साल्तेङ दिङगिल्का किताब नाल्पाका
किताब नाल्पाका
इदोइ “साल्तेङ दिङगिल्कालाइको काम” लुकाको लेखिका इतिहासको न्हे आसि रो लाङ आसिचाहिँ “लुकाको रेम्काबानाल।” वाको रेम्काबानालता लुका इसु ख्रिस्टको बारेता लेखिका हिघाखे रो इदोइ “साल्तेङ दिङगिल्कालाइको काम” को किताबता वा बिसेस पातेङ इसुको चात्या रो पावलको कामको बारेता लेखिका हि।
पावल रोम (एलाको युरोप बारामुलुकको माहेँ आसिता हिका इटालि सारभिको राजधानि) ता हानितेङ ताइको मुदाको फाइसाला र्हुम्तेङ हिघाखे। इङको पहर रोमता हेअ्मि मुल द्याङगेलाइ इदोइ नावा ख्रिस्टियन धरम हिस्का धरम, हितासो ओल्हिहि दोअ्तेङ हिअ्दोङघाखे। इङकोभाअ्सिङ ख्रिस्टियन धरम हेसापा ओल्हिहि, इसु हासु हि, वाको रेम्काबानाल हेसापा यरुसलेमसो रोमथिकापा थुकालि दोहि दोअ्तेङ लुका इतिहास लेखिलि निधो पाहि। इदोइ इतिहास लेखिकान्हुअ्सो लुका “माननिय थियोफिलस” हेङ पिगिल्हि (लुका १:१-४; साल्तेङ दिङगिल्का १:१)।
पावल लुकाहेङ “मोन्दाताका बोइद्या लुका” दोअ्खे (कलस्सि ४:१४)। लुका माझानुहेँको सिरिया मुलुकको एन्टिओखिया दोअ्का पुरको द्याङ हिघाखे। पावल एन्टिओखियाता हिलाउ लुकाहेङ दुसुका हिघाखे। जेलाउ पावल रोमता हानिहि, एन्सालाउ लुका बुङ पावलदोफाङ हानिका हिघाहि साल्तेङ दिङगिल्का (२७:१; २८:१६)।
ख्रिस्टियन मन्डलिको लाम्फोरतिको बारेता लेखिका इदोइ किताबहेङ “साल्तेङ दिङगिल्कालाइको काम” दोअ्का हि, कालाउ इदोइ किताबहेङ “पुनित हाङसाको काम” बुङ दोअ्लि द्वाङ। हाइदोनु जेदोइ काम इङको साल्तेङ दिङगिल्कालाइ पाहि, इङको कामगेलाइ पुनित हाङसाको निगाहा रो सरबङहोइ दोङ पान्हाका हिघाखे। द्याङगेलाइको बारेता खिनिङ माको कालाउबुङ इङको द्याङगेलाइको माझाता काम पातेङहिका पुनित हाङसाको बारेता बुङ इदोइ किताब लेखिका हि।
पोतोका बिसाइ सुचि
दासिको भाअ्सिङ त्यारि १:१-२६
(क) इसुको आखिरि हुकुम रो केरा १:१-१४
(ख) यहुदाको बादालाता साल्तेङ दिङगिल्का खामाल १:१५-२६
यरुसलेमता दासि २:१-८:३
यहुदिया रो सामरियाता दासि ८:४-१२:२५
पावलको पारचार १३:१-२८:३१
(क) लाङ पारचारता हानिका १३:१-१४:२८
(ख) यरुसलेमता जोम्का १५:१-३५
(ग) न्हे पारचारता हानिका १५:३६-१८:२२
(घ) सुम पारचारता हानिका १८:२३-२१:१६
(ङ) यरुसलेम, काइसरिया रो रोमता पावल थुना निङचाका २१:१७-२८:३१
Zvasarudzwa nguva ino
साल्तेङ दिङगिल्का किताब नाल्पाका: DHIM
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.