Popularni biblijski stihovi iz Kada Bulawan 2

Podeli

nasaba' PUANG Allataala mbenki' kamaccan, na pole jio mai kadan-Na to kapaissenan sola kamapahangan.

Ee anakku', tarimai to pangpangngajahku', mutuli nningaranni to pangpatujungku'. Parinawa tonganni to macca, mupatuju lakoi kamapahangan to penawammu, peta'dako kamapahangan mumetamba meta'da arannai mapahang tonganko, muangahhi butung to nnangah pera', ba'tu butung to nnangah ewanan jiong litak mandalan. Ia ke mupugauk ngasanni joo, la mupahang apa battuananna to ngkalaja' ngkasiri' PUANG Allataala muwa'ding nnissenni inda to Allataala

Ia mpasadian pangtulungan lako tomaruruh penawanna, Nabutung perisai llendungngi tote'da caccana. Da'tan njagai katuoanna totangmangpasilaenan, na mparakai katuoanna to tonturu' pakkaeloran-Na.

Nasaba' ia to tomaruruh penawanna, iamo la ntorroi tana Nabasseanni Puang Allataala, sininna to tote'da caccana la torro tarruh jio. Apa ia to togaja' la dilanynya'i llan mai joo tana, na ia to totangdikatappa'i la diula'i llan mai.

La maccako dikua mula'pah jio mai baine bandarang. Danggi' muturu'i to bainena tau massede manggauk sala. Ia to baine susi joo ssalaimo muanena, to nasialan tonna malolle'pa, na te'da naingaranni to bassena tonna botting, to mangka naakui jio olo-Na Allataala.