Iva Mutsvene

Sarudzo dzine huMwari

Hunhu weuMwari

Kukunda Nekurumbidza

Tiri Vamwe Muna Kristu

Tsee: Kuona upenyu nomuono wokusingaperi

Munamato waTenzi

Zvibayiro Zvipenyu Kuna Mwari

Kumira naMwari munguva yekuyedzwa nematambudziko

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch6" data-usfm="LUK.6">
 <div class="label">6</div><div class="s1">Ishe weSabata</div><div class="p"> 1Rimwe Sabata Jesu akanga achifamba nomuminda yezviyo, uye vadzidzi vake vakatanga kunonga hura dzezviyo, vachidzipukuta mumaoko avo vachidya tsanga dzacho. 2Vamwe vavaFarisi vakati, &#8220;Seiko muchiita zvisingatenderwi nomusi weSabata?&#8221;</div><div class="p"> 3Jesu akavapindura akati, &#8220;Hamuna kumboverenga here zvakaitwa naDhavhidhi paakanga ava nenzara, iye neshamwari dzake? 4Akapinda mumba maMwari, akatora chingwa chakatsaurwa, akadya zvaingobvumirwa kudyiwa navaprista chete. Uye akapawo chimwe kushamwari dzake.&#8221; 5Ipapo akati kwavari, &#8220;Mwanakomana woMunhu ndiye Ishe weSabata.&#8221;</div><div class="p"> 6Rimwezve Sabata akapinda musinagoge uye aidzidzisa, zvino pakanga pano murume akanga ano ruoko rwake rworudyi rwakanga rwakakokonyara. 7VaFarisi navadzidzisi vomurayiro vakanga vachitsvaka mhosva yokupomera Jesu, saka vakamutarisisa kuti vaone kana aizoporesa nomusi weSabata. 8Asi Jesu aiziva zvavaifunga uye akati kumurume akanga ano ruoko rwakakokonyara, &#8220;Simuka umire pamberi pavanhu vose.&#8221; Saka iye akasimuka akamira ipapo.</div><div class="p"> 9Ipapo Jesu akati kwavari, &#8220;Ndinokubvunzaiwo kuti chiiko chinobvumirwa kuitwa nomusi weSabata: kuita zvakanaka kana kuita zvakaipa, kuponesa upenyu kana kuhuparadza?&#8221;</div><div class="p"> 10Akatarisa kwavari vose, ndokuti kumunhu uya, &#8220;Tambanudza ruoko rwako.&#8221; Iye akaita saizvozvo, uye ruoko rwake rukatwasanuka. 11Asi ivo vakatsamwa kwazvo vakatanga kutaurirana zvavangaita kuna Jesu.</div><div class="s1">Vapostori Gumi naVaviri</div><div class="p"> 12Nerimwe ramazuva iwayo, Jesu akabuda akaenda kugomo kuti andonyengetera, uye akapedza usiku hwose achinyengetera kuna Mwari. 13Fume mangwana, akadana vadzidzi vake akasarudza gumi navaviri pakati pavo, avo vaakatumidza kuti vapostori:</div><div class="b"></div><div class="li1"> 14Simoni (uyo waakatumidza kuti Petro),</div><div class="li1">munun&#700;una wake Andirea,</div><div class="li1">Jakobho,</div><div class="li1">Johani,</div><div class="li1">Firipi,</div><div class="li1">Bhatoromeo,</div><div class="li1"> 15Mateo,</div><div class="li1">Tomasi,</div><div class="li1">Jakobho mwanakomana waArifeasi,</div><div class="li1">Simoni ainzi muZeroti,</div><div class="li1"> 16Judhasi mwanakomana waJakobho,</div><div class="li1">naJudhasi Iskarioti, uyo akazova mupanduki.</div><div class="s1">Maropafadzo neNhamo</div><div class="p"> 17Akaburuka navo akandomira panzvimbo yakanga yakaenzana. Ungano huru yavadzidzi vake yakanga iripo uye navanhu vazhinji vaibva muJudhea yose, vaibva kuJerusarema, uye navaibva kumuganhu weTire neSidhoni, 18vakanga vauya kuzomunzwa uyewo kuti vazoporeswa pazvirwere zvavo. Vaya vakanga vachimanikidzwa nemweya yakaipa vakaporeswa, 19uye vanhu vose vakaedza kumubata, nokuti simba rakanga richibuda maari richivaporesa vose.</div><div class="p"> 20Akatarira kuvadzidzi vake, akati:</div><div class="q1">&#8220;Makaropafadzwa imi varombo,</div><div class="q2">nokuti umambo hwaMwari ndohwenyu.</div><div class="q1"> 21Makaropafadzwa imi vane nzara zvino,</div><div class="q2">nokuti muchaguta.</div><div class="q1">Makaropafadzwa imi munochema zvino,</div><div class="q2">nokuti muchaseka.</div><div class="q1"> 22Makaropafadzwa imi kana vanhu vachikuvengai,</div><div class="q2">vachikutsaurai uye vachikutukai,</div><div class="q2">vachiramba zita renyu vachiti rakaipa, nokuda kwoMwanakomana woMunhu.</div><div class="p"> 23&#8220;Farai pazuva iro uye mupembere nomufaro, nokuti mubayiro wenyu mukuru kudenga. Ndiwo matambudzirwo akaitwa vaprofita namadzibaba avo.</div><div class="q1"> 24&#8220;Asi mune nhamo imi vapfumi,</div><div class="q2">nokuti makatowana kunyaradzwa kwenyu kare.</div><div class="q1"> 25Mune nhamo imi makaguta zvino,</div><div class="q2">nokuti muchanzwa nzara.</div><div class="q1">Mune nhamo imi vanoseka zvino,</div><div class="q2">nokuti muchaungudza uye muchachema.</div><div class="q1"> 26Mune nhamo imi kana vanhu vose vachitaura zvakanaka pamusoro penyu,</div><div class="q2">nokuti madzibaba avo akaitira vaprofita venhema zvakadaro.</div><div class="s1">Idai vavengi venyu</div><div class="p"> 27&#8220;Asi ndinokuudzai imi munondinzwa kuti: Idai vavengi venyu, itai zvakanaka kuna avo vanokuvengai, 28ropafadzai vanokutukai, nyengetererai vaya vanokunetsai. 29Kana mumwe akakurova rimwe dama, mupezve rimwe racho. Kana mumwe akakutorera nguo yako yokunze, usamudzivisa kutorawo nguo yomukati. 30Upe vose vanokukumbira, uye kana ani zvake akatora chinhu chako, usagombedzera kuti chidzoke. 31Itira vamwe zvaunoda kuti vakuitirewo iwe.</div><div class="p"> 32&#8220;Kana uchida vaya vanokuda, mubayiro wako uchagova weiko? Kunyange navatadzi vanoda avo vanovada. 33Uye kana uchiita zvakanaka kuna vaya vakanaka kwauri, mubayiro wako uchagova weiko? Kunyange vatadzi vanoita izvozvo. 34Uye kana uchikweretesa kuna vaya vaunotarisira kuti vagodzora, mubayiro wako uchagova weiko? Kunyange vatadzi vanokweretesa kuvatadzi, vachitarisira kuzodzoserwa zvakakwana. 35Asi idai vavengi venyu, muite zvakanaka kwavari, uye muvakweretese musingatarisiri kuwana kana chinhuzve. Ipapo mubayiro wenyu uchava mukuru, uye muchava vanakomana veWokumusoro-soro, nokuti iye ano mwoyo munyoro kuna vasingavongi navakaipa. 36Ivai netsitsi sababa venyu vane tsitsi.</div><div class="s1">Kutonga vamwe</div><div class="p"> 37&#8220;Musatonga, uye nemi hamuzotongwi. Musapa mhosva, uye nemi hamuzopiwi mhosva. Regererai, uye nemi muchazoregererwawo. 38Ipai, uye nemi muchapiwa. Muchapiwa mumaoko enyu chiyero chakanaka, chakatsindirwa, chakazunguzirwa uye chinopfachukira. Nokuti nechiyero chamunoyera nacho, muchayererwawo nacho.&#8221;</div><div class="p"> 39Akavaudzawo mufananidzo uyu: &#8220;Bofu ringatungamirira bofu here? Havangawiri mugomba vose vari vaviri here? 40Mudzidzi haapfuuri mudzidzisi wake, asi munhu wose anenge adzidziswa zvakakwana ndiye achaita somudzidzisi wake.</div><div class="p"> 41&#8220;Seiko uchitarisa rubanzu rwuri muziso rehama yako, asi usingatariri danda riri muziso rako pachako? 42Ungareva seiko kuhama yako uchiti, &#8216;Hama, rega ndikubvise rubanzu rwuri muziso rako, asi, iwe pachako uchitadza kuona danda riri muziso rako?&#8217; Iwe munyengeri, tanga wabvisa danda muziso rako, ipapo uchaonesesa kuti ubvise rubanzu muziso rehama yako.</div><div class="s1">Muti nomuchero wawo</div><div class="p"> 43&#8220;Hakuna muti wakanaka unobereka muchero wakaipa, uye muti wakaipa haungabereki muchero wakanaka. 44Muti mumwe nomumwe unozivikanwa nomuchero wawo. Vanhu havangatanhi maonde kubva mumakwenzi eminzwa, kana kutanha mazambiringa kubva parukato. 45Munhu akanaka anobudisa zvinhu zvakanaka zvakachengetwa mumwoyo make.</div><div class="s1">Muvaki Akachenjera noMuvaki Benzi</div><div class="p"> 46&#8220;Sei muchiti, &#8216;Ishe, Ishe,&#8217; kwandiri asi musingaiti zvandinoreva? 47Ndichakuratidzai zvakaita munhu anouya kwandiri anonzwa mashoko angu uye achiaita. 48Akaita somunhu anovaka imba, akachera zvakadzika akavaka hwaro paruware. Mafashamu akati asvika, mafungu akarova imba iyo asi haana kugona kuizungunutsa, nokuti yakanga yakavakwa zvakanaka. 49Asi munhu anonzwa mashoko angu akasaaita, akafanana nomunhu akavaka imba pavhu asina kuchera hwaro. Mafungu paakangorova imba iyo, yakakoromoka uye kuparara kwayo kwakava kukuru.&#8221;</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch7" data-usfm="LUK.7">
 <div class="label">7</div><div class="s1">Kutenda kwoMukuru weZana</div><div class="p"> 1Jesu akati apedza kutaura zvose izvi vanhu vachizvinzwa, akapinda muKapenaume. 2Imomo maiva nomuranda womukuru wezana, aidiwa chose natenzi wake, akanga achirwara uye ava kuda kufa. 3Mukuru wezana akanzwa nezvaJesu uye akatuma vamwe vakuru vavaJudha kwaari, achimukumbira kuti auye kuzoporesa muranda wake. 4Vakati vasvika kuna Jesu, vakamukumbira zvikuru vachiti, &#8220;Murume uyu akafanira kuti mumuitire izvi, 5nokuti anoda rudzi rwedu uye ndiye akavaka sinagoge redu.&#8221; 6Naizvozvo Jesu akaenda navo.</div><div class="p">Akanga asiri kure nomusha pakatumwa shamwari nomukuru wezana kuti dzinoti kwaari, &#8220;Ishe, musazvinetsa zvenyu, nokuti handina kukodzera kuti imi mupinde mumba mangu. 7Ndokusaka ndisina kumbofunga kuti ini ndive nekodzero yokuuya kwamuri. Asi, taurai henyu shoko, uye muranda wangu achapora. 8Nokuti ini pachangu, ndiri munhu ari pasi pavamwe, uye ndine varwi vari pasi pangu. Ndinoti kuno uyu, &#8216;Enda,&#8217; uye anoenda, kuno mumwe, &#8216;Uya&#8217; uye anouya. Ndinoti kumuranda wangu, &#8216;Ita ichi,&#8217; uye anochiita.&#8221;</div><div class="p"> 9Jesu akati anzwa izvi, akashamiswa kwazvo naye, akatendeukira kuvanhu vazhinji vaimutevera akati, &#8220;Ndinoti kwamuri, handina kumboona kutenda kwakadai kunyange muIsraeri.&#8221; 10Ipapo varume vaya vakanga vatumwa vakadzokera kumba vakawana muranda uya apora.</div><div class="s1">Jesu Anomutsa Mwanakomana weChirikadzi</div><div class="p"> 11Pasina kupera nguva refu, Jesu akaenda kuguta rainzi Naini, vadzidzi vake navanhu vazhinji kwazvo vakaendawo naye. 12Kuzoti ave kuswedera pasuo reguta, munhu akafa akanga akatakurwa achiburitswa kunze, aingova mwanakomana mumwe chete wamai vake, uye vakanga vari chirikadzi. Uye vanhu vazhinji kwazvo vaibva muguta vaiva navo. 13Ishe akati achivaona, mwoyo wake wakavanzwira tsitsi, akati kwavari, &#8220;Musachema.&#8221;</div><div class="p"> 14Ipapo akaswedera pedyo akabata hwanyanza, uye vaya vakanga vakamutakura vakamira. Akati, &#8220;Jaya, ndinoti kwauri, muka!&#8221; 15Munhu uya akanga afa akamuka akagara akatanga kutaura, uye Jesu akamupa kuna mai vake.</div><div class="p"> 16Vose vakazadzwa nokutya vakarumbidza Mwari. Vakati, &#8220;Muprofita mukuru amuka pakati pedu. Mwari auya kuzobatsira vanhu vake.&#8221; 17Shoko iri pamusoro paJesu rakapararira muJudhea yose nenyika dzose dzakapoteredza.</div><div class="s1">Nhume dzakabva kuna Johani Mubhabhatidzi</div><div class="p"> 18Vadzidzi vaJohani vakamuudza pamusoro pezvinhu izvi zvose. Akadana vaviri vavo, 19akavatuma kuna She kuti vandobvunza kuti, &#8220;Ndimi here iye aifanira kuuya kana kuti tomirira mumwewo?&#8221;</div><div class="p"> 20Varume ava vakati vasvika kuna Jesu, vakati, &#8220;Johani Mubhabhatidzi akatituma kwamuri kuti tizobvunza kuti, &#8216;Ndimi here mainzi muchauya, kana kuti timirire mumwewo?&#8217;&#8198;&#8221;</div><div class="p"> 21Panguva iyoyo Jesu akaporesa vazhinji vakanga vane zvirwere, matenda nemweya yakaipa uye akasvinudza vazhinji vakanga vari mapofu. 22Saka akapindura nhume achiti, &#8220;Dzokerai munoudza Johani zvamaona nezvamanzwa zvokuti: Mapofu anosvinudzwa, zvirema zvinofamba, vaya vana maperembudzi vanoporeswa, matsi dzinonzwa, vakafa vanomutswa uye vhangeri riri kuparidzwa kuvarombo. 23Akaropafadzwa munhu asingagumbuswi nokuda kwangu.&#8221;</div><div class="p"> 24Shure kwokubva kwenhume dzaJohani, Jesu akatanga kutaura kuvanhu vazhinji pamusoro paJohani achiti, &#8220;Makabuda mukaenda kurenje kundooneiko? Rutsanga rwaizungunuswa nemhepo here? 25Kana zvisizvo, makabuda kundooneiko? Munhu akanga akafuka nguo dzakanaka here? Kwete, vaya vanopfeka nguo dzomutengo mukuru uye vanogara zvakanaka ndivo vari mumizinda. 26Asi makabuda kundooneiko? Muprofita here? Hongu, ndinokuudzai, uyewo anokunda muprofita. 27Ndiye uya akanyorwa nezvake zvichinzi:</div><div class="q1">&#8220;&#8198;&#8216;Ndichatuma nhume yangu pamberi pako,</div><div class="q2">uyo achakugadzirira nzira yako pamberi pako.&#8217;</div><div class="m"> 28Ndinokuudzai kuti, pakati paavo vose vakaberekwa navakadzi hakuna mukuru kuna Johani; asi muduku muumambo hwaMwari mukuru kwaari.&#8221;</div><div class="p"> 29Vanhu vose, kunyange navateresi, vakati vanzwa mashoko aJesu, vakabvuma kuti nzira yaMwari yakarurama, nokuti vakanga vabhabhatidzwa naJohani. 30Asi vaFarisi nenyanzvi dzomurayiro vakaramba kuda kwaMwari pamusoro pavo, nokuti vakanga vasina kubhabhatidzwa naJohani.</div><div class="p"> 31&#8220;Zvino, ndingafananidza rudzi rwakadai neiko? Vakafanana neiko? 32Vakaita savana vagere pamusika vachidanidzira kuno mumwe nomumwe wavo vachiti:</div><div class="q1">&#8220;&#8198;&#8216;Takakuridzirai hwamanda,</div><div class="q2">asi hamuna kutamba;</div><div class="q1">takaimba rwiyo rworufu,</div><div class="q2">uye hamuna kuchema.&#8217;</div><div class="m"> 33Nokuti Johani Mubhabhatidzi akauya asingadyi chingwa uye asinganwi waini, imi mukati, &#8216;Ane dhimoni.&#8217; 34Mwanakomana woMunhu akauya achidya uye achinwa, imi mukati, &#8216;Houno munhu wamadyo uye chidhakwa, shamwari yavateresi na&#8220;vatadzi&#8221;.&#8217; 35Asi uchenjeri hunoratidzwa navana vahwo vose.&#8221;</div><div class="s1">Jesu Anozodzwa Mafuta noMukadzi Mutadzi</div><div class="p"> 36Zvino mumwe wavaFarisi akakoka Jesu kuti azodya naye, saka akaenda kumba kwomuFarisi uyu akandogara kuti adye. 37Mumwe mukadzi womuguta umu akanga achirarama muzvivi akati anzwa kuti Jesu akanga agere pakudya mumba momuFarisi, akauya nechinu chamafuta anonhuhwira chearabhasta, 38akamira shure kwake akatanga kuchema, uye akanyorovesa tsoka dzake nemisodzi yake. Ipapo akadzipukuta nebvudzi romusoro wake, akadzitsvoda uye akadzizodza mafuta anonhuhwira.</div><div class="p"> 39Zvino muFarisi uya akanga amukoka akati achiona izvi, akati mumwoyo make, &#8220;Dai munhu uyu anga ari muprofita, angadai aziva kuti mukadzi uyu amubata akaita sei, kuti mutadzi.&#8221;</div><div class="p"> 40Jesu akamupindura akati, &#8220;Simoni, ndine chinhu chandinoda kukutaurira.&#8221;</div><div class="p">Iye akati, &#8220;Ndiudzei henyu mudzidzisi.&#8221;</div><div class="p"> 41&#8220;Vamwe varume vaviri vakanga vane chikwereti kumunhu mumwe chete. Mumwe akanga ane chikwereti chamadhenari mazana mashanu, uye mumwe madhenari makumi mashanu. 42Hakuna akanga ane mari yokuripa chikwereti pavari vose vari vaviri, saka nyakukweretesa akadzima zvikwereti zvavo vose. Zvino ndoupiko pauviri hwavo achanyanya kumuda?&#8221;</div><div class="p"> 43Simoni akapindura akati, &#8220;Ndinofunga kuti ndouya akadzimirwa chikwereti chikuru.&#8221;</div><div class="p">Jesu akati, &#8220;Wataura zvakanaka.&#8221;</div><div class="p"> 44Ipapo akatendeukira kumukadzi ndokuti kuna Simoni, &#8220;Unoona here mukadzi uyu? Ndapinda mumba mako; hauna kundipa kana mvura yokugeza tsoka dzangu, asi uyu anyorovesa tsoka dzangu nemisodzi yake uye akadzipukuta nebvudzi romusoro wake. 45Iwe hauna kunditsvoda, asi mukadzi uyu, kubvira panguva yandapinda, haana kurega kutsvoda tsoka dzangu. 46Iwe hauna kuzodza musoro wangu namafuta, asi iye adira zvinonhuhwira patsoka dzangu. 47Naizvozvo, ndinokuudza kuti zvivi zvake zvizhinji zvaregererwa nokuti iye ada zvikuru. Asi uya akaregererwa zvishoma, anodawo zvishoma.&#8221;</div><div class="p"> 48Ipapo Jesu akati kwaari, &#8220;Zvivi zvako zvaregererwa.&#8221;</div><div class="p"> 49Vamwe vakanga vakokwa vakatanga kutaura pakati pavo vachiti, &#8220;Ndianiko uyu anoti kunyange nezvivi anokanganwira?&#8221;</div><div class="p"> 50Jesu akati kumukadzi, &#8220;Kutenda kwako kwakuponesa; chienda norugare.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch8" data-usfm="LUK.8">
 <div class="label">8</div><div class="s1">Mufananidzo woMukushi</div><div class="p"> 1Shure kwaizvozvo, Jesu akafamba nomumaguta nomumisha, achiparidza vhangeri roumambo hwaMwari. Vane gumi navaviri vakanga vanaye, 2uye vamwewo vakadzi vakanga vaporeswa pazvirwere nemweya yakaipa vaiti: Maria (ainzi Magadharena) uya akanga abudiswa mweya yakaipa minomwe maari, 3Joana mukadzi waKuza, mutariri weimba yaHerodhi, Suzana, navamwe vazhinji. Vakadzi ava vaivabatsira nokuvatsigira nezvavaiva nazvo.</div><div class="p"> 4Ungano huru yakati yavapo, vanhu vachibva kumaguta namaguta vachiuya kuna Jesu, akavataurira mufananidzo uyu: 5&#8220;Murimi akabuda kundokusha mbeu yake. Paakanga achikusha mbeu, imwe yakawira munzira, ikatsikwa-tsikwa uye shiri dzedenga dzikaidya. 6Imwe yakawira parukangarahwe, uye payakamera, yakasvava nokuti pakanga pasina unyoro. 7Imwe mbeu yakawira pakati peminzwa, minzwa ikakura pamwe chete nayo ikaivhunga. 8Asi imwe mbeu yakawira pavhu rakanaka. Yakamera ikabereka zvibereko, zvakapetwa kazana pane zvakanga zvadyarwa.&#8221;</div><div class="p">Akati ataura izvi, akadanidzira akati, &#8220;Ane nzeve dzokunzwa, ngaanzwe.&#8221;</div><div class="p"> 9Vadzidzi vake vakamubvunza kuti mufananidzo uyu wairevei. 10Iye akati, &#8220;Kuziva zvakavanzika zvoumambo hwaMwari kwakapiwa kwamuri, asi kuna vamwe, ndinotaura nomufananidzo kuitira kuti,</div><div class="q1">&#8220;&#8198;&#8216;kunyange vachitarira, varege kuonesesa;</div><div class="q2">kunyange vachinzwa, varege kunzwisisa.&#8217;</div><div class="p"> 11&#8220;Izvi ndizvo zvinoreva mufananidzo: Mbeu ndiro shoko raMwari. 12Dziya dzakawira munzira ndivo vaya vanonzwa, ipapo dhiabhori anouya uye agovatorera shoko pamwoyo yavo, kuitira kuti varege kutenda vagoponeswa. 13Dziya dzakawira parukangarahwe, ndivo vaya vanogamuchira shoko nomufaro kana varinzwa, asi havana mudzi. Vanongotenda kwechinguva, asi munguva dzokuedzwa vanowira pasi. 14Mbeu yakawira muminzwa yakamirira vaya vanonzwa asi pakufamba kwavo vanovhungwa nokufunganya kwoupenyu, upfumi namafaro, havazosviki pakubereka zvibereko. 15Asi mbeu yapavhu rakanaka inomirira vaya vane mwoyo yakatendeka uye yakanaka, vanonzwa shoko, vorichengeta, uye nokuda kwokutsungirira kwavo vanobereka zvibereko.</div><div class="s1">Mwenje uri paChigadziko</div><div class="p"> 16&#8220;Hakuna munhu anotungidza mwenje obva auvanza pasi pedengu kana kuuisa pasi pomubhedha. Asi, anouisa pamusoro pechigadziko, kuitira kuti vose vanopinda vavhenekerwe. 17Nokuti hakuna chakavanzika chisingazobudiswi pachena, uye hakuna chakavigwa chisingazozivikanwi kana kuiswa pachena. 18Naizvozvo nyatsofungisisai kuti munonzwa sei. Ani naani anazvo achapiwa zvakawanda, ani naani asina, achatorerwa kunyange nezvaanofunga kuti anazvo.&#8221;</div><div class="s1">Mai vaJesu naVanun&#700;una Vake</div><div class="p"> 19Zvino mai vaJesu navanun&#700;una vake vakauya kuzomuona, asi vakanga vasingagoni kuswedera pedyo naye nokuda kwavanhu vazhinji. 20Mumwe akati kwaari, &#8220;Mai venyu navanun&#700;una venyu vamire kunze, vanoda kukuonai.&#8221;</div><div class="p"> 21Akapindura akati, &#8220;Mai vangu navanun&#700;una vangu ndivo avo vanonzwa shoko raMwari vachiriita.&#8221;</div><div class="s1">Jesu Anonyaradza Dutu</div><div class="p"> 22Rimwe zuva Jesu akati kuvadzidzi vake, &#8220;Ngatiyambukirei mhiri kwegungwa.&#8221; Naizvozvo vakapinda mugwa vakatanga kufamba. 23Pavakanga vachifamba, akavata. Dutu guru rakauya mugungwa, zvokuti igwa rakanga rava kunyura, uye vakanga vava munjodzi huru.</div><div class="p"> 24Vadzidzi vakaenda vakandomumutsa vachiti, &#8220;Tenzi, Tenzi, tava kunyura!&#8221;</div><div class="p">Ipapo akamuka akarayira mhepo namafungu emvura zhinji, dutu rikaserera, uye kukadzikama kwazvo. 25Akabvunza vadzidzi vake akati, &#8220;Kutenda kwenyu kuripiko?&#8221;</div><div class="p">Mukutya kwavo nokushamiswa kwavo, vakabvunzana pakati pavo vachiti, &#8220;Ndianiko uyu? Anorayira kunyange mhepo nemvura zvichimuteerera.&#8221;</div><div class="s1">Kuporeswa kwoMunhu Akanga Akabatwa noMweya Wakaipa</div><div class="p"> 26Vakasvika kunyika yavaGerase, iri mhiri kwegungwa reGarirea. 27Jesu akati ayambuka gungwa, akasangana nomurume akanga akabatwa nedhimoni achibva muguta. Murume uyu akanga asingapfeki nguo kwenguva refu kana kugara mumba, asi aigara kumakuva. 28Akati aona Jesu, akadanidzira akawira pamakumbo ake, akati nenzwi guru, &#8220;Munodeiko kwandiri, Jesu, Mwanakomana waMwari Wokumusoro-soro? Ndinokukumbirisai, regai kunditambudza!&#8221; 29Nokuti Jesu akanga arayira mweya wakaipa kuti ubude maari. Kazhinji waimubata, uye kunyange akange akasungwa nengetani mumaoko nomumakumbo uye akarindwa, aidambura ngetani obva aendeswa nedhimoni kurenje.</div><div class="p"> 30Jesu akamubvunza akati, &#8220;Zita rako ndiwe ani?&#8221;</div><div class="p">Akapindura akati, &#8220;Regioni,&#8221; nokuti madhimoni mazhinji akanga apinda maari. 31Uye akaramba achimunyengetedza kuti arege kuarayira kuti aende kugomba rakadzika.</div><div class="p"> 32Pakanga pane boka guru renguruve raifura mujinga mechikomo. Madhimoni akakumbirisa Jesu kuti aabvumire kupinda madziri, akaatendera. 33Madhimoni akati abuda mumunhu uyo akandopinda munguruve, uye boka renguruve rakamhanyira kumawere kugungwa rikanyuramo.</div><div class="p"> 34Vaifudza nguruve vakati vaona zvakanga zvaitika, vakatiza vakandozivisa izvi muguta nomuruwa, 35uye vanhu vakabuda kunoona zvakanga zvaitika. Vakati vasvika kuna Jesu vakawana murume akanga abuda madhimoni maari, agere patsoka dzaJesu, apfeka uye ava munhu kwaye, vakatya. 36Vaya vakanga vazviona vakaudza vanhu kuti murume akanga ane dhimoni ainge aporeswa sei. 37Ipapo vanhu vose vomunyika yeGerase vakakumbira Jesu kuti abve kwavari, nokuti vakanga vabatwa nokutya. Saka akapinda mugwa akaenda.</div><div class="p"> 38Murume akanga abuda madhimoni maari akamukumbirisa kuti aende naye, asi Jesu akamuendesa achiti, 39&#8220;Dzokera kumba kwako undotaura kuti Mwari akuitira zvinhu zvakaita sei.&#8221; Saka murume uyu akaenda akandotaura muguta rose zvinhu zvikuru zvaakanga aitirwa naJesu.</div><div class="s1">Musikana Akanga Afa noMukadzi Airwara</div><div class="p"> 40Zvino Jesu akati adzoka, akagamuchirwa navanhu vazhinji, nokuti vakanga vakamutarisira. 41Ipapo murume ainzi Jairosi, mubati wesinagoge, akauya akawira patsoka dzaJesu, akamukumbirisa kuti auye kumba kwake 42nokuti mwanasikana wake akanga achingova mumwe oga, musikana aiva namakore anenge gumi namaviri, akanga ava kufa.</div><div class="p">Jesu akati achiendako, vanhu vazhinji vakange vachamutsikirira. 43Uye paiva nomumwe mukadzi aiva nechirwere chokubuda ropa kwamakore gumi namaviri, asi kusina munhu aigona kumuporesa. 44Akauya neshure kwaJesu akabata mupendero wenguo yake, pakarepo kubuda kweropa kukabva kwaguma.</div><div class="p"> 45Jesu akati, &#8220;Ndianiko andibata?&#8221;</div><div class="p">Vose vakati varamba kubvuma, Petro akati, &#8220;Tenzi, vanhu vari kukumomoterai nokukutsimbirirai.&#8221;</div><div class="p"> 46Asi Jesu akati, &#8220;Pane mumwe andibata; ndinoziva nokuti simba rabuda mandiri.&#8221;</div><div class="p"> 47Ipapo mukadzi akati aona kuti haangavandi, akauya achidedera akasvikowira patsoka dzake. Pamberi pavanhu vose akamuudza kuti sei akanga amubata, uye kuti akanga apora sei pakarepo. 48Ipapo akati kwaari, &#8220;Mwanasikana, kutenda kwako kwakuporesa. Enda norugare.&#8221;</div><div class="p"> 49Jesu achiri kutaura, mumwe aibva kumba kwaJairosi, mubati wesinagoge, akasvika akati, &#8220;Mwanasikana wenyu afa. Chiregai henyu kuramba muchinetsa mudzidzisi.&#8221;</div><div class="p"> 50Jesu akati anzwa izvi, akati kuna Jairosi, &#8220;Usatya; tenda chete, achaporeswa.&#8221;</div><div class="p"> 51Akati asvika kumba kwaJairosi, haana kutendera ani zvake kuti apinde naye kunze kwaPetro, Johani naJakobho, uye nababa namai vomwana. 52Panguva iyi, vanhu vose vainge vachiungudza uye vachimuchema. Jesu akati, &#8220;Nyararai kuchema. Haana kufa asi avete.&#8221;</div><div class="p"> 53Vakamuseka, nokuti vaiziva kuti akanga afa. 54Asi akamubata ruoko akati, &#8220;Mwanangu, muka!&#8221; 55Mweya wake wakadzokera maari, pakarepo akasimuka. Ipapo Jesu akavarayira kuti vamupe zvokudya. 56Vabereki vake vakashamiswa, asi akavarayira kuti vasaudze munhu zvakanga zvaitika.</div>
 </div>
 </div>
</div>

The House 21 Day Reading PlanChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Iva Mutsvene

Sarudzo dzine huMwari

Hunhu weuMwari

Kukunda Nekurumbidza

Tiri Vamwe Muna Kristu

Hunhu weuMwari

Tsee: Kuona upenyu nomuono wokusingaperi

Munamato waTenzi

Zvibayiro Zvipenyu Kuna Mwari

Kumira naMwari munguva yekuyedzwa nematambudziko