Sakaria 7
7
O Anapogi o le Nu‘u; o a Latou Agasala ‘ua Tigā ai i Latou
1O le tausaga e fa o Tariu le tupu, ‘ua tulei mai ai le afioga a le ALI‘I ‘iā Sakaria i le aso e fa, i le iva o masina, o Kiselu lea.
2‘Ua ‘auina atu o Peteli o Saresa ma Rekemeleki, ma ona tagata e fa‘alaulelei i le finagalo o le ALI‘I;#Saka 8.21-22 3o lo‘o fai mai i ositaulaga e ‘ua i ai i le fale o le ALI‘I o ‘au ‘atoa ma perofeta, o lo‘o fa‘apea mai, “‘Ou te tagi ‘ea i le masina e lima ma ‘ou nofo ‘ese, pei ‘ona ‘ou faia i ia tausaga ‘ua tele?”#1 Samu 13.12; 2 Tu 25.8, 25; Saka 8.19; 12.12
4‘Ona o‘o mai lea o le afioga a le ALI‘I o ‘au ‘iā te a‘u, o lo‘o fa‘apea mai: 5Fai atu i tagata uma o le nu‘u, ‘atoa ma ositaulaga, ‘ia fa‘apea atu: Na ‘outou anapogi ma fētāgisi i le lima ma le fitu o masina i ia tausaga e fitugafulu, na ‘outou anapogi ai ‘ea ‘iā te a‘u?#Isai 58.4-5; Saka 1.12; 1 Kori 11.20-21 6na ‘outou ‘a‘ai fo‘i ma ‘outou feinu, e lē o ‘outou lava ‘ea sa ‘a‘ai, o ‘outou fo‘i sa feinu?
7E lē o ‘upu ‘ea ia sa vala‘au ai le ALI‘I i perofeta anamua, ‘ina o ‘ainā o Ierusalema ma ‘ua manuia, mōna ‘a‘ai ‘ua vagavagai i ai, ma le itū i saute ma le itū maulalo sa ‘ainā ia.
O le Mafua‘aga o le Tāfeaga
8‘Ua tulei mai fo‘i le afioga a le ALI‘I ‘iā Sakaria, o lo‘o fa‘apea: 9‘Ua fa‘apea ‘ona fetalai mai o le ALI‘I o ‘au, o lo‘o fa‘apea mai: ‘Ia fa‘amasino i le fa‘amasinoga tonu ma ‘ia agalelei ma alofa o le tasi i le tasi; 10‘aua le fa‘asauā i fafine ‘ua oti a latou tane ma ē ‘ua matua oti, o le tagata ‘ese ma lē ‘ua mativa; ‘aua fo‘i le mānatunatu i o ‘outou loto i se mea leaga e fai e le tasi i le tasi.#Eso 22.21-22; Fa‘ata 22.22; Isai 1.17, 23; Iere 5.28; 21.12; Mika 6.8; Mata 23.23
11A ‘ua latou lē mafafai ‘ona ua‘i mai o latou taliga ma ‘ua liu tua mai i latou ma le finau vale ma o latou taliga ‘ua fa‘atulituli ia ‘ina ‘ia latou lē fa‘alogo. 12‘Ua latou faia fo‘i mo latou loto ma samira, ‘ina ‘ia lē fa‘alogo i latou i le tulafono ma afioga na ‘auina mai ai e le ALI‘I o ‘au e lona Agaga i perofeta anamua; o lea na tele ai le to‘asā mai i le ALI‘I o ‘au. 13O lenei, e pei ‘ona vala‘au o ia, ‘ae le‘i fa‘alogologo mai i latou; e fa‘apea fo‘i ‘ona vala‘au o i latou, ‘ae ‘ou te le‘i fa‘alogo i ai, ‘ua fetalai mai ai le ALI‘I o ‘au.#Fa‘ata 1.24-28; Iere 11.11 14Na a‘u fa‘ata‘ape‘ape ‘iā te i latou i nu‘u uma na latou lē iloa; sa tu‘ufua le nu‘u i o latou tua, ‘ua lē fealua‘i ai se tasi; na faia e i latou le nu‘u matagofie ma mea tu‘ufua.#Eseki 12.10; Sefa 3.6; Saka 9.8
Zvasarudzwa nguva ino
Sakaria 7: RSCB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Revised Samoan Catholic Bible © Bible Society of the South Pacific, 2010.