Simba Mukumuka KwaKristu KuvakafaChikamu

Jesu Agara Anotungamira

Mazwi engirozi anoratidza kuti Jesu akanga achiri kutondera Peter uye nekumuda zvakare. Kunyange zvazvo akanga aramba Jesu katatu, Jesu anotambanudza rudo rwake kwaari. Zvinofadza sei kuti vhangeri inosvika kunyange kuvatadzi vanoreurura zvivi zvavo. Shoko rakasvika kuna Peter kubudikidza nemudzimai uyo akanga ataurwa naye nengirozi. Shoko raMwari harina kuti munhu rudzii kunyange muganhu. Munhu mumwe nemumwe ane basa rokuparidza kumuka kwaJesu Kristu. Mwari akanga achiri kuda Peter muboka revadzidzi. Kunyange akanga akatadza nokuramba Kristu, Mwari havana kumurasa. Peter akanga aratidza kudonha zvikuru asi Mwari vakamuverenga pane vanhu vake.

Jesu vakaratidza kuti varipo pakuregerera munhu mumwe nemumwe kunyange nevose vakaenda kure naye. Vatumwa vanotumwa naMwari kudzoreredza vose kuti vadzoke kuzosangana naJesu kunyange vakanga vamuramba. Jesu anotitungamirira nguva dzose. Mwari vanoona moyo wako wakaputsika nemisodzi yako,vokugashira munyasha dzawo (Isaya 1:18). Ngirozi yakaparidza vhangeri yekuregerera iro ratinofanira kutakura kuenda naro munyika yose.

Dzimwe nguva tinodonha zvakanyanya tosvika pakushungurudzika. Asi tikava nekuzvituka pamusoro pechivi, nekuva nechidokwa dokwa chekurwisa kusaatenda kwedu nekusateerera, zvirikwazvo tichava nechisimbiso chokuti Mwari havangatirase. Mwari vanotiverenga kuti tichirimo muboka revateveri vake, sekuverenga kwaakaitawo kuna Peter.

Munamato: Mwari wedu,ndinokutendai nekundiregerera zvivi zvangu. Ndinokutendai nevatumwa vamakasarudza kuti vagoparidza vhangeri yokuregerera. Kunyange ndakasvia pakurasika, ndibatsirei kuti ndikurumidze kudzoka munzira yenyu ndisangane nemi. Ndinonamata muzita raJesu rinokosha. AMENI.