Wana appSimba Mukumuka KwaKristu KuvakafaChikamu
Simuka Uende! Usatya
Kana paine chinhu chakagonekwa nerumuko rwaJesu, kudzinga mweya wekutya kufa. Hatifaniri kutya zvinhu zvingaitika kwatiri. Hatifaniri kutya kunyange neavo vanouraya nyama asi vasingagone kuuraya mweya (Mateo 10:28)
Nguva zhinji mushoko raMwari, vadzidzi vaibatatwa nekutya kubudikidza nezvinhu zvakavapoteredza. Kutya kwakaita madzimai kwaiva kwekushaya nekusuwa Jesu. Havana kunzwisisa kuti akange atove mberi kwawo anangana nerimwe basa raiva rakamumirira. Mweya wekutya haufaniri kugara matiri. Unokanganisa kufambiswa kweshoko reruponeso. Mumashure, madzimai akanga audzwa kuti vandoudza vadzidzi mashoko akanaka ekumuka kwaJesu. Chinokosha chaiva chekusimuka, nekubvisa kutya. Jesu akanga ataura nechekare kuti kana aching afa achamuka, zvakare agovatungamirira mberi kuGaririya.
Vatendi vanhasi hatifaniri kunyararidzwa nekutya. Chitokosha kuwana simba kubva mukukanganisika kwatinenge taitwa topfuura mberi nekuparidza Kristu. Simba ririr maari isimba remunhu akamuka kubva muvafi. Iye anomira neavo vanotenda maari. Anopa simba idzva kune avo vanomira naye, nekubatsira kubvisa kutya.
Munamato: Ishe Jesu Kristu, ndinokutendai nekuti makandifira. Ndinofara nhasi uno nekuti mune simba rekubvisa kutya kose kuri mandiri. Ndinokumbira mundipe simba idzva rekubvisa mweya wekutya ndikwanise kudzokera pakuparidza simba remuchinjiko. Muzita raJesu ndinonamat, AMEN.
Zvinechekuita neHurongwa uhu
Tinorarama nesimba raKristu raakatikundira naro kubva mukumuka kwake- akashandura kutya ukava mufaro, kusatenda kukava kutenda, kushushikana kukava tariro. Ishe vamuka vanotuma avo vanomutevera kuenda nenyika kundoparidza evhangeri, achivapa simba, kunyangwe nesuwo tikava vatakuri veshoko iri retariro yekumuka kuenda naro kunyika.
More
Tinoda kutenda Trymore Mutare nekupa chirongwa ichi. Kuti uwane rumwe ruzivo, ndapota shanya: https://www.facebook.com/trymore.mutare.7?mibextid=ZbWKwL
