Abasayiwukubita ngekutsi unguLahliwe,
nome betse live lakini batsi nguShiywayedvwa.
Kodvwa uyawubitwa ngekutsi unguHefsiba,
nelive lakini kutsiwe yiBhewula,
ngobe Simakadze uyawujabula ngawe,
nelive lakini liyakwendza kuye.

Ngibeke balindzi etibondzeni takho, Jerusalema,
bangeke bathule imini nebusuku.
Nine lenibita Simakadze,
ningatiniki kuphumula,
naye ningamniketi kuphumula,
adzimate ayakhe kabusha iJerusalema,
ayente ibe ludvumo emhlabeni.

Uyawuba ngumchele wenkhatimulo esandleni saSimakadze,
umchele webukhosi esandleni saNkulunkulu wakho.

Njengelijaha nalishada nentfombi,
kanjalo-ke nemadvodzana akho ayawushada nawe;
njengemyeni nakajabula ngamakoti wakhe,
kanjalo-ke naNkulunkulu wakho uyawujabula ngawe.

Popularni biblijski stihovi iz Isaya 62Podeli

Popularni biblijski stihovi iz Isaya 62