Sakaria 6
6
O le valu o Fa‘aaliga: o Kariota e fa
1‘Ona ‘ou toe tepa a‘e lea ma ‘ou iloa, fa‘auta, o kariota e fa, ‘ua ō atu nai le vā o mauga e lua; o mauga fo‘i, o mauga ‘apamemea ia. 2O i le kariota muamua o solofanua mūmū: o i le lua o kariota o solofanua uliuli;#Fa‘aa 6.4-5 3O i le tolu o kariota o solofanua sisina; o i le fa o kariota o solofanua pulepule e malolosi.#Fa‘aa 6.2 4‘Ona ‘ou fai atu lea, ‘ua fa‘apea atu i le agelu na ma tautala, “Le ali‘i e, o a ‘ea ia mea.”
5‘Ona tali mai lea o le agelu, ‘ua fai mai ‘iā te a‘u, “O i latou ia o agaga e to‘afa o le lagi, ‘ua ō atu sa tutū i luma o le Ali‘i o le lalolagi uma.#Fa‘aa 7.1 6O le ‘ua i ai solofanua uliuli e alu atu ia i le nu‘u i le itū i matū; ma ē sisina e mulimuli atu i ai; a o ē pulepule e ō atu ia i le nu‘u i le itū i saute.” 7‘Ua ō atu fo‘i ē malolosi, ‘ua fia o ‘ina ‘ia feoa‘i i le lalolagi. ‘Ua ia fai atu fo‘i, “O ia, ‘ina feoa‘i i le lalolagi.” ‘Ona feoa‘i lea o i latou i le lalolagi. 8‘Ona ia vala‘au mai lea ‘iā te a‘u ma tautala mai ‘iā te a‘u, o lo‘o fa‘apea mai, “Va‘ai ia i ē ‘ua ō atu i le nu‘u i le itū i matū; ‘ua mā‘ona ai lo‘u loto i le nu‘u i le itū i matū.”
O le Fa‘apalega o Iosua
9‘Ua tulei mai fo‘i le afioga a le ALI‘I ‘iā te a‘u, o lo‘o fa‘apea mai: 10‘Ave ia nisi o i latou nai le tāfeaga o sa Heletaī o sa Toviā, ‘atoa ma ē sa Itaiā; o i latou ia na ō mai i Papelonia; ‘e te alu lava oe i lea aso, ‘e te ulu atu i le fale o Iosia le atali‘i o Sefanaia.#2 Tu 25.18; Nee 7.39 11‘E te avatu fo‘i ario ma auro, ma ‘ia e fai a‘i pale ma fa‘ae‘e ai i le ulu o Iosua le atali‘i o Iosataka le ositaulaga sili. 12‘E te fai atu fo‘i ‘iā te ia, ‘ia fa‘apea: ‘Ua fa‘apea ‘ona fetalai mai o le ALI‘I o ‘au, o lo‘o fa‘apea mai: Fa‘auta, o le tagata o le LA LA‘AU lona igoa; e tupu a‘e o ia ai le mea e pogai mai ai; na faia fo‘i e ia le malumalu o le ALI‘I;#Iere 23.5; 33.15; Saka 3.8 13o ia lava na te faia le malumalu o le ALI‘I; e ‘iā te ia fo‘i le mamalu, e ti‘eti‘e fo‘i o ia ma pule i luga o lona nofoāli‘i; e fai fo‘i o ia ma ositaulaga i luga o lona nofoāli‘i; e i ai fo‘i le pule o le manuia ‘iā te i lā‘ua.#Sala 21.5; 110.4; Eseki 21.27 14E i ai fo‘i ia pale mo Elemi ma Tovia, ma Itaia, ma Heni le atali‘i o Sefanaia, e fai ma fa‘amanatuga i le malumalu o le ALI‘I.
15O ē mamao fo‘i latou te ō mai e fai le malumalu o le ALI‘I; ‘ona iloa ai lea e ‘outou, ‘ua ‘auina mai a‘u ‘iā te ‘outou e le ALI‘I o ‘au; e o‘o fo‘i lenei, pe ‘āfai tou te matua fa‘alogo i le si‘ufofoga o le ALI‘I lo ‘outou Atua.#Teu 30.1-3; Isai 57.19; 60.10; Saka 2.9; Efe 2.13, 19
Zvasarudzwa nguva ino
Sakaria 6: RSCB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Revised Samoan Catholic Bible © Bible Society of the South Pacific, 2010.