Talamo 8
8
Te yilatū o te Atua ma te tūlanga o te tangata
Ki te wakayaele yīmene. E talamo nā Tāvita.
1E Ieova, tō mātou Atu,
na mayoya te tiketike o tō ingoa ki te ao nei tākatoa!
Na tuku oki koe i tō yilatū ki lunga o te wī langi.
2Ko amuamu talapaya ai oki te kaulikí ma nā kulamoemoe i ō māloyi
wai wale puipui mai ō enemi,
kē kapi ai nā ngutu o ō enemi ma te kau e umiti langaimú.#Mātaiō 21:16
3 Kē kakalo au ki ō wī langi,
te yanga a ō mangamangālima,
peia ki te māina ma te wī mata a koe
na tuku ki o lātou konga,
4e wea te tangata nei e manatu mai koe ia lātou,
ma te wī tāngata pau e taute mai ai koe ia lātou?#8:4 Ko te toe wulinga o te yīlava nei: e wea ai tau manatunga i te tangata, te tama oki a te tangata e a koe tiutiua? #Iōpu 7:17-18; Talamo 144:3; Ēpela 2:6-8
5Na wowou oki koe ia lātou kē tō yakayaka wua i nā āngelá,
na wakapale oki koe ia lātou ki te yilatū ma te tiketike.
6Na tuku koe ia lātou wai wakayaele i te wī yanga a ō lima,
na tuku oki koe i te wī mea tākatoa ki lalo o o lātou papāvae:#8:6 Na tuku koe ia lātou … ki lalo o o lātou papāvae: mēkole, Na tuku koe ia ana wai wakayaele … ki lalo o ona papāvae. #1 Kōlīnētia 15:27; Ēpētia 1:22; Ēpela 2:8
7nā lāngai māmoe ma nā puakatolo,
peia te wī manu e yāeleele o nā vaongá,
8te wī manu pepeke o te leva ma te wī ika o tai,
ma te wī mea ola e ngaolo i te moana.
9E Ieova, tō mātou Atu,
na mayoya te tiketike o tō ingoa ki te ao nei tākatoa.
Zvasarudzwa nguva ino
Talamo 8: PKP
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau