Popularni biblijski stihovi iz Kada Bulawan 3

Podeli

Palantuk tonganni penawammu matappa' lako PUANG Allataala, danggi' mupattuan kamapahanganmu. Pakkaeloran-Nara Puang Allataala la muturu' namaruruh to lalan katuoanmu.

Danggi' musanga bang kalemu macca, la ngkalaja' ngkasiri'ko PUANG Allataala mupaboko'i penawa to panggaukan gaja'.

Passompanni ewananmu to melona sola pamula assele' jamanmu tandana mpakala'bihko PUANG Allataala, na sakerangngan-rangnganna to ewananmu susi pa'pak diissi saponno-ponnona, ba'tu susi wai anggoro' lempah llan mai busu.

La mupusipa' to mamase mupusipa' tooi to dikatappa'i, mupallan penawa tonganni butung to mupurara' jio kollongmu.

Ee anakku', danggi' mucia' ntarima pangpangngajah-Na PUANG Allataala, na danggi' too pumarossoi to pangpakainga'-Na. Nasaba' ia to to-Napakamoja' PUANG Allataala, Napangngajahhi ke salai susi mesa' ambe' mpangngajahhi anakkana to napakamoja'.

Ee anakku', danggi' mukalupaii to kuajaranko. Tuli ingaranni to parentaku' dikua mumalambeh sunga', namanyaman katuoanmu.

Maupa' to tomemmacca na memmapahang, nasaba' la'bih keangga' to macca na ia to pera', na la'bih keangga' na ia to bulawan, na la'bih makeangga' na ia to nnampui paramata. Sininna to mukadoangngi muampui te'da mpadanni to macca.

Danggi' mumangdoppa-doppa mpugauk kameloan lako tomparallui pangtulungan na mukulle una mpugaukki.

PUANG Allataala mpake kamaccan mpajaji lino, na kamapahangan-Na mpatiballahhi to langi' jao ngenanna.