួនឲ្យទៅ
ក៏ស្រែកហៅពីកន្លែងខ្ពស់បំផុតនៃទីក្រុង ថា៖
4“អ្នកណាជាមនុស្សខ្វះចំណេះដឹង ចូរឲ្យអ្នកនោះបែរចូលមកទីនេះ!”។
នាងនិយាយទៅអ្នកដែលខ្វះវិចារណញ្ញាណថា៖
5“មក៍! ហូបនំប៉័ងរបស់ខ្ញុំ
ហើយផឹកស្រាទំពាំងបាយជូរដែលខ្ញុំបានលាយចុះ!
6ចូរបោះបង់ចោលភាពខ្វះចំណេះដឹង ហើយមានជីវិតរស់ចុះ
ចូរដើរក្នុងផ្លូវនៃការយល់ដឹងចុះ!”។
7អ្នកដែលប្រៀនប្រដៅមនុស្សចំអកឡកឡឺយ គឺនាំមកនូវសេចក្ដីអាម៉ាស់ដល់ខ្លួនឯង;
អ្នកដែលស្ដីបន្ទោសមនុស្សអាក្រក់ គឺនាំមកនូវការខូចខាតដល់ខ្លួនឯង។
8កុំស្ដីបន្ទោសមនុស្សចំអកឡកឡឺយឡើយ ក្រែងលោគេស្អប់អ្នក;
ចូរស្ដីបន្ទោសមនុស្សមានប្រាជ្ញា នោះគេនឹងស្រឡាញ់អ្នក។
9ចូរអប់រំមនុស្សមានប្រាជ្ញា នោះគេនឹងមានប្រាជ្ញាថែមទៀត;
ចូរបង្រៀនមនុស្សសុចរិត នោះគេនឹងកើនសេចក្ដីអប់រំ។
10ការកោតខ្លាចព្រះយេហូវ៉ាជាការចាប់ផ្ដើមនៃប្រាជ្ញា
ហើយការស្គាល់អង្គដ៏វិសុទ្ធ#9:10 អង្គដ៏វិសុទ្ធ―ឬ “វិសុទ្ធជន”។ជាការយល់ដឹង
11ដ្បិតដោយសារតែប្រាជ្ញា#9:11 ប្រាជ្ញា―ន័យត្រង់គឺ “ខ្ញុំ”។ ថ្ងៃរបស់អ្នកនឹងកើនឡើង
ហើយឆ្នាំនៃអាយុនឹងត្រូវបានបន្ថែមដល់អ្នក។
12ប្រសិនបើអ្នកមានប្រាជ្ញា នោះគឺមានប្រាជ្ញាសម្រាប់ខ្លួនឯង;
ប្រសិនបើអ្នកបានចំអកឡកឡឺយ នោះអ្នកនឹងត្រូវរងតែម្នាក់ឯងប៉ុណ្ណោះ។
13ស្ត្រីឆោតល្ងង់តែងតែឡូឡា ខ្វះចំណេះដឹង ហើយមិនដឹងអ្វីសោះ។
14នាងអង្គុយនៅមាត់ទ្វារផ្ទះរបស់ខ្លួន នៅលើកៅអី ត្រង់កន្លែងខ្ពស់នៃទីក្រុង
15ដើម្បីស្រែកហៅអ្នកដែលដើរកាត់
គឺអ្នកដែលដើរត្រង់តាមផ្លូវរបស់ពួកគេ ថា៖
16“អ្នកណាជាមនុស្សខ្វះចំណេះដឹង ចូរឲ្យអ្នកនោះបែរចូលមកទីនេះ!”។
នាងនិយាយទៅអ្នកដែលខ្វះវិចារណញ្ញាណថា៖
17“ទឹកដែលលួចមកផ្អែមណាស់
ហើយនំប៉័ងដែលហូប#9:17 ហូប―ជាពាក្យជំនួយ។ដោយលួចលាក់ក៏ឆ្ងាញ់ដែរ!”។
18ប៉ុន្តែអ្នកនោះមិនដឹងថាព្រលឹងមនុស្សស្លាប់នៅទីនោះទេ
ក៏មិនដឹងថាអ្នកដែលត្រូវនាងហៅ នៅក្នុងទីជម្រៅនៃស្ថានមនុស្សស្លាប់ដែរ៕
Trenutno izabrano:
សុភាសិត 9: GKHB
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
GLOBAL KHMER BIBLE©
Copyright © 2023 by Global Bible Initiative