Tawamhã Uburé Danhib'apito, te ãne tãma tinha:
— E 'wa hã ma tô dazadawa ãma 're idamreme zusi mono zéb da hã te te dama 're a'manharĩ. E 'wa hã dapo'reptõ 'manharĩ'wa, dapo're 're pu'u ãna iré 're idahâimana za'ra mono da hã. E 'wa hã duré damreme'õ 'manhari'wa, damreme õ na 're danomro mono da hã. E 'wa hã datõmo 'manharĩ'wa, da te ãma 're irob'madâ'â za'ra mono zéb da hã. Duré e 'wa hã datõmo wamnarĩ'wa, datob'a na 're danomro mono da hã iré. Wa hã, Uburé Danhib'apito. Tahawa te za ãhã na awa'awi na datẽme aimo. Wa hã datẽme aimorĩ wamhã, wa za aipawapto, aimreme zani wẽ da, te aima iwaihu'uzéb zarina, ãma dama rowasu'u da hã.