Iva Mutsvene

Sarudzo dzine huMwari

Hunhu weuMwari

Kukunda Nekurumbidza

Tiri Vamwe Muna Kristu

Tsee: Kuona upenyu nomuono wokusingaperi

Munamato waTenzi

Zvibayiro Zvipenyu Kuna Mwari

Kumira naMwari munguva yekuyedzwa nematambudziko

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch9" data-usfm="LUK.9">
 <div class="label">9</div><div class="s1">Jesu Anotuma Vane Gumi naVaviri</div><div class="p"> 1Jesu akati aunganidza vane Gumi naVaviri vake pamwe chete, akavapa simba nechikuriri kuti vadzinge madhimoni uye vaporese vakanga vane zvirwere, 2akavatuma kuti vandoparidza umambo hwaMwari uye vandoporesa vairwara. 3Akavarayira achiti, &#8220;Musatakura chinhu parwendo, mudonzvo, kana hombodo, kana chingwa, kana mari, kana imwe nguo. 4Muimba ipi neipi yamunopinda, mugaremo kusvikira mabva muguta imomo. 5Kana vanhu vasingakugamuchiriyi, muzunze guruva retsoka dzenyu pamunenge mabuda muguta ravo, chive chapupu pamusoro pavo.&#8221; 6Saka vakasimuka vakabuda vakaenda kumusha nomusha, vachiparidza vhangeri nokuporesa vanhu kwose kwose.</div><div class="p"> 7Zvino Herodhi mubati akanzwa pamusoro pezvose zvakanga zvichiitika. Akakanganisika, nokuti vamwe vakanga vachiti Johani akanga amutswa kubva kuvakafa, 8vamwe vachiti Eria akanga aonekwa, uyezve vamwe vachiti mumwe wavaprofita vakare akanga amuka. 9Asi Herodhi akati, &#8220;Johani ndakamugura musoro. Zvino, ndianiko uyu wandinonzwa zvinhu zvakadai pamusoro pake?&#8221; Akaedza kuti amuone.</div><div class="s1">Vanhu Zviuru Zvishanu Vanopiwa Zvokudya</div><div class="p"> 10Vapostori vakati vadzoka, vakarondedzera kuna Jesu zvavakanga vaita. Ipapo akavatora vakabva muchivande vakaenda kuguta rainzi Bhetisaidha, 11asi vazhinji vakazviziva vakamutevera. Akavagamuchira akataura kwavari nezvoumambo hwaMwari, akaporesa avo vakanga vachida kuporeswa.</div><div class="p"> 12Zuva rovira, vane Gumi Navaviri vakauya kwaari vakati, &#8220;Endesai vanhu vazhinji ava kuitira kuti vaende kumisha nokumaruwa akapoteredza kuti vandozvitsvakira zvokudya nepokurara, nokuti tiri musango muno.&#8221;</div><div class="p"> 13Akavapindura akati, &#8220;Vapei imi zvokudya.&#8221;</div><div class="p">Ivo vakati, &#8220;Tinongova nezvingwa zvishanu nehove mbiri, kunze kwokunge tandotenga zvokudya zvavanhu vazhinji vose ava.&#8221; 14Pakanga pane varume vangasvika zviuru zvishanu.</div><div class="p">Asi iye akati kuvadzidzi vake, &#8220;Vagarisei pasi vari mumapoka avanhu vangasvika makumi mashanu paboka rimwe nerimwe.&#8221; 15Vadzidzi vakaita saizvozvo, uye munhu wose akagara pasi. 16Akati atora zvingwa zvishanu nehove mbiri akatarisa kudenga, akavonga ndokuzvimedura. Ipapo akazvipa kuvadzidzi kuti vaise pamberi pavanhu. 17Vose vakadya vakaguta, uye vadzidzi vakanonga matengu azere gumi namaviri ezvimedu zvakanga zvasara.</div><div class="s1">Petro Anopupura kuti Jesu Ndiye Kristu</div><div class="p"> 18Rimwe zuva Jesu akati achinyengetera ari oga uye vadzidzi vake vakanga vanaye, akavabvunza akati, &#8220;Vanhu vazhinji vanoti ndini aniko?&#8221;</div><div class="p"> 19Vakapindura vakati, &#8220;Vamwe vanoti Johani Mubhabhatidzi, vamwe vachiti Eria, uye vamwezve vachiti, mumwe wavaprofita vakare akamuka kubva kuvakafa.&#8221;</div><div class="p"> 20Akati kwavari, &#8220;Asi, ko, imi munoti ndini ani?&#8221;</div><div class="p">Petro akapindura akati, &#8220;Ndimi Kristu waMwari.&#8221;</div><div class="p"> 21Jesu akavayambira zvikuru kuti varege kutaura izvi kuna ani zvake. 22Akatizve, &#8220;Mwanakomana woMunhu anofanira kutambudzika pazvinhu zvizhinji agorambwa navakuru, vaprista vakuru navadzidzisi vomurayiro, uye anofanira kuurayiwa agomuka pazuva retatu.&#8221;</div><div class="p"> 23Ipapo akati kwavari vose, &#8220;Kana munhu achida kunditevera, anofanira kuzviramba atore muchinjikwa wake zuva rimwe nerimwe agonditevera. 24Nokuti ani naani anoda kuponesa upenyu hwake acharasikirwa nahwo, asi ani naani anorasikirwa noupenyu hwake nokuda kwangu achahuponesa. 25Ko, munhu achabatsirwei kana akawana nyika yose, asi agorasikirwa noupenyu hwake. 26Kana munhu akanyara pamusoro pangu namashoko angu, Mwanakomana woMunhu achanyarawo pamusoro pake paanouya mukubwinya nomukubwinya kwaBaba nokwavatumwa vatsvene. 27Ndinokuudzai chokwadi, kuti vamwe vamire pano havazofi vasati vaona umambo hwaMwari.&#8221;</div><div class="s1">Kubwinya kwaJesu paGomo</div><div class="p"> 28Mazuva angasvika masere akati apera, shure kwokunge Jesu ataura izvozvo, akatora Petro naJohani naJakobho pamwe chete naye akakwira mugomo kundonyengetera. 29Akati achinyengetera, kuonekwa kwechiso chake kwakashanduka, nguo dzake dzikachena dzikapenya sokupenya kwemheni. 30Varume vaviri, Mozisi naEria, 31vakaonekwa vari mukubwinya, vachitaura naJesu. Vakataura pamusoro pokuzoenda kwake, kwaakanga ondozadzisa paJerusarema. 32Petro navaaiva navo vakanga vava kubatwa nehope, asi vakati vanyatsomuka, vakaona kubwinya kwake uye varume vaviri vamire naye. 33Varume ava vakati vobva pana Jesu, Petro akati kwaari, &#8220;Tenzi, zvakanaka kuti isu tigare pano. Ngativakei matumba matatu, rimwe renyu, rimwe raMozisi uye rimwe raEria.&#8221; Akanga asingazivi zvaaireva.</div><div class="p"> 34Akati achiri kutaura izvi, gore rakasvika rikavafukidza, uye vakatya pavakapinda mugore. 35Inzwi rakabva mugore, rikati, &#8220;Uyu ndiye Mwanakomana wangu, musanangurwa wangu; muteererei.&#8221; 36Inzwi rakati rataura izvozvo, vakaona Jesu ava oga. Vadzidzi vakanyarara, vakasaudza munhu zvavakanga vaona panguva iyoyo.</div><div class="s1">Kuporeswa kwoMukomana Akanga Ano Mweya Wakaipa</div><div class="p"> 37Fume mangwana, pavakaburuka mugomo, vazhinji zhinji vakasangana naye. 38Mumwe murume akanga ari pakati pavanhu vazhinji akadanidzira achiti, &#8220;Mudzidzisi, ndinokukumbirai kuti muonewo mwanakomana wangu, nokuti ndiye oga mwana wangu. 39Mweya wakaipa unomubata pakarepo oridza mhere; wobva womubvundisa achipupuma furo pamuromo. Haudi kumuregedza uye unomuparadza. 40Ndakakumbira vadzidzi venyu kuti vaudzinge, asi vakasagona.&#8221;</div><div class="p"> 41Jesu akapindura akati, &#8220;Haiwa rudzi rusingatendi, rwakatsauka, ndichagara nemi kusvikira riniko ndichikuitirai mwoyo murefu? Uyai pano nomwanakomana wenyu.&#8221;</div><div class="p"> 42Kunyange pakanga pachiuya mukomana, dhimoni rakamuwisira pasi rikamubvundisa. Asi akarayira mweya wakaipa, akaporesa mukomana ndokubva amudzosera kuna baba vake. 43Uye vose vakashamiswa noukuru hwaMwari.</div><div class="p">Vanhu vose pavakanga vachakashamiswa nezvose zvakanga zvaitwa naJesu, akati kuvadzidzi vake, 44&#8220;Teereresai kune zvandiri kuda kukutaurirai: Mwanakomana woMunhu ava kuzopandukirwa agoiswa mumaoko avanhu.&#8221; 45Asi havana kunzwisisa kuti zvairevei. Zvakanga zvakavanzika kwavari, naizvozvo havana kuzvibata, uye vakanga vachitya kumubvunza pamusoro pazvo.</div><div class="s1">Ndiani achava mukuru?</div><div class="p"> 46Nharo dzakatanga pakati pavadzidzi dzokuti mukuru ndiani. 47Jesu, achiziva kufunga kwavo, akatora mwana muduku ndokumumisa parutivi rwake. 48Ipapo akati kwavari, &#8220;Ani naani anogamuchira mwana muduku uyu muzita rangu anondigamuchira; uye ani naani anondigamuchira, anogamuchira uyo akandituma. Nokuti muduku pakati penyu mose ndiye mukuru.&#8221;</div><div class="p"> 49Johani akati, &#8220;Tenzi, takaona mumwe murume achidzinga madhimoni muzita renyu uye tikaedza kumudzivisa, nokuti haazi mumwe wedu.&#8221;</div><div class="p"> 50Jesu akati, &#8220;Musamudzivisa, nokuti ani naani asingapesani nemi ndowenyu.&#8221;</div><div class="s1">VaSamaria vanoramba kugamuchira Jesu</div><div class="p"> 51Nguva yakati yasvika yokuti akwidzwe kudenga, Jesu akafunga zvokuenda kuJerusarema. 52Uye akatuma nhume pamberi pake, dzikapinda mumusha weSamaria kundofanomugadzirira zvinhu; 53asi vanhu voko havana kumugamuchira, nokuti akanga ava kuenda kuJerusarema. 54Vadzidzi Jakobho naJohani vakati vaona izvi, vakabvunza vakati, &#8220;Ishe, munoda here kuti tidane moto uburuke kubva kudenga kuti uvaparadze?&#8221; 55Asi Jesu akatendeuka akavatsiura, 56uye akabva akaenda kuno mumwe musha.</div><div class="s1">Mutengo woKutevera Jesu</div><div class="p"> 57Vakati vachifamba mumugwagwa, mumwe murume akati, &#8220;Ndichakuteverai kwose kwamunoenda.&#8221;</div><div class="p"> 58Jesu akapindura akati, &#8220;Makava ane mwena yawo uye shiri dzedenga dzine matendere adzo, asi Mwanakomana woMunhu haana paangatsamidza musoro wake.&#8221;</div><div class="p"> 59Akati kuno mumwe murume, &#8220;Nditevere.&#8221;</div><div class="p">Asi murume uyu akapindura akati, &#8220;Ishe, nditenderei kuti ndinoviga baba vangu.&#8221;</div><div class="p"> 60Jesu akati kwaari, &#8220;Rega vakafa vavige vakafa vavo, asi iwe enda undoparidza umambo hwaMwari.&#8221;</div><div class="p"> 61Mumwezve akati, &#8220;Ndichakuteverai, Ishe; asi kutanga regai ndimbondoonekana nemhuri yangu.&#8221;</div><div class="p"> 62Jesu akapindura akati, &#8220;Hakuna munhu anoti kana akaisa ruoko rwake pagejo akacheuka angafanirwa nokushumira muumambo hwaMwari.&#8221;</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s1">Jesu Anotuma vana Makumi Manomwe</div><div class="p"> 1Shure kwaizvozvo Ishe akagadza vamwe makumi manomwe akavatuma achiita vaviri vaviri pamberi pake kumaguta nokunzvimbo dzose kwaakanga achizoenda. 2Akati kwavari, &#8220;Kukohwa kukuru, asi vashandi vashoma. Naizvozvo kumbirai kuna She wokukohwa, kuti atume vashandi mumunda wake wokukohwa. 3Endai! Ndiri kukutumai samakwayana pakati pamapere. 4Musatora chikwama, kana hombodo, kana shangu; uye musakwazisa munhu panzira.</div><div class="p"> 5&#8220;Pamunopinda mumba, mutange namashoko okuti, &#8216;Rugare ngaruve muimba ino.&#8217; 6Kana munhu worugare arimo, rugare rwenyu ruchazorora pamusoro pake; kana zvikasadaro, ruchadzokera kwamuri. 7Garai muimba iyoyo muchidya nokunwa zvose zvavanokupai nokuti mubati akafanirwa nomubayiro wake. Musapota-pota nedzimba.</div><div class="p"> 8&#8220;Pamunopinda muguta uye vakakugamuchirai, mudye zvose zvinoiswa pamberi penyu. 9Poresai vanorwara varimo mugovaudza kuti, &#8216;Umambo hwaMwari hwaswedera.&#8217; 10Asi pamunopinda muguta uye mukasagamuchirwa, muende munzira dzaro mugoti, 11&#8216;Kunyange neguruva reguta renyu rakanamatira patsoka dzedu tinoripukuta nokuda kwenyu. Asi muzive izvi: Umambo hwaMwari hwaswedera.&#8217; 12Ndinokuudzai kuti pazuva iro, Sodhomu richarerukirwa kwazvo kupfuura guta iroro.</div><div class="p"> 13&#8220;Une nhamo iwe, Korazini! Une nhamo iwe, Bhetisaidha! Nokuti dai zvishamiso zvakaitwa mauri zvakanga zvaitwa muTire neSidhoni, vangadai vakatendeuka kare, vakagara mumadota vakafuka masaga. 14Asi Tire neSidhoni zvicharerukirwa pakutongwa kupfuura imi. 15Uye iwe, Kapenaume, uchasimudzirwa kudenga here? Kwete, uchaburuka kwakadzika.</div><div class="p"> 16&#8220;Anokunzwai imi, anondinzwa ini; uyo anokurambai imi, anondirambawo ini; asi uyo anondiramba, anoramba iye akandituma.&#8221;</div><div class="p"> 17Vana makumi manomwe vakadzoka nomufaro vakati, &#8220;Ishe, kunyange madhimoni anozviisa pasi pedu muzita renyu.&#8221;</div><div class="p"> 18Akati kwavari, &#8220;Ndakaona Satani achiwa kubva kudenga semheni. 19Ndakupai simba rokuti mutsike pamusoro penyoka nezvinyavada uye kuti mukunde simba rose romuvengi; hakuna chichakukuvadzai. 20Kunyange zvakadaro hazvo, musafara nokuti mweya yakaipa inozviisa pasi penyu, asi farai kuti mazita enyu akanyorwa kudenga.&#8221;</div><div class="p"> 21Panguva iyoyo Jesu azere nomufaro kubudikidza noMweya Mutsvene, akati, &#8220;Ndinokuvongai, Baba, Ishe wokudenga nepasi, nokuti makavanzira vakachenjera navakadzidza zvinhu izvi, mukazvizarurira kuvacheche. Hongu, Baba nokuti zvakakufadzai.</div><div class="p"> 22&#8220;Zvinhu zvose ndakazvipiwa naBaba vangu. Hakuna munhu anoziva kuti Mwanakomana ndiani kunze kwaBaba, uye hakuna munhu anoziva kuti Baba ndiani kunze kwoMwanakomana naavo Mwanakomana vaanenge asarudza kuvazarurira.&#8221;</div><div class="p"> 23Ipapo akatendeukira kuvadzidzi vake vari voga akati, &#8220;Akaropafadzwa meso anoona zvamuoona, 24nokuti ndinokuudzai kuti vaprofita vazhinji namadzimambo vaida kuona zvamunoona asi havana kuzviona, uye nokunzwa zvamunonzwa asi havana kuzvinzwa.&#8221;</div><div class="s1">Mufananidzo woMuSamaria Akanaka</div><div class="p"> 25Mumwe musi mududziri womurayiro akasimuka kuti aedze Jesu. Akati, &#8220;Mudzidzisi ndinofanira kuiteiko kuti ndiwane nhaka youpenyu husingaperi?&#8221;</div><div class="p"> 26Iye akapindura akati, &#8220;Mumurayiro makanyorweiko? Unouverenga seiko?&#8221;</div><div class="p"> 27Akapindura akati, &#8220;&#8198;&#8216;Ida Ishe Mwari wako nomwoyo wako wose, uye nomweya wako wose, uye nesimba rako rose nokufunga kwako kwose,&#8217; uye &#8216;Ida muvakidzani wako sokuda kwaunozviita iwe.&#8217;&#8198;&#8221;</div><div class="p"> 28Jesu akapindura akati, &#8220;Wapindura zvakanaka. Ita izvozvo ugorarama.&#8221;</div><div class="p"> 29Asi iye akanga achida kuzviruramisa, saka akabvunza Jesu akati, &#8220;Muvakidzani wangu ndianiko?&#8221;</div><div class="p"> 30Jesu akapindura akati, &#8220;Mumwe murume aiburuka achibva kuJerusarema achienda kuJeriko, paakawira mumaoko amakororo. Vakamubvisa nguo dzake, vakamurova ndokuenda zvavo, vachimusiya oda kufa. 31Zvakaitika kuti mumwe muprista akafambawo nenzira iyoyo, uye akati achiona murume uyo, akamunyenyeredza. 32Saizvozvowo, muRevhi akasvika panzvimbo iyoyo akamuona, akamunyenyeredzawo. 33Asi muSamaria, aiva parwendo, akasvika pakanga pano murume uya; uye akati achimuona, akamunzwira tsitsi. 34Akaenda paari akamusunga maronda ake, akaadira mafuta newaini. Ipapo akamutora akamukwidza pambongoro yake, akamuendesa kuimba yavaeni, akamuchengeta. 35Fume mangwana akatora mari yesirivha akaipa kumuchengeti weimba yavaeni. Akati kwaari, &#8216;Muchengetei uye pandinodzoka, ndichakuripirai zvose zvamunenge mawedzera pane zvandakupai.&#8217;</div><div class="p"> 36&#8220;Ndianiko pavanhu vatatu ava waunofunga kuti akanga ari muvakidzani kuna iye akawira mumaoko amakororo?&#8221;</div><div class="p"> 37Mududziri womurayiro akati, &#8220;Uyo akamunzwira tsitsi.&#8221;</div><div class="p">Jesu akati kwaari, &#8220;Enda unoita saizvozvo.&#8221;</div><div class="s1">Jesu Anoshanyira Marita naMaria</div><div class="p"> 38Jesu navadzidzi vake pavakanga vachifamba, vakasvika pano mumwe musha; mumwe mukadzi ainzi Marita akamugamuchira mumba make. 39Akanga ano munun&#700;una wake ainzi Maria, uyo akagara patsoka dzaShe achiteerera kune zvaakanga achitaura. 40Asi Marita akatadziswa kuteerera nokuda kwokugadzirira kwose kwaifanira kuitwa. Akauya kwaari akati, &#8220;Ishe hamuna hanya here kuti munun&#700;una wangu andisiya ndichingoshanda ndoga? Muudzei kuti andibatsirewo!&#8221;</div><div class="p"> 41Ishe akapindura akati, &#8220;Marita, Marita, uri kufunganya nokugumburwa pamusoro pezvinhu zvizhinji, 42asi pane chinhu chimwe chete chinodikanwa. Maria asarudza chinhu chiri nani, uye haazochitorerwi.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch11" data-usfm="LUK.11">
 <div class="label">11</div><div class="s1">Kudzidzisa kwaJesu pamusoro poKunyengetera</div><div class="p"> 1Mumwe musi Jesu akanga achinyengetera ari pane imwe nzvimbo. Akati apedza, mumwe wavadzidzi vake akati kwaari, &#8220;Ishe, tidzidzisei kunyengetera, saJohani akadzidzisa vadzidzi vake.&#8221;</div><div class="p"> 2Iye akati kwavari, &#8220;Kana muchinyengetera, muti:</div><div class="q1">&#8220;&#8198;&#8216;Baba vedu vari kudenga,</div><div class="q1">zita renyu ngarikudzwe noutsvene.</div><div class="q1">Umambo hwenyu ngahuuye. Kuda kwenyu ngakuitwe panyika sezvinoitwa kudenga.</div><div class="q1"> 3Tipei zuva nezuva chingwa chedu chamazuva namazuva.</div><div class="q1"> 4Uye mutiregerere zvivi zvedu;</div><div class="q2">nokuti nesuwo tinoregerera vose vanotitadzira.</div><div class="q1">Musatitungamirira mukuedzwa; uye mutinunure pane zvakaipa.&#8217;&#8198;&#8221;</div><div class="p"> 5Ipapo akati kwavari, &#8220;Kana mumwe wenyu ane shamwari, uye akaenda kwaari pakati pousiku akati, &#8216;Shamwari, ndikweretesewo zvingwa zvitatu, 6nokuti shamwari yangu iri parwendo yasvika kwangu, uye ini handina chandingamupa.&#8217;</div><div class="p"> 7&#8220;Ipapo uya ari mukati akati, &#8216;Rega kundinetsa. Mukova wangu watopfigwa, uye vana vangu neni tavata. Handikwanisi kumuka kuti ndikupe kana chinhu.&#8217; 8Ndinokuudzai, kuti kunyange asingazomuki kuti amupe chingwa nokuda kwokuti ishamwari yake, asi nokuda kwokushingirira kwomunhu uyu, achamuka agomupa zvose zvaanoda.</div><div class="p"> 9&#8220;Saka ndinoti kwamuri: Kumbirai, muchapiwa, tsvakai, muchawana; gogodzai, muchazarurirwa mukova. 10Nokuti ani naani anokumbira achapiwa; anotsvaka achawana; anogogodza, achazarurirwa mukova.</div><div class="p"> 11&#8220;Ndiani pakati penyu vanababa, angati, kana mwanakomana wake amukumbira hove, omupa nyoka pachinzvimbo chehove? 12Kana kuti akakumbira zai, angamupa chinyavada here? 13Zvino kana imi, kunyange makaipa zvenyu, muchiziva kupa zvipo zvakanaka kuvana venyu, Baba venyu vari kudenga vachapa zvikuru sei Mweya Mutsvene kuna vanomukumbira!&#8221;</div><div class="s1">Jesu naBheerizebhubhi</div><div class="p"> 14Jesu akanga achidzinga dhimoni raiva mbeveve. Dhimoni rakati rabva, munhu uya akanga ari mbeveve akataura, uye vazhinji vakashamiswa nazvo. 15Asi vamwe vavo vakati, &#8220;Anodzinga dhimoni naBheerizebhubhi, muchinda mukuru wamadhimoni.&#8221; 16Vamwewo vakamuedza nokumukumbira chiratidzo.</div><div class="p"> 17Jesu akaziva ndangariro dzavo akati kwavari, &#8220;Umambo hupi zvahwo hunozvipesanisa huchaparadzwa, uye imba inozvipesanisa ichawa. 18Kana Satani achizvipesanisa, umambo hwake hungamira seiko? Ndinotaura izvi nokuti munonditi ndinobudisa madhimoni naBheerizebhubhi. 19Zvino kana ndichibudisa madhimoni naBheerizebhubhi, ko, vanakomana venyu vanoabudisa naani? Saka zvino, ivo vachava vatongi venyu. 20Asi kana ndichidzinga madhimoni nomunwe waMwari, ipapo umambo hwaMwari hwasvika kwamuri.</div><div class="p"> 21&#8220;Kana munhu ane simba, akanyatsoshonga nhumbi dzake dzokurwa, akachengeta imba yake, pfuma yake inochengetedzeka. 22Asi kana mumwe ane simba akamurwisa uye akamukunda, anomutorera nhumbi dzokurwa dzaanga achivimba nadzo agogova zvaanenge apamba.</div><div class="p"> 23&#8220;Ani naani asiri kudivi rangu anorwa neni, uye asingaunganidzi pamwe chete neni, anoparadzira.</div><div class="p"> 24&#8220;Kana mweya wakaipa ukabuda mumunhu, unopinda nomunzvimbo dzakaoma uchitsvaka zororo ugorishayiwa. Ipapo unoti, &#8216;Ndichadzokera kumba kwandakabva.&#8217; 25Paunosvika, unowana imba yakatsvairwa, yanaka uye igere zvakanaka. 26Ipapo unobuda wondotsvaka mimwe mweya minomwe yakaipa kupfuura iwo, igopinda yondogaramo. Uye magumo omunhu uyo akaipa kupfuura okutanga.&#8221;</div><div class="p"> 27Jesu akati achiri kutaura zvinhu izvi, mumwe mukadzi aiva pakati pavanhu vazhinji akadanidzira achiti, &#8220;Vakaropafadzwa mai vakakuzvarai vakakuyamwisai.&#8221;</div><div class="p"> 28Akapindura akati, &#8220;Asi vakaropafadzwa avo vanonzwa shoko raMwari uye vachiriteerera.&#8221;</div><div class="s1">Chiratidzo chaJona</div><div class="p"> 29Vanhu vakati vachiwanda, Jesu akati kwavari, &#8220;Rudzi urwu rwakaipa. Runokumbira chiratidzo, asi harungapiwi chiratidzo kunze kwechaJona. 30Nokuti sezvo Jona akanga ari chiratidzo kuvaNinevhe, saizvozvowo ndizvo zvichaita Mwanakomana woMunhu kurudzi urwu. 31Mambokadzi weZasi achasimuka pakutongwa navarume vorudzi urwu agovapa mhosva; nokuti akabva kumagumo enyika kuzonzwa uchenjeri hwaSoromoni, zvino mukuru kuna Soromoni ari pano. 32Varume veNinevhe vachasimuka pakutongwa norudzi urwu vagorupa mhosva; nokuti ivo vakatendeuka pakuparidza kwaJona, zvino mukuru kuna Jona ari pano.</div><div class="s1">Mwenje woMuviri</div><div class="p"> 33&#8220;Hakuna munhu anotungidza mwenje agouisa panzvimbo yakavanda, kana pasi pedengu. Asi anouisa pachigadziko, kuitira kuti vose vanopinda mumba vaone chiedza. 34Ziso rako ndiwo mwenje womuviri wako. Kana meso ako akanaka, muviri wako wosewo uzere nechiedza. Asi kana akaipa, muviri wakowo uzere nerima. 35Chenjererai kuti chiedza chiri mamuri chirege kuva rima. 36Naizvozvo kana muviri wako wose uzere nechiedza, uye pasina chikamu chawo chine rima, uchavhenekerwa zvakakwana, sezvinoita chiedza chomwenje pachinovhenekera pauri.&#8221;</div><div class="s1">Matambudziko Matanhatu</div><div class="p"> 37Jesu akati apedza kutaura, mumwe muFarisi akamukoka kuti azodya naye; saka akaenda, akapinda akagara naye pakudya. 38Asi muFarisi akaona kuti Jesu akanga asina kutanga ageza asati adya, zvikamushamisa.</div><div class="p"> 39Ipapo Ishe akati kwaari, &#8220;Zvino, imi vaFarisi munosuka kunze kwomukombe nendiro, asi mukati menyu muzere nokukara nokuipa. 40Imi mapenzi avanhu! Ko, akaita kunze haaziye akaitawo nomukati here? 41Asi ipai zviri mukati mendiro sezvipo kuvarombo, uye ipapo zvose zvichava zvakachena kwamuri.</div><div class="p"> 42&#8220;Mune nhamo imi vaFarisi, nokuti munopa kuna Mwari chegumi chemindi, nerui nezvimwe zvirimwa zvomubindu romuriwo, asi muchirega kururamisira, norudo rwaMwari. Maifanira kuzviita izvi musingasiyi zvokutanga zvisati zvaitwa.</div><div class="p"> 43&#8220;Mune nhamo imi vaFarisi, nokuti munoda zvigaro zvapamusoro mumasinagoge nokukwaziswa pamisika.&#8221;</div><div class="p"> 44&#8220;Mune nhamo imi, nokuti makaita samakuva asina mucherechedzo, vanhu vanofamba napamusoro pawo vasingazvizivi.&#8221;</div><div class="p"> 45Mumwe wavadudziri vomurayiro akamupindura akati, &#8220;Mudzidzisi, kana muchitaura izvi, munotuka nesuwo.&#8221;</div><div class="p"> 46Jesu akapindura akati, &#8220;Mune nhamo nemiwo vadudziri vomurayiro, nokuti munoremedza vanhu nemitoro yavasingagoni kutakura, asi imi pachenyu hamutongosimudzi munwe wenyu kuti muvabatsire.</div><div class="p"> 47&#8220;Mune nhamo imi, nokuti munovaka marinda avaprofita, uye madzitateguru enyu ariwo akavauraya. 48Saka muri kupupura kuti munotenderana nezvakaitwa namadzitateguru enyu; vakauraya vaprofita uye imi munovaka marinda avo. 49Nokuda kwaizvozvo, Mwari muuchenjeri hwake akati, &#8216;Ndichatumira vaprofita navapostori, vamwe vavo vachavauraya uye vachatambudza vamwe.&#8217; 50Naizvozvo rudzi urwu ruchava nemhosva yeropa ravaprofita vose, rakadeurwa kubva pakuvamba kwenyika, 51kubva paropa raAbheri kusvikira kuropa raZekaria, uyo akaurayiwa pakati pearitari neimba tsvene. Hongu, ndinoti kwamuri, rudzi urwu ruchava nemhosva yezvinhu izvi zvose.</div><div class="p"> 52&#8220;Mune nhamo imi, vadudziri vomurayiro, nokuti makabvisa kiyi yokuziva. Imi pachenyu hamuna kupinda, uye makadzivisa vaya vakanga vachipinda.&#8221;</div><div class="p"> 53Jesu akati abva ipapo, vaFarisi navadzidzisi vomurayiro vakatanga kumupikisa zvikuru nokumubvunza mibvunzo yakawanda, 54vachimirira kuti vamubate pane zvaaizotaura.</div>
 </div>
 </div>
</div>

The House 21 Day Reading PlanChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Iva Mutsvene

Sarudzo dzine huMwari

Hunhu weuMwari

Kukunda Nekurumbidza

Tiri Vamwe Muna Kristu

Hunhu weuMwari

Tsee: Kuona upenyu nomuono wokusingaperi

Munamato waTenzi

Zvibayiro Zvipenyu Kuna Mwari

Kumira naMwari munguva yekuyedzwa nematambudziko