Zvibayiro Zvipenyu Kuna Mwari

Kukunda Nekurumbidza

Sarudzo dzine huMwari

Tsee: Kuona upenyu nomuono wokusingaperi

Iva Mutsvene

Munamato waTenzi

Tiri Vamwe Muna Kristu

Hunhu weuMwari

Kumira naMwari munguva yekuyedzwa nematambudziko

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkGAL">
 <div class="chapter ch3" data-usfm="GAL.3">
 <div class="label">3</div><div class="s1">Kutenda kana Kuchengeta Murayiro</div><div class="p"> 1Imi vaGaratia vokusafunga! Ndianiko akakuroyai? Jesu akaratidzwa pachena akarovererwa pamuchinjikwa pamberi penyu chaipo. 2Ndinoda kuziva chinhu chimwe chete kubva kwamuri kuti: Makagamuchira Mweya nokuda kwokuchengeta murayiro here, kana nokuda kwokutenda zvamakanzwa? 3Muri vokusafunga zvakadai seiko? Mushure mokunge mambotanga muMweya, zvino moda kuedza kupedzisa chinangwa chenyu nesimba ravanhu here? 4Makatambudzika zvakadai pasina here, kana zvechokwadi zvakanga zviri pasina? 5Ko, Mwari anokupai Mweya wake uye achiita zvishamiso pakati penyu nokuda kwokuti munochengeta murayiro here, kana kuti nokuda kwokutenda zvamakanzwa?</div><div class="p"> 6Fungai Abhurahama kuti, &#8220;Akatenda Mwari, uye zvikanzi kwaari ndiko kururama.&#8221; 7Nzwisisai zvino, kuti avo vanotenda ndivo vana vaAbhurahama. 8Rugwaro rwakaona zviri mberi kuti Mwari aizoruramisa veDzimwe Ndudzi nokutenda, uye rukazivisa zvevhangeri kare kuna Abhurahama kuti, &#8220;Ndudzi dzose dzicharopafadzwa kubudikidza newe.&#8221; 9Saka avo vanokutenda ndivo vakaropafadzwa pamwe chete naAbhurahama, murume wokutenda.</div><div class="p"> 10Vose vanovimba nokuchengeta murayiro vakatukwa, nokuti kwakanyorwa kuchinzi: &#8220;Vakatukwa vose vasingarambiri pakuita zvinhu zvose zvakanyorwa muBhuku roMurayiro.&#8221; 11Zviri pachena kuti hapana munhu anoruramisirwa nomurayiro pamberi paMwari, nokuti, &#8220;Vakarurama vachararama nokutenda.&#8221; 12Murayiro hauna kuvakwa pakutenda; asi hazvo, &#8220;Munhu anoita zvinhu izvi achararama nazvo.&#8221; 13Kristu akatidzikinura kubva pakutukwa kwomurayiro paakava chakatukwa iye nokuda kwedu, nokuti kwakanyorwa kuchinzi: &#8220;Vakatukwa vose vanoturikwa pamuti.&#8221; 14Akatidzikinura kuitira kuti kuropafadzwa kwakapiwa Abhurahama kugosvika kune veDzimwe Ndudzi kubudikidza naKristu Jesu, kuitira kuti nokutenda tigogamuchira chipikirwa choMweya.</div><div class="s1">Murayiro neChipikirwa</div><div class="p"> 15Hama dzangu, regai ndipe muenzaniso woupenyu hwamazuva ose. Sezvo pasina munhu angakonesa kana kuwedzera kusungano yakaitwa navanhu kana yakatosimbiswa, zvakadarowo pane izvozvi. 16Zvipikirwa zvakataurwa kuna Abhurahama uye nokumwana wake. Rugwaro harutauri ruchiti &#8220;uye kuvana,&#8221; zvichireva vanhu vazhinji, asi &#8220;uye kumwana wako,&#8221; kureva munhu mumwe, anova ndiye Kristu. 17Zvandinoreva ndezvizvi: Murayiro, wakaziviswa mushure mamakore mazana mana ana makumi matatu, haungakonesi sungano yakasimbiswa kare naMwari uye nokudaro uchibvisa chipikirwa. 18Nokuti kana nhaka ichiwanikwa nokuda kwomurayiro, naizvozvo haichawanikwi nokuda kwechipikirwa; asi Mwari nenyasha dzake akaipa kuna Abhurahama kubudikidza nechipikirwa.</div><div class="p"> 19Zvino, chinangwa chomurayiro chakanga chiri cheiko? Wakawedzerwa nokuda kwokudarika kusvikira Mwana akanga achirehwa nechivimbiso asvika. Murayiro wakashanda kubudikidza navatumwa uye nomurevereri. 20Kunyange zvakadaro hazvo, murevereri, haamiririri munhu mumwe chete; asi Mwari ndomumwe.</div><div class="p"> 21Naizvozvo, murayiro unopikisana nechipikirwa chaMwari here? Kwete napaduku! Nokuti kana murayiro wakapiwa wakanga uchigona kupa upenyu, ipapo zvirokwazvo kururama kwaizouyawo nomurayiro. 22Asi Rugwaro runotaura kuti nyika yose yakapfigirwa nechivi, kuitira kuti chiya chakavimbiswa, chiri chakapiwa kubudikidza nokutenda kuna Jesu Kristu, chipiwe kuna avo vanotenda.</div><div class="p"> 23Kutenda uku kusati kwasvika, takanga tiri vasungwa vomurayiro, takapfigirwa kusvikira kutenda kuchizoratidzwa. 24Saka murayiro wakaiswa kuti utitungamirire kuna Kristu kuitira kuti tigoruramisirwa nokutenda. 25Zvino kutenda zvakwasvika, hatichisiri pasi pomurayiro.</div><div class="s1">Vanakomana vaMwari</div><div class="p"> 26Imi mose muri vanakomana vaMwari kubudikidza nokutenda muna Kristu Jesu, 27nokuti imi mose makabhabhatidzwa muna Kristu makapfeka Kristu. 28Hakuchina muJudha kana muGiriki, mutapwa kana akasununguka, murume kana mukadzi, nokuti imi mose muri vamwe muna Kristu Jesu. 29Kana muri vaKristu, ipapo muri vana vaAbhurahama, uye vadyi venhaka maererano nechipikirwa.</div>
 </div>
 </div>
</div>

Shona Contemporary Bible
Copyright © 2005, 2018 by Biblica, Inc.®
Used by permission. All rights reserved worldwide.
Bhaibheri Dzvene MuChiShona Chanhasi
Copyright © 2005, 2018 Biblica, Inc.®
Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkGAL">
 <div class="chapter ch4" data-usfm="GAL.4">
 <div class="label">4</div><div class="p"> 1Zvandinoreva ndezvokuti kana mudyi wenhaka achiri mwana, haana kusiyana nenhapwa, kunyange hazvo ari muridzi wezvinhu zvose. 2Ari pasi pavatariri navachengeti kusvikira panguva yakatarwa nababa vake. 3Saizvozvowo, patakanga tiri vana, takanga tiri muutapwa pasi pezvokuvamba zvenyika. 4Asi nguva yakati yakwana, Mwari akatuma Mwanakomana wake, akaberekwa nomukadzi, akaberekwa pasi pomurayiro, 5kuti adzikinure avo vari pasi pomurayiro, kuti tigamuchire kodzero yakazara yavanakomana. 6Nokuda kwokuti muri vanakomana, Mwari akatuma Mweya woMwanakomana wake mumwoyo yedu, Mweya anodana achiti, &#8220;Abha, Baba.&#8221; 7Saka hamuchisiri nhapwa, asi vanakomana; uye sezvo muri vanakomana, Mwari akakuitaiwo vadyi venhaka.</div><div class="s1">Shungu dzaPauro pamusoro pavaGaratia</div><div class="p"> 8Kare, pamakanga musingazivi Mwari, makanga muri nhapwa kuna avo vakanga vasiri vamwari chaivo. 9Asi zvino zvamava kuziva Mwari, kana kuti munozivikanwa naMwari, seiko mava kudzokera kune zvokuvamba zvisina simba uye zvinonzwisa urombo? Munodazve kuitwa nhapwa nazvo here? 10Muri kucherechedza mazuva akasarudzika uye mwedzi nemwaka namakore! 11Ndinokutyirai kuti zvichida ndakatambisa simba rangu pamusoro penyu.</div><div class="p"> 12Ndinokumbira zvikuru kwamuri, hama, kuti muve seni, nokuti ini ndakaita semi. Hamuna kunditadzira. 13Sezvamunoziva imi, kuti nokuda kwourwere ndakatanga kuparidza vhangeri kwamuri. 14Kunyange zvazvo kurwara kwangu kwaiva muedzo kwamuri, hamuna kundisema kana kundimhura. Asi, makandigamuchira sokunge ndaiva mutumwa waMwari, sokunge ndakanga ndiri Jesu Kristu chaiye. 15Ko, chii chakaitika kumufaro wenyu wose uya? Ndinogona kupupura kuti dai zvaibvira, mungadai makatumbura meso enyu makaapa kwandiri. 16Zvino ndava muvengi wenyu zvandakuudzai chokwadi here?</div><div class="p"> 17Vanhu ivavo vanoshingaira kuti vakubatei, asi pazvinhu zvisina kunaka. Zvavanoda ndezvokukutsausai kubva kwatiri, kuitira kuti imi mugovashingairira. 18Zvakanaka kwazvo kushingaira, kana chinangwa chacho chakanaka, uye kuti muite izvozvo nguva dzose kwete kana ndinemi bedzi. 19Vana vangu vanodikanwa, vandinotamburirazve pakubereka kusvikira Kristu aumbwa mamuri, 20ndaida sei kuti ndive nemi zvino uye ndishandure matauriro angu, nokuti ndiri kukanganisika nokuda kwenyu.</div><div class="s1">Hagari naSara</div><div class="p"> 21Ndiudzei, imi munoda kuva pasi pomurayiro, hamuzivi here zvinoreva murayiro? 22Nokuti kwakanyorwa kuti Abhurahama akanga ana vanakomana vaviri, mumwe nomukadzi woutapwa uye mumwe nomukadzi akasununguka. 23Mwanakomana wake womukadzi mutapwa akaberekwa nenzira yenyama; asi mwanakomana wake womukadzi akasununguka akaberekwa nokuda kwechipikirwa.</div><div class="p"> 24Zvinhu izvi zvinofananidzira, nokuti vakadzi ava vanomirira sungano mbiri. Imwe sungano inobva paGomo reSinai uye inobereka vana vanofanira kuva nhapwa: Ndiye Hagari. 25Zvino Hagari anomirira Gomo reSinai muArabhia uye rakaenzana neguta reJerusarema razvino, nokuti riri pautapwa navana varo. 26Asi Jerusarema riri kumusoro rakasununguka, uye ndivo mai vedu.</div><div class="p"> 27Nokuti kwakanyorwa kuchinzi:</div><div class="q1">&#8220;Fara iwe mukadzi asingabereki,</div><div class="q2">asingabereki vana;</div><div class="q1">pembera udanidzire,</div><div class="q2">iwe usingarwadziwi nokubereka;</div><div class="q1">nokuti vana vomukadzi akasiyiwa vazhinji</div><div class="q2">kupfuura vouyo ano murume.&#8221;</div><div class="p"> 28Zvino imi hama, muri vana vechipikirwa saIsaka. 29Panguva iyoyo mwanakomana akazvarwa nenzira yenyama akatambudza mwanakomana akaberekwa nesimba roMweya. Zvakadaro nanhasi. 30Asi Rugwaro runoti kudiniko? &#8220;Dzinga murandakadzi nomwanakomana wake, nokuti mwanakomana womurandakadzi haangatongogovani nhaka nomwanakomana womukadzi akasununguka.&#8221; 31Naizvozvo, hama, isu hatizi vana vomurandakadzi, asi vomukadzi akasununguka.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGAL">
 <div class="chapter ch5" data-usfm="GAL.5">
 <div class="label">5</div><div class="s1">Kusununguka muna Kristu</div><div class="p"> 1Kristu akatisunungura kuti tive vakasununguka. Zvino, mirai nesimba, murege kuzviremedza zvakare nejoko routapwa.</div><div class="p"> 2Batai mashoko angu! Ini, Pauro, ndinokuudzai kuti kana muchidzingiswa, Kristu haachakosheswi kwamuri napaduku. 3Uyezve, ndinotaura kumunhu wose anoda kudzingiswa kuti anofanira kuteerera murayiro wose. 4Imi munoedza kururamisirwa nomurayiro makaparadzaniswa naKristu; makabva panyasha. 5Asi nokutenda tinoshinga kwazvo kumirira kururama, kunova ndiko kwatine tariro nako kubudikidza noMweya. 6Nokuti muna Kristu Jesu kudzingiswa kana kusadzingiswa hazvina maturo. Chinhu chinokosha chete ndiko kutenda kunozviratidza kubudikidza norudo.</div><div class="p"> 7Makanga muchimhanya nhangemutange yakanaka. Ndianiko akakudzivisai uye akakukonesai kuteerera chokwadi? 8Kugombedzera ikoko hakuna kubva kuna iye anokudanai. 9Mbiriso shoma inovirisa chikanyiwa chose chakakanyiwa. 10Ndinovimba muna She kuti hamuchazogamuchiri dzimwe pfungwa. Iyeye anokunyonganisai achazviripira mhaka yake, angava ani zvake. 11Hama dzangu, kana ndichiri kuparidza nezvokudzingiswa, ko, ndichiri kutambudzirwei hangu? Naizvozvo kugumbusa kwomuchinjikwa kwabviswa. 12Kana vari vaya vanokukuchidzirai, ndaida hangu kuti vazvigure zvinhu zvavo.</div><div class="p"> 13Imi, hama dzangu, makadanwa kuti muve vakasununguka. Asi regai kushandisa rusununguko rwenyu munyama; asi shandiranai murudo. 14Murayiro wose unobatanidzwa mumurayiro mumwe chete unoti: &#8220;Ude wokwako sezvaunozvida iwe.&#8221; 15Kana muchiramba muchirumana uye nokudyana, chenjererai kuti murege kuparadzana mumwe nomumwe wenyu.</div><div class="s1">Upenyu noMweya</div><div class="p"> 16Saka ndinoti, raramai noMweya, uye hamungazofadzi nyama nokuchiva kwayo. 17Nokuti nyama inoshuva zvinopesana noMweya, uye Mweya anopesanawo nezvinoshuviwa nenyama. Izvi zvinorwisana pachazvo, kuti murege kuita zvamunoda. 18Asi kana muchitungamirirwa noMweya, hamusi pasi pomurayiro.</div><div class="p"> 19Mabasa enyama ndiwo aya: upombwe, tsvina, utere; 20kunamata zvifananidzo, uroyi, ruvengo, gakava, godo, kutsamwa, kuzvikudza, kuparadzana, dzidziso dzakatsauka 21nokugodorana; kudhakwa, kutamba kwakaipa, nezvimwe zvakadaro. Ndinokuyambirai, sezvandakamboita kare kuti avo vana mararamiro iwaya havangagari nhaka youmambo hwaMwari.</div><div class="p"> 22Asi chibereko choMweya ndirwo rudo, mufaro, rugare, mwoyo murefu, unyoro, kunaka, kutendeka, 23kupfava uye kuzvidzora. Hakuna murayiro unopesana nezvizvi. 24Avo vari vaKristu Jesu vakaroverera pamuchinjikwa nyama nokuchiva kwayo uye nezvainoshuva. 25Sezvo tichirarama noMweya, ngatifambei noMweya. 26Ngatiregei kuzvikudza, tichitsamwisana kana kuchiva zvevamwe.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGAL">
 <div class="chapter ch6" data-usfm="GAL.6">
 <div class="label">6</div><div class="s1">Kuita zvakanaka kuna vose</div><div class="p"> 1Hama dzangu, kana mumwe akabatwa ari muchivi, imi vari mumweya munofanira kumudzora nounyoro. Asi muzvingwarire pachenyu, kuti murege kuedzwawo. 2Takuriranai mitoro yenyu, uye nokudaro muchazadzisa murayiro waKristu. 3Kana munhu achifunga kuti iye chinhu iye asiri chinhu, anozvinyengera. 4Mumwe nomumwe anofanira kuedza mabasa ake. Ipapo angazvikudza hake, asingazvienzanise nomumwe munhuwo, 5nokuti mumwe nomumwe anofanira kutakura mutoro wake.</div><div class="p"> 6Ani naani anogamuchira dzidziso mushoko anofanira kugovana nounomudzidzisa pazvinhu zvose zvakanaka.</div><div class="p"> 7Musanyengerwa: Mwari haasekwi. Munhu anokohwa zvaanodyara. 8Anodyarira nyama yake, achakohwa kuparadzwa kunobva panyama iyoyo; uyo anodyarira mweya, achakohwa upenyu husingaperi hunobva paMweya iwoyo. 9Ngatiregei kuneta pakuita zvakanaka, nokuti nenguva yakafanira tichakohwa kana tisingaori mwoyo. 10Naizvozvo, zvatine mukana, ngatiitei zvakanaka kuvanhu vose, zvikuru kuna avo vari mumhuri yavatendi.</div><div class="b"></div><div class="s1">Kwete Kudzingiswa, asi Chisikwa Chitsva</div><div class="p"> 11Tarirai kukura kwamavara andinoshandisa sezvo ndichikunyorerai imi noruoko rwangu!</div><div class="b"></div><div class="p"> 12Avo vanoda kuzviratidza kuti vakanaka nechokunze vanoedza kukumanikidzai kuti mudzingiswe. Vanongoita izvi kuti varege kutambudzwa nokuda kwomuchinjikwa waKristu. 13Kunyange naivo vakadzingiswa havateereri murayiro, asi vanoda kuti imi mudzingiswe, kuti vagozvikudza pamusoro penyama yenyu. 14Ini ngandirege kutongozvikudza kunze kwomumuchinjikwa waIshe wedu Jesu Kristu, uyo kubudikidza nawo nyika yakarovererwa kwandiri, uye ini kunyika. 15Kudzingiswa kana kusadzingiswa hazvirevi chinhu; chinokosha ndiko kuva chisikwa chitsva. 16Rugare nengoni kuna avo vanotevera murayiro uyu, kunyange kuIsraeri yaMwari.</div><div class="b"></div><div class="p"> 17Pakupedzisira, ngakurege kuva nomunhu anonditambudza, nokuti ndakatakura mumuviri wangu mavanga aJesu.</div><div class="b"></div><div class="p"> 18Nyasha dzaIshe wedu Jesu Kristu ngadzive nomweya wenyu, hama dzangu. Ameni.</div>
 </div>
 </div>
</div>

Das Neue Testament in 100 TagenChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Zvibayiro Zvipenyu Kuna Mwari

Kukunda Nekurumbidza

Sarudzo dzine huMwari

Tsee: Kuona upenyu nomuono wokusingaperi

Iva Mutsvene

Munamato waTenzi

Tiri Vamwe Muna Kristu

Hunhu weuMwari

Kumira naMwari munguva yekuyedzwa nematambudziko

Hunhu weuMwari