Ioane 8
8
Te wawine motutāunga
1Ko Iētū lā, wano loa iāna ki te Maunga ko Oliveta. 2I te vaveāo o te toe ayo, kitea loa iāna wakawōu i loto o te kolo o te Waleyā, e tokawolo te tangata nā wakalulu mai ki ona tawa i kiai. Nō ai iāna ki lalo, akoako atu ai ia lātou. 3Eia, taki mai loa nā akoako tule ma te kau Pālitea i te wawine ia na a lātou pukea nā motutāunga. Mea loa lātou ia ana kē tū lā mua o te lulunga tangata ia, 4talatala ai lātou kia Iētū pēnei, “E te Pūāpī ē, pukea atu loa e mātou te wawine nei nā motutāunga. 5I loto oki o te Tule, na wakauwe mai ia Mōte kē newunewutia nā wāwine peiá ki te watu kē palewa. E wea lā tau manatunga?”#Levitiku 20:10; Teutelonomi 22:22-24 6Na iliili wakataulili wua lātou peia, kē maua ai a lātou tāyīnga ia ana.
Yaulā, piko loa ia Iētū ki lalo, kāmata ai e te tuti i tona mangamangālima ki nā kelekelé. 7Nō tēlā nā naumate lātou e te iliili kia ana, tū ai loa iāna ki lunga, mea atu ai kia lātou, “Ko te tangata kāe ana yala ia kōtou nā́, nā ana te watu mua ka kamu ki te wawine nei.” 8Piko wakawōu oki iāna ki lalo, tuti ki nā kelekelé.
9I te wakalongonga a te kau ia i te talatala ia, wakangangalo takitai loa lātou mai kiai, na taumua ki te kau mātutuá, peia wua ai, toe mai ai ko Iētū ma te wawine e tū ia. 10Tū wakayayako mai loa ia Iētū ki lunga, iliili ai ki ai, “E te vale wawine ia ē, ko i wea te kau nei? Kāe mō tangata o lātou na tūā ia koe?”
11Pau mai oki te wawine ia, “E te Pū ē, kākole loa.”
Eia, wakamamata atu ai ia Iētū kia ana, “Ko peia oki au, e yē tūā au ia koe. Wano lā koe, auyē yala wakawōu.”]
Ko Iētū te wakayila o te ao nei
12Talatala wakawōu loa ia Iētū ki te kakai, mea loa pēnei, “Ko oku te mālama o te ao nei. Ko te tangata ka ālu mai ia aku, e yē yaele loa iāna i te pōuli, yaulā ka maua ia ana te yila o te ola.”#Mātaiō 5:14; Ioane 9:5
13Wakatautotoko mai loa te kau Pālitea kia ana, “Eia lā, ko koe wua lāi ko wakaponongia ō tala, ko yē tika au muna nā.”#Ioane 5:31
14Pau atu oki ia Iētū, “Wua atu oki ka tala au nōoku wua, ka tika lāi aku tala, nō tēlā ko aku iloa na yau au mai wea, peia te konga ka wano ai au. Ko kōtou lā, kāe kulakulanga loa a kōtou ko iloa i te konga na yau ai au, peia te konga ka wano ai au. 15Ko wai a kōtou wakavānga lā loto o te kite tangata wua; ko oku lā ko yē wakavā au i te tangata. 16Eia wua, pē ka wakavā au, ka yakolele wua aku wakavānga, nō tēlā e kiai ko oku wua tokotai. Ko wakatau wetū lā māua ma te Matua na ungaina mai au nei. 17I loto o tā kōtou Tule na tutingia pēnei, kē āwuwū e tokalua kite, na tika a lāua talatala ia.#Teutelonomi 19:15 18Ko oku te toe ko wakapono nōoku lāi; ko toku toe kite ko te Matua na ungaina mai au nei.”
19Eia, iliili mai loa lātou peia kia ana, “Ko i wea tō matua ia?”
Pau atu ai ia Iētū, “Ko yē a kōtou īloloa au, peia oki toku Matua. Pī mō ko taka ia kōtou ko ai au, ka taka ngaleka ia kōtou ko ai toku Matua.” 20Nā talatala oki ia Iētū i nā muna nei i te vāia ko akoako iāna i te Waleyā, i tawa o te konga e tuku ai nā ātinga moní. Yaulā, kāe tangata loa na liko ia ana, nō tēlā e kiai ake tona vāia na oko mai.
21Talatala loa wakawōu ia Iētū kia lātou, “Ka wano au ki nā kongá, ka ulu kōtou ia aku, ka mamate oki kōtou i loto o a kōtou yala. Ko te konga ka wano ai au nei, e yē ōko mai kōtou ki ai.”
22Eia, iliili wua ai te kau Ngāti Iūta pēnei, “Auwā mō kai patu lāi ia ana? Ko te tautonunga mō teia o ana talatala e mea ia, ‘Ko te konga ka wano ai au nei, e yē ōko mai kōtou ki ai’?”
23Talatala atu oki ia Iētū pēnei, “Nō lalo nei kōtou; na yau au mai lunga. Nō te ao nei kōtou; ko oku lā e kiai nō te ao nei. 24Nō kiai au na tala atu ai kia kōtou, ka mamate kōtou i loto o a kōtou yala. Pē ko yē lotokono kōtou ē, ko oku tēnei āku e wakapono atu, ko oku lāi, ka mamate lāi kōtou i loto o a kōtou yala.”
25“Ko ai lā koe?” tā lātou iliilinga.
Pau atu oki ia Iētū, “Pē aku wakapono atunga lāi mai te yāyākinga loa. 26E wolo taku muna ka yalu atu wakavā ia kōtou. Ia ana lā na unga mai ia aku nei, ko manakia atu iāna, ko aku mea oki e wakalongo maia aná ko tala ēku ki te ao nei.”
27Ko yē taka lāi ia lātou, ko talatala ia Iētū kia lātou nō tona Matua. 28Eia, mea atu ai iāna kia lātou, “Kē yapaingia loa e kōtou ki lunga te Tama a te Tangata, eia lā koa a kōtou īloloa ai, ko oku tēnei āku e wakapono atu, ko oku lāi. Ka a kōtou iloa oki kāni aku yanga ko wai i aku manatunga wua, yaulā ko tala wua au i nā mea a te Matua nā akoako mai kia aku. 29Ia ana na unga mai ia aku nei ko i tawa wua ōku, e kiai loa iāna na maka ia aku kē tokotai wua, nō tēlā au ko wai wua i nā yanga e vēvēia ai ia aná.” 30Ia Iētū e talatala ia, e tokawolo te tangata na tuku o lātou lotokono ki loto ōna.
Nā tama a Āpelaama
31Talatala loa ia Iētū ki te kau Ngāti Iūta e nunumi kia aná, “Kē taute kōtou i aku akoakonga nei, ni pipi tika kōtou nā aku. 32Ka a kōtou īloloa oki te talatalatika, ko te talatalatika lāi kōtou ka wakatangaina.”
33Pau mai loa lātou, mea loa, “Ko mātou oki ni ulaula nō Āpelaama, e kiai loa mātou na tāvini wua atu ki e tangata. Nō wea ai koe e mea mai ai ka wakatangaina mātou?”#Mātaiō 3:9; Luka 3:8
34Mea atu oki ia Iētū, “Ko tala atu au i te tika, ko te wī tāngata e wai ki te yalá, ni tāvini lātou nā te yala. 35Ko te tāvini oki, ko yē wī tika loa iāna ki te wuānga tangata, ko te tama tika lā ko keletū tona wī ē vāia wua atu. 36Nō kiai, kē wakatanga te Tama ia kōtou, ka pono ngaleka tō kōtou tanganga. 37Ko aku iloa ni ulaula kōtou nō Āpelaamá. Yaulā ko unati lāi kōtou kē patu ia aku, nō tēlā kāe konga loa e ō ai aku muna nei ki loto o kōtou. 38Ko tala atu au i aku mea na kite mai toku Matua. Ko kōtou lā ko wai i nā mea na a kōtou langona mai tō kōtou matuá.”
39“Ko Āpelaama tō mātou matua,” tā lātou pau mainga.
Mea atu oki ia Iētū, “Pī oki kōtou ni tama nā Āpelaama, ka wai kōtou i nā yanga a Āpelaama nā waí. 40Yaulā oki, ko unati lāi kōtou kē patu ia aku, te tangata e yalu atu i nā talatalatika e aku langona mai te Atuá. Kāe loa yanga pēnei a Āpelaama na wai. 41Ko kōtou lā ko wai lāi i nā mea a tō kōtou matua e mātau ai.”
Wakatotoko mai loa lātou, mea loa, “E kiai mātou ni tama tōtaka! Ko te Atua wua tokotayi tō mātou Matua.”
Nā tama a te Tiāpolo
42Mea atu oki ia Iētū kia lātou, “Mē ko te Atua tō kōtou Matua, ka mina mai kōtou ia aku, nō tēlā na yau au mai te Atua, ko i kinei oki i te vāia nei. E kiai au na yau i aku manatunga wua, ko ona lā na ungaina mai au. 43Nō wea lā aku talatala nei e yē maepa ai kia kōtou? Nō tēlā e yē maua lāi ia kōtou e te wakalongo wakalelei mai ki aku talatala nei. 44Ni tama oki kōtou nā tō kōtou matua ko te Tiāpolo, ko umati oki kōtou kē wai i nā manatunga a tō kōtou matua ia. E kovi patu tangata iāna mai te yāyākinga mai, ko veliveli oki iāna i te talatalatika, nō tēlā kāe talatalatika i loto ōna. Kē pikikā oki iāna, ko wakalale i tona leo wānau; e nūmelo tai ngutu vativati, ko ona oki te matua o te pikikā. 45Ko oku lā e tala atu i te tika nei, ko yē nunumi lāi kōtou ia aku! 46Ko ai tō kōtou tangata ka maua e te wakapono mai kia aku na yala au? Mē ko tala atu au i te tika, e wea ai kōtou e yē lotokono mai ai? 47Ko te tangata oki o te Atuá, ko langona ēna nā muna a te Atua. Ēnei te mea e yē a kōtou langona ai, nō tēlā e kiai kōtou ni tāngata nō te Atua.”
Te wakamamatanga a Iētū ia ana
48Mea atu ai pēnei te kau Ngāti Iūtá kia ana, “Ko yē tautonu lā kē tala atu mātou e tangata Tāmālia koe na ulungia e te tēmoni?”
49“E kiai au na ulungia e te tēmoni,” tana pau atunga. “Ko wakateniteni lā au i toku Matua, yaulā kōtou ko yē ete mai ia aku. 50Ko yē ulu oki au i te wakanau nōoku, ko i ai lā iāna e ulu kē wakanau ia aku, ko ona lāi oki te akavā. 51Ko tala atu au i te tika, ko te tangata e pupulu i aku talatala ki loto ōna, e yē kite loa iāna i te mate.”
52Kā i te meanga a te kau Ngāti Iūta pēnei, “Eia lā, na pono ngaleka ia mātou na ulungia koe e te tēmoni! Ia Āpelaama oki na mate, peia nā pelovetá; ēnei koe e tala mai nei kē pupulu e tangata i au talatala ki loto ōna, e yē ana tongia te mate. 53Ko wolo atu lā koe i tō mātou matua ko Āpelaama? Na mate iāna, peia oki nā pelovetá. Ko ai koe i au manatunga wītoki nā?”
54Pau atu oki ia Iētū, “Mē oki au ko wakateniteni ia aku wua, kāe kalu loa o nā wakanaunga ia. Ko toku Matua lā a kōtou e mea ai nā e Atua nō kōtou, ko ona au ko wakateniteningia. 55Ko yē a kōtou īloloa oki iāna, ko aku iloa lā iāna. Mē ka mea au ko yē aku iloa iāna, e tangata vativati au pē kōtou nā; yaulā ko aku iloa iāna, ko talingatai au i ana talatala. 56Nā vēvēia oki tō kōtou matua ko Āpelaama i ana onoono mamaonga ke ana kitea taku yaunga; na ana alawia oki, nō kiai iāna na vēvēia ai.”
57Kā i te meanga a te kau Ngāti Iūta ia kia ana, “E kiai koe na laulima ake ō matawiti, na au kitea ia Āpelaama!”
58“Ko tala atu au i te tika,” te pau atunga a Iētū, “i mua ake ia Āpelaama ka wānau ai, nā ola au!”#8:58 nā ola au: mēkole, ko oku tēnei. Ēnei te wakatakanga o te muna nei, ko weolo ia Iētū ma te Atua (onoono ki te Ēkoto 3:14). 59Nō ana muna ia, tango loa a lātou watu ka kamukamu ia ana; yaulā, wakangalo wua loa ia Iētū, maka atu ai iāna i te matā-tulanga o te Waleyā.
Zvasarudzwa nguva ino
Ioane 8: PKP
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau
Ioane 8
8
Te wawine motutāunga
1Ko Iētū lā, wano loa iāna ki te Maunga ko Oliveta. 2I te vaveāo o te toe ayo, kitea loa iāna wakawōu i loto o te kolo o te Waleyā, e tokawolo te tangata nā wakalulu mai ki ona tawa i kiai. Nō ai iāna ki lalo, akoako atu ai ia lātou. 3Eia, taki mai loa nā akoako tule ma te kau Pālitea i te wawine ia na a lātou pukea nā motutāunga. Mea loa lātou ia ana kē tū lā mua o te lulunga tangata ia, 4talatala ai lātou kia Iētū pēnei, “E te Pūāpī ē, pukea atu loa e mātou te wawine nei nā motutāunga. 5I loto oki o te Tule, na wakauwe mai ia Mōte kē newunewutia nā wāwine peiá ki te watu kē palewa. E wea lā tau manatunga?”#Levitiku 20:10; Teutelonomi 22:22-24 6Na iliili wakataulili wua lātou peia, kē maua ai a lātou tāyīnga ia ana.
Yaulā, piko loa ia Iētū ki lalo, kāmata ai e te tuti i tona mangamangālima ki nā kelekelé. 7Nō tēlā nā naumate lātou e te iliili kia ana, tū ai loa iāna ki lunga, mea atu ai kia lātou, “Ko te tangata kāe ana yala ia kōtou nā́, nā ana te watu mua ka kamu ki te wawine nei.” 8Piko wakawōu oki iāna ki lalo, tuti ki nā kelekelé.
9I te wakalongonga a te kau ia i te talatala ia, wakangangalo takitai loa lātou mai kiai, na taumua ki te kau mātutuá, peia wua ai, toe mai ai ko Iētū ma te wawine e tū ia. 10Tū wakayayako mai loa ia Iētū ki lunga, iliili ai ki ai, “E te vale wawine ia ē, ko i wea te kau nei? Kāe mō tangata o lātou na tūā ia koe?”
11Pau mai oki te wawine ia, “E te Pū ē, kākole loa.”
Eia, wakamamata atu ai ia Iētū kia ana, “Ko peia oki au, e yē tūā au ia koe. Wano lā koe, auyē yala wakawōu.”]
Ko Iētū te wakayila o te ao nei
12Talatala wakawōu loa ia Iētū ki te kakai, mea loa pēnei, “Ko oku te mālama o te ao nei. Ko te tangata ka ālu mai ia aku, e yē yaele loa iāna i te pōuli, yaulā ka maua ia ana te yila o te ola.”#Mātaiō 5:14; Ioane 9:5
13Wakatautotoko mai loa te kau Pālitea kia ana, “Eia lā, ko koe wua lāi ko wakaponongia ō tala, ko yē tika au muna nā.”#Ioane 5:31
14Pau atu oki ia Iētū, “Wua atu oki ka tala au nōoku wua, ka tika lāi aku tala, nō tēlā ko aku iloa na yau au mai wea, peia te konga ka wano ai au. Ko kōtou lā, kāe kulakulanga loa a kōtou ko iloa i te konga na yau ai au, peia te konga ka wano ai au. 15Ko wai a kōtou wakavānga lā loto o te kite tangata wua; ko oku lā ko yē wakavā au i te tangata. 16Eia wua, pē ka wakavā au, ka yakolele wua aku wakavānga, nō tēlā e kiai ko oku wua tokotai. Ko wakatau wetū lā māua ma te Matua na ungaina mai au nei. 17I loto o tā kōtou Tule na tutingia pēnei, kē āwuwū e tokalua kite, na tika a lāua talatala ia.#Teutelonomi 19:15 18Ko oku te toe ko wakapono nōoku lāi; ko toku toe kite ko te Matua na ungaina mai au nei.”
19Eia, iliili mai loa lātou peia kia ana, “Ko i wea tō matua ia?”
Pau atu ai ia Iētū, “Ko yē a kōtou īloloa au, peia oki toku Matua. Pī mō ko taka ia kōtou ko ai au, ka taka ngaleka ia kōtou ko ai toku Matua.” 20Nā talatala oki ia Iētū i nā muna nei i te vāia ko akoako iāna i te Waleyā, i tawa o te konga e tuku ai nā ātinga moní. Yaulā, kāe tangata loa na liko ia ana, nō tēlā e kiai ake tona vāia na oko mai.
21Talatala loa wakawōu ia Iētū kia lātou, “Ka wano au ki nā kongá, ka ulu kōtou ia aku, ka mamate oki kōtou i loto o a kōtou yala. Ko te konga ka wano ai au nei, e yē ōko mai kōtou ki ai.”
22Eia, iliili wua ai te kau Ngāti Iūta pēnei, “Auwā mō kai patu lāi ia ana? Ko te tautonunga mō teia o ana talatala e mea ia, ‘Ko te konga ka wano ai au nei, e yē ōko mai kōtou ki ai’?”
23Talatala atu oki ia Iētū pēnei, “Nō lalo nei kōtou; na yau au mai lunga. Nō te ao nei kōtou; ko oku lā e kiai nō te ao nei. 24Nō kiai au na tala atu ai kia kōtou, ka mamate kōtou i loto o a kōtou yala. Pē ko yē lotokono kōtou ē, ko oku tēnei āku e wakapono atu, ko oku lāi, ka mamate lāi kōtou i loto o a kōtou yala.”
25“Ko ai lā koe?” tā lātou iliilinga.
Pau atu oki ia Iētū, “Pē aku wakapono atunga lāi mai te yāyākinga loa. 26E wolo taku muna ka yalu atu wakavā ia kōtou. Ia ana lā na unga mai ia aku nei, ko manakia atu iāna, ko aku mea oki e wakalongo maia aná ko tala ēku ki te ao nei.”
27Ko yē taka lāi ia lātou, ko talatala ia Iētū kia lātou nō tona Matua. 28Eia, mea atu ai iāna kia lātou, “Kē yapaingia loa e kōtou ki lunga te Tama a te Tangata, eia lā koa a kōtou īloloa ai, ko oku tēnei āku e wakapono atu, ko oku lāi. Ka a kōtou iloa oki kāni aku yanga ko wai i aku manatunga wua, yaulā ko tala wua au i nā mea a te Matua nā akoako mai kia aku. 29Ia ana na unga mai ia aku nei ko i tawa wua ōku, e kiai loa iāna na maka ia aku kē tokotai wua, nō tēlā au ko wai wua i nā yanga e vēvēia ai ia aná.” 30Ia Iētū e talatala ia, e tokawolo te tangata na tuku o lātou lotokono ki loto ōna.
Nā tama a Āpelaama
31Talatala loa ia Iētū ki te kau Ngāti Iūta e nunumi kia aná, “Kē taute kōtou i aku akoakonga nei, ni pipi tika kōtou nā aku. 32Ka a kōtou īloloa oki te talatalatika, ko te talatalatika lāi kōtou ka wakatangaina.”
33Pau mai loa lātou, mea loa, “Ko mātou oki ni ulaula nō Āpelaama, e kiai loa mātou na tāvini wua atu ki e tangata. Nō wea ai koe e mea mai ai ka wakatangaina mātou?”#Mātaiō 3:9; Luka 3:8
34Mea atu oki ia Iētū, “Ko tala atu au i te tika, ko te wī tāngata e wai ki te yalá, ni tāvini lātou nā te yala. 35Ko te tāvini oki, ko yē wī tika loa iāna ki te wuānga tangata, ko te tama tika lā ko keletū tona wī ē vāia wua atu. 36Nō kiai, kē wakatanga te Tama ia kōtou, ka pono ngaleka tō kōtou tanganga. 37Ko aku iloa ni ulaula kōtou nō Āpelaamá. Yaulā ko unati lāi kōtou kē patu ia aku, nō tēlā kāe konga loa e ō ai aku muna nei ki loto o kōtou. 38Ko tala atu au i aku mea na kite mai toku Matua. Ko kōtou lā ko wai i nā mea na a kōtou langona mai tō kōtou matuá.”
39“Ko Āpelaama tō mātou matua,” tā lātou pau mainga.
Mea atu oki ia Iētū, “Pī oki kōtou ni tama nā Āpelaama, ka wai kōtou i nā yanga a Āpelaama nā waí. 40Yaulā oki, ko unati lāi kōtou kē patu ia aku, te tangata e yalu atu i nā talatalatika e aku langona mai te Atuá. Kāe loa yanga pēnei a Āpelaama na wai. 41Ko kōtou lā ko wai lāi i nā mea a tō kōtou matua e mātau ai.”
Wakatotoko mai loa lātou, mea loa, “E kiai mātou ni tama tōtaka! Ko te Atua wua tokotayi tō mātou Matua.”
Nā tama a te Tiāpolo
42Mea atu oki ia Iētū kia lātou, “Mē ko te Atua tō kōtou Matua, ka mina mai kōtou ia aku, nō tēlā na yau au mai te Atua, ko i kinei oki i te vāia nei. E kiai au na yau i aku manatunga wua, ko ona lā na ungaina mai au. 43Nō wea lā aku talatala nei e yē maepa ai kia kōtou? Nō tēlā e yē maua lāi ia kōtou e te wakalongo wakalelei mai ki aku talatala nei. 44Ni tama oki kōtou nā tō kōtou matua ko te Tiāpolo, ko umati oki kōtou kē wai i nā manatunga a tō kōtou matua ia. E kovi patu tangata iāna mai te yāyākinga mai, ko veliveli oki iāna i te talatalatika, nō tēlā kāe talatalatika i loto ōna. Kē pikikā oki iāna, ko wakalale i tona leo wānau; e nūmelo tai ngutu vativati, ko ona oki te matua o te pikikā. 45Ko oku lā e tala atu i te tika nei, ko yē nunumi lāi kōtou ia aku! 46Ko ai tō kōtou tangata ka maua e te wakapono mai kia aku na yala au? Mē ko tala atu au i te tika, e wea ai kōtou e yē lotokono mai ai? 47Ko te tangata oki o te Atuá, ko langona ēna nā muna a te Atua. Ēnei te mea e yē a kōtou langona ai, nō tēlā e kiai kōtou ni tāngata nō te Atua.”
Te wakamamatanga a Iētū ia ana
48Mea atu ai pēnei te kau Ngāti Iūtá kia ana, “Ko yē tautonu lā kē tala atu mātou e tangata Tāmālia koe na ulungia e te tēmoni?”
49“E kiai au na ulungia e te tēmoni,” tana pau atunga. “Ko wakateniteni lā au i toku Matua, yaulā kōtou ko yē ete mai ia aku. 50Ko yē ulu oki au i te wakanau nōoku, ko i ai lā iāna e ulu kē wakanau ia aku, ko ona lāi oki te akavā. 51Ko tala atu au i te tika, ko te tangata e pupulu i aku talatala ki loto ōna, e yē kite loa iāna i te mate.”
52Kā i te meanga a te kau Ngāti Iūta pēnei, “Eia lā, na pono ngaleka ia mātou na ulungia koe e te tēmoni! Ia Āpelaama oki na mate, peia nā pelovetá; ēnei koe e tala mai nei kē pupulu e tangata i au talatala ki loto ōna, e yē ana tongia te mate. 53Ko wolo atu lā koe i tō mātou matua ko Āpelaama? Na mate iāna, peia oki nā pelovetá. Ko ai koe i au manatunga wītoki nā?”
54Pau atu oki ia Iētū, “Mē oki au ko wakateniteni ia aku wua, kāe kalu loa o nā wakanaunga ia. Ko toku Matua lā a kōtou e mea ai nā e Atua nō kōtou, ko ona au ko wakateniteningia. 55Ko yē a kōtou īloloa oki iāna, ko aku iloa lā iāna. Mē ka mea au ko yē aku iloa iāna, e tangata vativati au pē kōtou nā; yaulā ko aku iloa iāna, ko talingatai au i ana talatala. 56Nā vēvēia oki tō kōtou matua ko Āpelaama i ana onoono mamaonga ke ana kitea taku yaunga; na ana alawia oki, nō kiai iāna na vēvēia ai.”
57Kā i te meanga a te kau Ngāti Iūta ia kia ana, “E kiai koe na laulima ake ō matawiti, na au kitea ia Āpelaama!”
58“Ko tala atu au i te tika,” te pau atunga a Iētū, “i mua ake ia Āpelaama ka wānau ai, nā ola au!”#8:58 nā ola au: mēkole, ko oku tēnei. Ēnei te wakatakanga o te muna nei, ko weolo ia Iētū ma te Atua (onoono ki te Ēkoto 3:14). 59Nō ana muna ia, tango loa a lātou watu ka kamukamu ia ana; yaulā, wakangalo wua loa ia Iētū, maka atu ai iāna i te matā-tulanga o te Waleyā.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau