Ioane 7
7
Nā i te Wakamālienga o nā Pūtala ia Iētū
1I muli mai, wano loa ia Iētū yāeleele lā loto o Kalilea, e kiai iāna na winangalo kē niko ki Iūtea, nō tēlā ko kali wua mai te kau Ngāti Iūta kē patu ia ana. 2Yaulā, kē talivave ki te vāia o te Wakamālienga o nā Pūtala,#Levitiku 23:34; Teutelonomi 16:13 3mea loa nā tāīna o Iētū kia ana, “E yē maka ai koe i te konga nei, wano koe ki Iūtea kē kitea e au pipi au yanga wakawotu e wai nā. 4Kāe oki tangata ko nanā i ana yanga mē ko winangalo iāna kē tiketike. Ia koe e wai i nā yanga nei, wakaāli koe ia koe kē kitea e te ao nei.” 5Ko ona tāīna oki e kiai nā lotokono kia ana.
6Nō kiai, mea loa ia Iētū kia lātou, “E kiai ake na oko mai te vāia kaleka nōoku; ia kōtou oki, ko kaleka wua te wī vāia. 7E yē veliveli te ao nei ia kōtou, ko veia lā ia aku, nō tēlā ko wakamamata au, ni yanga kikino ana wī yanga e waí. 8Wō atu kōtou ki te wakamālienga. E yē wano au ki ai i te vāia nei, nō tēlā e kiai na oko ki te vāia mātangaleka nō oku.” 9I te otinga o ana muna ia, nō ai iāna i Kalilea.
10Yaulā oki, i te wō atunga a ona tāīna ia ki te wakamālienga, wano atu oki ia Iētū; e kiai lā na kitea e te kakai, na wano nanā wua iāna. 11I te konga i te wakamālienga, na kalomata ē te kau Ngāti Iūta ma te iliili peia, “Ko i wea te kovi tāne nei?”
12I nā wakalulunga tangata ia, ko wano nei ki te mayoya nā tolomuyunga nō Iētū. Ko muyumuyu oki te toe kau, “E tangata lelei te mea ia.”
Yaulā te toe kau ko mea, “Ēkole, ko vativati iāna i te kakai.” 13Ko tolomuyu wua oki a lātou talatalanga ia Iētū ia, nō tēlā ko mātataku lātou i te kau Ngāti Iūtá.
Nā akoako ia Iētū i te vāia o te Wakamālienga
14I te okonga ki lolotonu o te Wakamālienga ia, wano loa ia Iētū ki loto o te kolo o te Waleyā, yāyāki ai tana akoako i kiai. 15Kamuloa te kau wowolo o te Ngāti Iūta mālili wua, wai lā ma te iliili, “Nō wea te māwutu o te tangata nei, e kiai ake iāna na wano kē āpīngia?”
16Pau atu loa ia Iētū, “Ko nā akoakonga āku nei, e kiai nā aku wua, na aumaingia lā e te Atua na unga mai ia aku nei. 17Ko te tangata e vavaka kē wai i te winangalo o te Atua, ka ana iloa aku akoakonga nei na yau mai te Atua, mēkole ni talatala wua nā aku ko manatu. 18Ko te tangata e talatala i ana manatunga wua, ko unati te kovi ia kē wakanaungia iāna. Ko te tangata lā e yanga kē wakanaungia te kovi na ungaina mai iāná, e tangata talatalatika te mea ia, kāe loa takayala i loto ōna. 19E kiai lā ko Mōte na avatua te Tule kia kōtou? Yaulā, kāe loa o kōtou tangata ko taute i te Tule. E wea ai kōtou e umati ai kē patu ia aku?”
20“Ia koe pē na ulungia e te tēmoni!” te pau mainga a te lulunga tangata ia. “Ko ai teia e unati kē patu ia koe nā?”
21Talatala ai ia Iētū kia lātou, “E tayi wua aku yanga wotu na wai, kamuloa lā kōtou mīmīngutu wua. 22Nō tēlā ia Mōte na avatu i te pelitome kia kōtou, nō kiai a kōtou tama e pelitome ai i te Tāpati. (E kiai tikāi oki ko Mōte na yāyākingia, ko o kōtou mātutua tupuna#7:22 mātutua tupuna: Eng. patriarch. Ko nā tūpuna ia ko Āpelaama, Ītaaka, Iākōpa ma ana tama, ko Iūta mā. lā).#Kēnete 17:10; Levitiku 12:3 23Nō kiai, pē ko maua a kōtou tama e te pelitome i te Tāpati nō te Tule a Mōte kē yē wātia, e wea ai kōtou na līlili ai ia aku i taku wakaolanga i te tino pau o te tāné i te Tāpati?#Ioane 5:9 24Mutu i kinā tā kōtou wakavā i te tangata ki nā mea o vao e onoonowia e o kōtou mata, mea lā kē tautonu a kōtou wakavānga.”
Ko Iētū mō te Metia?
25I te vāia ia, kāmata loa nā toe tāngata o Iēlūtalema e te iliili, “E kiai lā ko te tāne tēnei e yinumaki ai te kau wowolo kē patú? 26Ēnei mua iāna e talatala ki mua o te kakai nei, yaulā, ko yē munamuna atu loa lātou kia ana! Auwā lā na āwuwū a lātou manatunga, ko ona lāi te Metia? 27Yaulā oki, ko a tātou iloa na yau te kovi nei mai wea; kē yau oki te Metia, kāe loa tangata e ana iloa te konga na yau ai iāna.”
28Ia Iētū oki e akoako nei i loto o te kolo o te Waleyā, kakā loa tona leo ki lunga, “Ēeke, pēnei ko a kōtou īloloa au ma te konga na yau ai au. Ia aku oki e kiai au na yau ki kinei i aku manatunga wua. Ia ana lā na unga mai ia aku nei, e kovi talatalatika, ko yē a kōtou īloloa oki iāna. 29Ko oku lā, ko aku iloa iāna, nō tēlā na yau au maia ana, ko ona oki na ungaina mai au.”
30Nō te meanga āna ia, naumate ai lātou kē liko ia ana, yaulā kāe loa tangata na mimili wua atu ona lima ki lunga ōna, nō tēlā e kiai na oko ki tona vāia. 31Eia wua, e tokawolo te tangata i loto o te lulunga ia na tuku nā nunuminga kia ana. Talatala loa lātou peia, “Kē yau te Metia, ka wolo atu mō tana wakailo wotu wua ka wai i nā mea a te kovi nei?”
32Langona loa e nā Pālitea ko tolomuyu wua te kakai i nā mea nei nō ona ia. Eia, unga ai lātou ma te kau tatakuvai wowoló i nā akavā o te Waleyā kē likongia iāna.
33Talatala loa ia Iētū, “E vāia poto wua toku mea i loto o kōtou, e yē loa koa wano au kia ana na ungaina mai au nei. 34Ka ulupango kōtou ia aku, e yē a kōtou kitea lā au; ko te konga oki ka wano ai au nei, e yē maua ia kōtou e te lōmamai ki ai.”
35Wakatau iliili wua ai te kau Ngāti Iūtá, mea lā, “Ko i wea te konga ka wano ai te tangata nei kē yē a tātou kitea ai ia ana? Ka wano lā iāna ki nā yionga e nō tele ai o tātou tāngata i loto o nā Ēlení, akoako ai i te kau Ēleni? 36E wea lā te wakamaepanga o tana talatala e mea nei, ‘Ka ulupango kōtou ia aku, yaulā e yē kitea au e kōtou’, peia oki, ‘E yē ōko mai oki kōtou ki te konga e nō ai au’?”
37Kē oko ki te ayo openga, te ayo wolo loa atu o te wakamālienga ia, tū loa ia Iētū ki lunga wakamamata ma te kakā ki lunga, mea loa pēnei, “Pē e tayi tangata ko wiainua, kē yau iāna kia aku nei inu ai.#Levitiku 23:36 38Ko mea mai oki i te Puka Yā, ‘Ko te tangata e nunumi mai kia aku nei, ka yeke wua nā kauvai o te yua ola mai loto o tona ngākau.’ ”#Ētēkiela 47:1; Tēkālia 14:8 39Na talatala oki ia Iētū peia nō te Vaelua ka maua i muli mai i te kau e nunumi kia aná. Oko mai ki te vāia ia, e kiai ake te Vaelua na tukungia mai, nō tēlā e kiai ake ia Iētū na wakayilangia.
40Langona loa e te kau i kiaí ana muna ia, wakamamata ai te toe kau, “Ko ona lāi pē te Pelovetá!”#7:40 te Pelovetá: onoono ki te Ioane 1:21.
41Mea lā te toe kau, “Ko te Metia pē tēnei!”
Iliili lā te toe kau, “Nō wea te Metia ka yau ai mai Kalilea? 42E kiai lā na talā mai i te Puka Yā, ko te Metia e ulaula iāna nō te aliki ko Tāvita, ka wānaungia oki i Pētelēma, te lulu nā nō ai ia Tāvitá?” 43Eia, paelua loa te lulunga tangata ia nō Iētū ia. 44Ko te toe pupu nā winangalo lātou kē liko ia ana, yaulā kāe loa tangata na mimili wua atu nā lima ki lunga ōna.
Ko yē lotokono nā wakayaele o te Ngāti Iūta
45Eia, nīniko ai loa nā akavā o te Waleyā ki nā tatakuvai wowolo ma te kau Pāliteá, iliili mai loa lātou ki nā akavā ia, “E wea kōtou na yē aumai ai ia ana ki kinei?”
46Kākole lā te pau atunga a nā akavā ia, “Kāe loa tangata pēnei mai te vāiá na talatala mai i ana muna pe te kovi nei.”
47Patō mai ai te muna a nā Pālitea kia lātou, “Ia kōtou mō oki na vavale ki ai? 48E tayi lā tangata o nā wakayaele ma te kau Pāliteá ko nunumi kia ana? 49Ēkole lava! Ko te kaputinga tangata lā e yē īloloa te Tule a Mōte nei, na taumāina lātou e te Atua.”
50Ko Nīkōtemo oki te toe o te kau Pālitea nā i kiai, ko ona te kovi na wano kia Iētū i te vāiá,#Ioane 3:1-2 iliili mai loa iāna, 51“Ko maua lā i tā tātou Tule e te tūā i te tangata ma te yē wakalongo taumua kia ana, kē kitea ai ni wea ana yanga nā wai?”
52Kākole oki tā lātou pau atunga, “Na yau lā oki koe mai Kalilea? Onoono ki loto o te Puka Yā, ke au iloa ai, kāe peloveta e yau mai Kalilea.”#7:52 kāe peloveta e yau mai Kalilea: E lua pōkai talatala mumua ko mea, e yē yau te Pelovetá mai Kalilea.
[ 53Eia, wō atu ai te wī tāngata ki o lātou wale.#7:53–8:11 E wolo te pōkai talatala ma nā wulinga mumuá ko ngalo te yikunga nei i loto (7:53–8:11); i nā toe pōkai lā, nā ō ki muli o te Ioane 21:24; i nā toe ko i muli o te Luka 21:38; e tayi wua pōkai talatala ko i muli ai o te Ioane 7:36.
Zvasarudzwa nguva ino
Ioane 7: PKP
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau
Ioane 7
7
Nā i te Wakamālienga o nā Pūtala ia Iētū
1I muli mai, wano loa ia Iētū yāeleele lā loto o Kalilea, e kiai iāna na winangalo kē niko ki Iūtea, nō tēlā ko kali wua mai te kau Ngāti Iūta kē patu ia ana. 2Yaulā, kē talivave ki te vāia o te Wakamālienga o nā Pūtala,#Levitiku 23:34; Teutelonomi 16:13 3mea loa nā tāīna o Iētū kia ana, “E yē maka ai koe i te konga nei, wano koe ki Iūtea kē kitea e au pipi au yanga wakawotu e wai nā. 4Kāe oki tangata ko nanā i ana yanga mē ko winangalo iāna kē tiketike. Ia koe e wai i nā yanga nei, wakaāli koe ia koe kē kitea e te ao nei.” 5Ko ona tāīna oki e kiai nā lotokono kia ana.
6Nō kiai, mea loa ia Iētū kia lātou, “E kiai ake na oko mai te vāia kaleka nōoku; ia kōtou oki, ko kaleka wua te wī vāia. 7E yē veliveli te ao nei ia kōtou, ko veia lā ia aku, nō tēlā ko wakamamata au, ni yanga kikino ana wī yanga e waí. 8Wō atu kōtou ki te wakamālienga. E yē wano au ki ai i te vāia nei, nō tēlā e kiai na oko ki te vāia mātangaleka nō oku.” 9I te otinga o ana muna ia, nō ai iāna i Kalilea.
10Yaulā oki, i te wō atunga a ona tāīna ia ki te wakamālienga, wano atu oki ia Iētū; e kiai lā na kitea e te kakai, na wano nanā wua iāna. 11I te konga i te wakamālienga, na kalomata ē te kau Ngāti Iūta ma te iliili peia, “Ko i wea te kovi tāne nei?”
12I nā wakalulunga tangata ia, ko wano nei ki te mayoya nā tolomuyunga nō Iētū. Ko muyumuyu oki te toe kau, “E tangata lelei te mea ia.”
Yaulā te toe kau ko mea, “Ēkole, ko vativati iāna i te kakai.” 13Ko tolomuyu wua oki a lātou talatalanga ia Iētū ia, nō tēlā ko mātataku lātou i te kau Ngāti Iūtá.
Nā akoako ia Iētū i te vāia o te Wakamālienga
14I te okonga ki lolotonu o te Wakamālienga ia, wano loa ia Iētū ki loto o te kolo o te Waleyā, yāyāki ai tana akoako i kiai. 15Kamuloa te kau wowolo o te Ngāti Iūta mālili wua, wai lā ma te iliili, “Nō wea te māwutu o te tangata nei, e kiai ake iāna na wano kē āpīngia?”
16Pau atu loa ia Iētū, “Ko nā akoakonga āku nei, e kiai nā aku wua, na aumaingia lā e te Atua na unga mai ia aku nei. 17Ko te tangata e vavaka kē wai i te winangalo o te Atua, ka ana iloa aku akoakonga nei na yau mai te Atua, mēkole ni talatala wua nā aku ko manatu. 18Ko te tangata e talatala i ana manatunga wua, ko unati te kovi ia kē wakanaungia iāna. Ko te tangata lā e yanga kē wakanaungia te kovi na ungaina mai iāná, e tangata talatalatika te mea ia, kāe loa takayala i loto ōna. 19E kiai lā ko Mōte na avatua te Tule kia kōtou? Yaulā, kāe loa o kōtou tangata ko taute i te Tule. E wea ai kōtou e umati ai kē patu ia aku?”
20“Ia koe pē na ulungia e te tēmoni!” te pau mainga a te lulunga tangata ia. “Ko ai teia e unati kē patu ia koe nā?”
21Talatala ai ia Iētū kia lātou, “E tayi wua aku yanga wotu na wai, kamuloa lā kōtou mīmīngutu wua. 22Nō tēlā ia Mōte na avatu i te pelitome kia kōtou, nō kiai a kōtou tama e pelitome ai i te Tāpati. (E kiai tikāi oki ko Mōte na yāyākingia, ko o kōtou mātutua tupuna#7:22 mātutua tupuna: Eng. patriarch. Ko nā tūpuna ia ko Āpelaama, Ītaaka, Iākōpa ma ana tama, ko Iūta mā. lā).#Kēnete 17:10; Levitiku 12:3 23Nō kiai, pē ko maua a kōtou tama e te pelitome i te Tāpati nō te Tule a Mōte kē yē wātia, e wea ai kōtou na līlili ai ia aku i taku wakaolanga i te tino pau o te tāné i te Tāpati?#Ioane 5:9 24Mutu i kinā tā kōtou wakavā i te tangata ki nā mea o vao e onoonowia e o kōtou mata, mea lā kē tautonu a kōtou wakavānga.”
Ko Iētū mō te Metia?
25I te vāia ia, kāmata loa nā toe tāngata o Iēlūtalema e te iliili, “E kiai lā ko te tāne tēnei e yinumaki ai te kau wowolo kē patú? 26Ēnei mua iāna e talatala ki mua o te kakai nei, yaulā, ko yē munamuna atu loa lātou kia ana! Auwā lā na āwuwū a lātou manatunga, ko ona lāi te Metia? 27Yaulā oki, ko a tātou iloa na yau te kovi nei mai wea; kē yau oki te Metia, kāe loa tangata e ana iloa te konga na yau ai iāna.”
28Ia Iētū oki e akoako nei i loto o te kolo o te Waleyā, kakā loa tona leo ki lunga, “Ēeke, pēnei ko a kōtou īloloa au ma te konga na yau ai au. Ia aku oki e kiai au na yau ki kinei i aku manatunga wua. Ia ana lā na unga mai ia aku nei, e kovi talatalatika, ko yē a kōtou īloloa oki iāna. 29Ko oku lā, ko aku iloa iāna, nō tēlā na yau au maia ana, ko ona oki na ungaina mai au.”
30Nō te meanga āna ia, naumate ai lātou kē liko ia ana, yaulā kāe loa tangata na mimili wua atu ona lima ki lunga ōna, nō tēlā e kiai na oko ki tona vāia. 31Eia wua, e tokawolo te tangata i loto o te lulunga ia na tuku nā nunuminga kia ana. Talatala loa lātou peia, “Kē yau te Metia, ka wolo atu mō tana wakailo wotu wua ka wai i nā mea a te kovi nei?”
32Langona loa e nā Pālitea ko tolomuyu wua te kakai i nā mea nei nō ona ia. Eia, unga ai lātou ma te kau tatakuvai wowoló i nā akavā o te Waleyā kē likongia iāna.
33Talatala loa ia Iētū, “E vāia poto wua toku mea i loto o kōtou, e yē loa koa wano au kia ana na ungaina mai au nei. 34Ka ulupango kōtou ia aku, e yē a kōtou kitea lā au; ko te konga oki ka wano ai au nei, e yē maua ia kōtou e te lōmamai ki ai.”
35Wakatau iliili wua ai te kau Ngāti Iūtá, mea lā, “Ko i wea te konga ka wano ai te tangata nei kē yē a tātou kitea ai ia ana? Ka wano lā iāna ki nā yionga e nō tele ai o tātou tāngata i loto o nā Ēlení, akoako ai i te kau Ēleni? 36E wea lā te wakamaepanga o tana talatala e mea nei, ‘Ka ulupango kōtou ia aku, yaulā e yē kitea au e kōtou’, peia oki, ‘E yē ōko mai oki kōtou ki te konga e nō ai au’?”
37Kē oko ki te ayo openga, te ayo wolo loa atu o te wakamālienga ia, tū loa ia Iētū ki lunga wakamamata ma te kakā ki lunga, mea loa pēnei, “Pē e tayi tangata ko wiainua, kē yau iāna kia aku nei inu ai.#Levitiku 23:36 38Ko mea mai oki i te Puka Yā, ‘Ko te tangata e nunumi mai kia aku nei, ka yeke wua nā kauvai o te yua ola mai loto o tona ngākau.’ ”#Ētēkiela 47:1; Tēkālia 14:8 39Na talatala oki ia Iētū peia nō te Vaelua ka maua i muli mai i te kau e nunumi kia aná. Oko mai ki te vāia ia, e kiai ake te Vaelua na tukungia mai, nō tēlā e kiai ake ia Iētū na wakayilangia.
40Langona loa e te kau i kiaí ana muna ia, wakamamata ai te toe kau, “Ko ona lāi pē te Pelovetá!”#7:40 te Pelovetá: onoono ki te Ioane 1:21.
41Mea lā te toe kau, “Ko te Metia pē tēnei!”
Iliili lā te toe kau, “Nō wea te Metia ka yau ai mai Kalilea? 42E kiai lā na talā mai i te Puka Yā, ko te Metia e ulaula iāna nō te aliki ko Tāvita, ka wānaungia oki i Pētelēma, te lulu nā nō ai ia Tāvitá?” 43Eia, paelua loa te lulunga tangata ia nō Iētū ia. 44Ko te toe pupu nā winangalo lātou kē liko ia ana, yaulā kāe loa tangata na mimili wua atu nā lima ki lunga ōna.
Ko yē lotokono nā wakayaele o te Ngāti Iūta
45Eia, nīniko ai loa nā akavā o te Waleyā ki nā tatakuvai wowolo ma te kau Pāliteá, iliili mai loa lātou ki nā akavā ia, “E wea kōtou na yē aumai ai ia ana ki kinei?”
46Kākole lā te pau atunga a nā akavā ia, “Kāe loa tangata pēnei mai te vāiá na talatala mai i ana muna pe te kovi nei.”
47Patō mai ai te muna a nā Pālitea kia lātou, “Ia kōtou mō oki na vavale ki ai? 48E tayi lā tangata o nā wakayaele ma te kau Pāliteá ko nunumi kia ana? 49Ēkole lava! Ko te kaputinga tangata lā e yē īloloa te Tule a Mōte nei, na taumāina lātou e te Atua.”
50Ko Nīkōtemo oki te toe o te kau Pālitea nā i kiai, ko ona te kovi na wano kia Iētū i te vāiá,#Ioane 3:1-2 iliili mai loa iāna, 51“Ko maua lā i tā tātou Tule e te tūā i te tangata ma te yē wakalongo taumua kia ana, kē kitea ai ni wea ana yanga nā wai?”
52Kākole oki tā lātou pau atunga, “Na yau lā oki koe mai Kalilea? Onoono ki loto o te Puka Yā, ke au iloa ai, kāe peloveta e yau mai Kalilea.”#7:52 kāe peloveta e yau mai Kalilea: E lua pōkai talatala mumua ko mea, e yē yau te Pelovetá mai Kalilea.
[ 53Eia, wō atu ai te wī tāngata ki o lātou wale.#7:53–8:11 E wolo te pōkai talatala ma nā wulinga mumuá ko ngalo te yikunga nei i loto (7:53–8:11); i nā toe pōkai lā, nā ō ki muli o te Ioane 21:24; i nā toe ko i muli o te Luka 21:38; e tayi wua pōkai talatala ko i muli ai o te Ioane 7:36.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau