Popularni biblijski stihovi iz Isaya 43

Podeli

Bukani la, ngenta intfo lensha! Manje seyiyavumbuka, aniyiboni yini? Ngenta indlela ehlane, nemifula eveni leligagadzekile.

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Watsi: “Tikhohlweni tintfo takadzeni; ningahlali etintfweni lesetengca.

Kodvwa nyalo, naku lokushiwo nguSimakadze, lowo lowakudala, wena Jakobe, lowo lowakubumba, wena Israyeli, utsi: “Ungesabi, ngobe ngikuhlengile, Ngikubite ngelibito lakho, wena uwami.

Njengobe wena uligugu kimi, uhloniphekile emehlweni ami, nanjengobe ngikutsandza nje, ngitawunikela bantfu ngenca yakho, netive ngitishintjise ngekuphila kwakho.

Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.

Ungesabi, ngobe nginawe; bantfwabakho ngitabaletsa kusuka emphumalanga, ngikubutse wena kusukela enshonalanga.

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Simakadze utsi: “Nine ma-Israyeli, nibofakazi bami kanye nenceku yami lengiyikhetsile, kuze nitewukwati nikholwe kimi, nicondze nekutsi mine Nginguye. Ngaphambi kwami kute nkulunkulu lowake wabunjwa, futsi kute loyawubuye abe khona emvakwami.

Mine, nginguye Simakadze, ngaphandle kwami kute umsindzisi.

“Yebo, kusukela endvulo solomane Nginguye. Kute longakhulula esandleni sami. Nangenta lutfo, ngubani longakujikisa loko?”

Tilwane tesiganga tiyangihlonipha, yebo, timphungutja kanye netahhukulu, ngobe ngiveta emanti ehlane nemifula eveni leligagadzekile, ngentele kunatsisa sive sami lesikhetsiwe, sive lengatibumbela sona, kuze sitewumemetela ludvumo lwami.”

Ngiyawukhuluma nenyakatfo ngitsi: ‘Bakhulule,’ neningizimu ngikhulume kuyo ngitsi: ‘Ungabagodli.’ Buyisani emadvodzana ami kusukela khashane, nemadvodzakati ami kusukela emikhawulweni yemhlaba, bonkhe lababitwa ngelibito lami, labo lengabadalela ludvumo lwami, yebo, labo lengababumba ngabenta.”

Naku lokushiwo nguSimakadze, lowo lowavula indlela ekhatsi elwandle, wenta umkhondvo ekhatsi emantini lanemandla, lowadvonsa tincola temphi kanye nemahhashi, emabutfo nemachawe onkhe kanyekanye kwalala khona lapho, akuyiwuphindze futsi kuvuke, kwacinywa, kwaphuphutfwa njengentsambo yesibane.

NginguSimakadze, Longcwele wenu, uMdali wema-Israyeli, iNkhosi yenu.”