Zvibayiro Zvipenyu Kuna Mwari

Kukunda Nekurumbidza

Sarudzo dzine huMwari

Tsee: Kuona upenyu nomuono wokusingaperi

Iva Mutsvene

Munamato waTenzi

Tiri Vamwe Muna Kristu

Hunhu weuMwari

Kumira naMwari munguva yekuyedzwa nematambudziko

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkEPH">
 <div class="chapter ch3" data-usfm="EPH.3">
 <div class="label">3</div><div class="s1">Pauro Muparidzi kune veDzimwe Ndudzi</div><div class="p"> 1Nokuda kwaizvozvi, ini Pauro, musungwa waKristu Jesu nokuda kwenyu imi veDzimwe Ndudzi:</div><div class="p"> 2Zvirokwazvo makanzwa zvokugoverwa kwenyasha dzaMwari dzakapiwa kwandiri nokuda kwenyu, 3kuti chakavanzika chakaziviswa kwandiri nokuzarurirwa, sezvandakatonyora muchidimbu. 4Mukuverenga izvi, ipapo muchagona kunzwisisa maonero andinoita chakavanzika chaKristu, 5chisina kuziviswa kuvanhu kana mamwe marudzi sezvachakaratidzwa zvino noMweya kuvapostori navaprofita vatsvene vaMwari. 6Chakavanzika ichi ndechokuti, kubudikidza nevhangeri, veDzimwe Ndudzi vava vadyi venhaka pamwe chete navaIsraeri uye vava nhengo pamwe chete dzomuviri mumwe chete, vagovani pamwe chete muchivimbiso chiri muna Kristu Jesu.</div><div class="p"> 7Ndakava muranda wevhangeri iri nechipo chenyasha dzaMwari dzakapiwa kwandiri kubudikidza nokushanda kwesimba rake. 8Kunyange ndiri muduku pavanhu vose vaMwari, idzi nyasha dzakapiwa kwandiri: kuti ndiparidze vhangeri kune veDzimwe Ndudzi pfuma yaKristu isinganzwisisiki; 9uye kuti ndiratidze pachena kuvanhu vose kugoverwa kwechakavanzika ichi, icho panguva yakare chakanga chakavigwa muna Mwari, iye akasika zvinhu zvose. 10Zvaaida zvino ndezvokuti, kubudikidza nekereke, uchenjeri hwaMwari hukuru huziviswe kuvatongi navane simba vari muchadenga, 11maererano nevavariro yake isingaperi yaakakwanisa muna Kristu Jesu Ishe wedu. 12Maari, uye kubudikidza nokutenda kwaari tinogona kusvika kuna Mwari takasununguka uye tisingatyi. 13Naizvozvo, ndinokukumbirai, kuti murege kuora mwoyo nokuda kwamatambudziko angu nokuda kwenyu, anova kukudzwa kwenyu.</div><div class="s1">Kunyengeterera vaEfeso</div><div class="p"> 14Nokuda kwaizvozvi, ndinopfugama pamberi paBaba, 15nokuti mhuri yavo yose iri kudenga napanyika inowana zita rayo kubva kwavari. 16Ndinonyengetera kuti kubva papfuma yokubwinya kwavo vakusimbisei nesimba noMweya wavo mumunhu womukati, 17kuti Kristu agare mumwoyo yenyu nokutenda. Uye ndinonyengetera kuti imi, muve nemidzi uye musimbiswe murudo, 18muve nesimba, pamwe chete navatsvene vose, kuti mubate kuti kupamhamha, nokureba uye kukwirira, nokudzika kworudo rwaKristu kwakadii, 19uye muzive rudo urwu runopfuura ruzivo, kuti muzadzwe kusvikira pachiyero chokuzara kwose kwaMwari.</div><div class="p"> 20Zvino iye anogona kuita zvikuru zvisingagoni kuyerwa kupfuura zvose zvatingakumbira kana kufunga, maererano nesimba rake riri kushanda mukati medu, 21ngaave nokubwinya mukereke uye nomuna Kristu Jesu kumarudzi namarudzi, nokusingaperi-peri! Ameni.</div>
 </div>
 </div>
</div>

Shona Contemporary Bible
Copyright © 2005, 2018 by Biblica, Inc.®
Used by permission. All rights reserved worldwide.
Bhaibheri Dzvene MuChiShona Chanhasi
Copyright © 2005, 2018 Biblica, Inc.®
Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkEPH">
 <div class="chapter ch4" data-usfm="EPH.4">
 <div class="label">4</div><div class="s1">Kubatana muMuviri waKristu</div><div class="p"> 1Sezvo ndiri musungwa waShe, zvino ndinokukurudzirai kuti murarame upenyu hwakafanira kudanwa kwamakagamuchira. 2Muzvininipise zvachose uye mupfave; muite mwoyo murefu, muchiitirana mwoyo murefu murudo. 3Mushingaire kuchengeta humwe hwoMweya kubudikidza nechisungo chorugare. 4Pano muviri mumwe chete noMweya mumwe chete, sezvo makadanirwa kutariro imwe chete pamakadanwa, 5Ishe mumwe, kutenda kumwe, rubhabhatidzo rumwe; 6Mwari mumwe naBaba vavose, ari pamusoro pavose, uye kubudikidza navose, uye muna vose.</div><div class="p"> 7Asi kuno mumwe nomumwe wedu kwakapiwa nyasha sokugoverwa kwadzakaitwa naKristu. 8Ndokusaka zvichinzi:</div><div class="q1">&#8220;Paakakwira kudenga,</div><div class="q2">akatungamirira dungwe renhapwa</div><div class="q1">uye akapa zvipo kuvanhu vake.&#8221;</div><div class="m"> 9(Zvinorevei kuti &#8220;akakwira&#8221; asi kuti akaburukawo kumativi ari pasi penyika? 10Iye akaburuka ndiye chaiye akakwira kumusoro-soro kupfuura kudenga denga, kuitira kuti azadze pasi pose.) 11Ndiye akapa vamwe kuti vave vapostori, vamwe kuti vave vaprofita, vamwe kuti vave vavhangeri, uye vamwe kuti vave vafudzi navadzidzisi, 12kuti vagadzirire vanhu vaMwari pabasa rokushumira, kuitira kuti muviri waKristu uvakwe 13kudzamara isu tose tasvika pahumwe mukutenda uye nomukuziva Mwanakomana waMwari napamunhu akura, asvika pachiyero chose chokuzara kwaKristu.</div><div class="p"> 14Ipapo hatingazorambi tiri vacheche, vanosundirwa shure nemberi vachipeperetswa kuno nouko nemhepo ipi zvayo yedzidziso, uye nokunyengera nousvinu hwavanhu mukutsausa kwokunyengera kwavo. 15Asi, tichitaura chokwadi murudo, tichakura pazvinhu zvose maari iye musoro, iye Kristu. 16Kubva maari muviri wose, wakasanganiswa uye wakabatanidzwa pamwe chete nenhengo dzose dzichiusimbisa, unokura uye unozvivaka murudo, sezvo mutezo mumwe nomumwe uchiita basa rawo.</div><div class="s1">Kurarama savana vechiedza</div><div class="p"> 17Saka ndinokuudzai izvi, uye murambire pazviri muna She, kuti hamufaniri kuramba muchirarama savaHedheni, muupenzi hwendangariro dzavo. 18Vakasvibiswa mukunzwisisa kwavo uye vakaparadzaniswa noupenyu hwaMwari nokuda kwokusaziva kuri mavari nokuda kwoukukutu hwemwoyo yavo. 19Vasisina hanya, vakasvika kuutera kuitira kuti vagoita mabasa ose etsvina, nokuchiva zvakawanda.</div><div class="p"> 20Kunyange zvakadaro, imi hamuna kuziva Kristu saizvozvo. 21Zvirokwazvo makanzwa nezvake uye makadzidziswa maari maererano nechokwadi chiri muna Jesu. 22Makadzidziswa, maererano namafambiro enyu ekare, kuti mubvise munhu wenyu wekare, anoodzwa nokuchiva kwokunyengera; 23kuti muitwe vatsva mukufunga kwendangariro dzenyu; 24uye mufuke munhu mutsva, akasikwa kuti afanane naMwari mukururama kwechokwadi noutsvene.</div><div class="p"> 25Naizvozvo mumwe nomumwe wenyu anofanira kubvisa nhema uye ataure chokwadi kuno muvakidzani wake, nokuti isu tose tiri nhengo dzomuviri mumwe. 26&#8220;Mukutsamwa kwenyu, musatadza.&#8221; Musarega zuva richivira muchakangotsamwa, 27uye musapa dhiabhori mukana. 28Uyo akanga achimboba ngaarege kuzobazve, asi anofanira kushanda, achiita zvinhu zvinobatsira namaoko ake, kuti ave nechaangagovera avo vanoshayiwa.</div><div class="p"> 29Musarega kutaura kwakaora kuchibuda mumiromo yenyu, asi chete zvinobatsira pakuvaka vamwe maererano nezvavanoshayiwa, kuti zvigobatsira avo vanonzwa. 30Uye musachemedza Mweya Mutsvene waMwari, uyo wakaitwa chisimbiso chenyu pazuva rokudzikinurwa. 31Bvisai shungu dzose, hasha nokutsamwa, kupopota namakuhwa pamwe chete nokuvenga kwose. 32Muitirane mwoyo munyoro uye munzwirane tsitsi, muchikanganwira mumwe nomumwe wenyu, sezvamakakanganwirwa naMwari muna Kristu.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkEPH">
 <div class="chapter ch5" data-usfm="EPH.5">
 <div class="label">5</div><div class="p"> 1Naizvozvo, ivai vateveri vaMwari, savana vanodikanwa 2uye murarame upenyu hworudo, sezvatakadikanwa naKristu akazvipa nokuda kwedu sechipiriso chinonhuhwira uye sechibayiro kuna Mwari.</div><div class="p"> 3Asi pakati penyu hapafaniri kutaurwa kunyange zvoupombwe, kana tsvina yemhando ipi zvayo, kana kukara, nokuti izvi hazvina kunaka kuvanhu vatsvene vaMwari. 4Uye hapafaniri kuva nokufunga kusina maturo, kutaura kwoupenzi kana kunemera, izvo zvisina kufanira, asi zviri nani kuvonga. 5Nokuti naizvozvi munogona kuva nechokwadi kuti: Hakuna mhombwe, kana munhu ane tsvina kana ane nhafu, munhu akadaro ndiye anonamata zvifananidzo, anowana nhaka muumambo hwaKristu nohwaMwari. 6Ngakurege kuva nomunhu anokunyengerai namashoko asina maturo, nokuti nokuda kwezvinhu zvakadaro, kutsamwa kwaMwari kunouya pamusoro peavo vasingateereri. 7Naizvozvo musashamwaridzana navo.</div><div class="p"> 8Nokuti kare maiva rima, asi zvino mava chiedza muna She. Garai savana vechiedza 9(nokuti chibereko chechiedza chino kunaka kwose, kururama nechokwadi) 10uye muzive zvinofadza Ishe. 11Musayanana namabasa erima, asi zviri nani kuafumura. 12Nokuti zvinonyadza kureva zvinoitwa muchivande navana vasingateereri. 13Asi zvinhu zvose zvinoratidzwa pachena nechiedza zvinobva zvaonekwa, 14nokuti chiedza ndicho chinoratidza zvinhu zvose. Ndokusaka zvichinzi:</div><div class="q1">&#8220;Muka, iwe muvati,</div><div class="q2">muka kubva kuvakafa,</div><div class="q1">Kristu achavhenekera pauri.&#8221;</div><div class="p"> 15Zvino, muchenjere kuti munorarama sei, kwete savasina kuchenjera asi savakachenjera, 16muchishandisa mikana yose, nokuti mazuva akaipa. 17Naizvozvo musava mapenzi, asi munzwisise kuti kuda kwaShe ndokupi. 18Musadhakwa newaini, nokuti ndipo pano kusazvidzora. Asi, muzadzwe noMweya. 19Mutaure kuno mumwe nomumwe wenyu namapisarema, nedzimbo uye nenziyo dzomweya. Muimbe uye muridzire Ishe mimhanzi mumwoyo yenyu, 20muchivonga Mwari Baba pazvinhu zvose, muzita raIshe wedu Jesu Kristu.</div><div class="p"> 21Muzviise pasi pomumwe nomumwe wenyu muchitya Kristu.</div><div class="s1">Vakadzi naVarume</div><div class="p"> 22Vakadzi, muzviise pasi pavarume venyu sezvamunoita kuna She. 23Nokuti murume musoro womukadzi saKristu ari musoro wekereke, iwo muviri wake, iyo yaari muponesi wayo. 24Zvino sezvo kereke ichizviisa pasi paKristu, saizvozvowo vakadzi vanofanira kuzviisa pasi pavarume vavo pazvinhu zvose.</div><div class="p"> 25Varume, idai vakadzi venyu, saKristu akada kereke uye akazvipa nokuda kwayo 26kuti aiite tsvene, akaishambidza nokushambidza kwemvura neshoko, 27uye kuti ayiuyise kwaari sekereke inobwinya, isina gwapa kana kuunyana kana chipi zvacho chainopomerwa. 28Nenzira imwe cheteyo, varume vanofanira kuda vakadzi vavo semiviri yavo chaiyo. Uyo anoda mukadzi wake anozvida iye pachake. 29Pana izvozvo zvose, hakuna munhu angavenga muviri wake, asi anoupa zvokudya uye anouchengeta, sezvinoita Kristu kukereke, 30nokuti tiri nhengo dzomuviri wake. 31&#8220;Nokuda kwaizvozvi, murume achasiya baba namai vake uye asanganiswe nomukadzi, uye vaviri vachava nyama imwe chete.&#8221; 32Ichi ndicho chakavanzika chakadzika, asi ndiri kutaura pamusoro paKristu nekereke. 33Kunyange zvakadaro, mumwe nomumwe wenyuwo anofanira kuda mukadzi wake sezvaanozvida iye, uye mukadzi anofanira kuremekedza murume wake.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkEPH">
 <div class="chapter ch6" data-usfm="EPH.6">
 <div class="label">6</div><div class="s1">Vana naVabereki</div><div class="p"> 1Vana, teererai vabereki venyu muna She, nokuti ndizvo zvakanaka. 2&#8220;Kudza baba namai vako,&#8221; ndiwo murayiro wokutanga une chipikirwa, 3&#8220;kuti uitirwe zvakanaka uye kuti ugare upenyu hurefu panyika.&#8221; 4Vanababa, regai kutsamwisa vana venyu; asi, muvarere mukurovedza nokurayira kwaShe.</div><div class="s1">Varanda naVanatenzi</div><div class="p"> 5Varanda, teererai vatenzi venyu vapanyika noruremekedzo uye nokutya, uye nomwoyo wakatendeka, sokuteerera kwamunoita Kristu. 6Musangovateerera kuti vakufarirei pavanenge vachikuonai chete, asi savaranda vaKristu, vanoita kuda kwaMwari zvichibva pamwoyo yavo. 7Mushande nomwoyo wose, sokunge munoshandira Ishe, kwete munhu, 8nokuti munoziva kuti Ishe achapa mubayiro mumwe nomumwe pane zvose zvakanaka zvaanoita, angava muranda kana akasununguka.</div><div class="p"> 9Uye imi vatenzi, mubate varanda venyu nenzira imwe cheteyo. Musavatyisa, sezvo muchiziva kuti Tenzi wavo nowenyu ari kudenga, uye haana rusaruro maari.</div><div class="s1">Nhumbi dzokurwa nadzo dzaMwari</div><div class="p"> 10Pakupedzisira, ivai nesimba muna She nomusimba rake guru. 11Shongai nhumbi dzose dzokurwa nadzo dzaMwari kuti mugogona kumira muchirwa namano adhiabhori. 12Nokuti hatirwi nenyama neropa, asi navabati, navanesimba, namasimba enyika ino yerima uye namasimba emweya yakaipa ari muchadenga. 13Naizvozvo shongai nhumbi dzose dzokurwa nadzo dzaMwari, kuti panosvika zuva rakaipa, mugokwanisa kumira, uye mushure mokunge maita zvinhu zvose, kuti mumire. 14Zvino mirai nesimba, makasunga bhanhire rechokwadi muchiuno chenyu, nechidzitiro chechipfuva chokururama, 15uye tsoka dzenyu dzakashongedzwa negadziriro inobva pavhangeri rorugare. 16Pamusoro paizvozvi zvose, torai nhoo yokutenda, iyo yamunogona kudzima nayo miseve inopfuta yowakaipa. 17Torai nguwani yoruponeso nomunondo womweya, iro shoko raMwari. 18Uye munyengetere muMweya nguva dzose nemhando dzose dzeminyengetero nemikumbiro. Muine izvi mupfungwa dzenyu, murinde uye murambe muchinyengeterera vatsvene.</div><div class="p"> 19Munyengeterere neniwo, kuti pose pandinoshama muromo wangu, ndipiwe mashoko kuitira kuti ndigozivisa chakavanzika chevhangeri ndisingatyi, 20iro randiri nhume yakasungwa nengetani. Nyengeterai kuti ndiritaure ndisingatyi, sezvandinofanira.</div><div class="b"></div><div class="s1">Mashoko Okupedzisira</div><div class="p"> 21Tikikasi, hama inodikanwa nomuranda akatendeka muna She, achakuudzai zvinhu zvose, kuitira kuti nemiwo muzive zvandiri nezvandinoita. 22Ndiri kumutuma kwamuri nokuda kwechinangwa ichi, kuti muzive zvatiri, uye kuti akukurudzirei.</div><div class="b"></div><div class="p"> 23Rugare kuhama, norudo nokutenda zvinobva kuna Mwari Baba naIshe Jesu Kristu.</div><div class="b"></div><div class="p"> 24Nyasha kuna vose vanoda Ishe wedu Jesu Kristu norudo rusingaperi.</div>
 </div>
 </div>
</div>

Das Neue Testament in 100 TagenChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Zvibayiro Zvipenyu Kuna Mwari

Kukunda Nekurumbidza

Sarudzo dzine huMwari

Tsee: Kuona upenyu nomuono wokusingaperi

Iva Mutsvene

Munamato waTenzi

Tiri Vamwe Muna Kristu

Hunhu weuMwari

Kumira naMwari munguva yekuyedzwa nematambudziko

Hunhu weuMwari