હિબ્રૂઓને પત્રો 13
13
ખ્રિસ્તી જીવન જીવા વિશે સલાહ
1એકબીજા આરી પાવુ-બોયુ હોચે પ્રેમ રાખા. 2ઓજાણ્યા માંહા બી સત્કાર કેરા, કાહાકા એહેડો કેરા મારફતે થોડાક લોક ઓજાણ્યામે હોરગાદુતુ બી સત્કાર કેલો. 3જે લોક જેલુમે બંદ હાય, તીયાહાને ઇ હોમજીને દેખભાલ કેરા જોજે કા તુમુહુ પોતે જેલુમે બંદ હાય. આને જીયા સતાવ કેરામે આવેહે, તીયાહાને ઇ હોમજીને દેખભાલ કેરા જોજે કા તીયાં દુઃખ તુમા શરીરુમે હાય. 4વોરાળ, બાદા લોકુમે ઇજ્જતુ ગોઠ ગોણવામે આવે, આને સાદા એકબીજા માટે વિશ્વાસ યોગ્યો રેજા, કાહાકા વ્યેભિચાર કેનારા આને બીજી થેયુ આરી ચાલનારા પરમેહેર ન્યાય કેરી. 5તુમુહુ ધનુ લાલચ માઅ કીહા, પેન જો તુમાપે હાય તીયામે ખુશ રેજા, કાહાકા પરમેહેરુહુ પોતે આખ્યોહો, “આંય તુલે કીદીહીજ નાય છોડુ, આને કીદીહીજ નાય છોડી દીવ્યુ.” 6ઈયા ખાતુરે આમુહુ હિંમતુકી આખતાહા, “પ્રભુ માઅ મદદ કેનારો હાય, આંય નાય બિયુ, લોક થોડાક બી નુકશાન નાહ કી સેકતા.”
7જે તુમા આગેવાન આથા, આને જીયાહા તુમનેહે પરમેહેરુ વચન ઉનાવ્યોહો, તીયાહાને યાદ કેરા, આને ધ્યાનુકી તીયા જીવનુ વિશે વિચાર કેરા, આને પરમેહેરુપે તીયાં વિશ્વાસ હીને તુમનેહે બી તીયાં હોચે વિશ્વાસ કેરા. 8ઇસુ ખ્રિસ્ત હાકાલે આજ આને યુગા-યુગ એકુજ હાય.
9અલગ-અલગ પ્રકારુ વિચિત્ર ઉપદેશુકી તુમુહુ ભરમાય નાય જાંઅ, આને ખાવુલો વસ્તુ વિશે મુસા નિયમ પાલન કેરુલોકી નાહ, જીયાકી કેડાજ ભોલો નાહ વીયો પેન પરમેહેરુ કૃપાકી તુમા મનુમે સામર્થ મિલે. 10આપુ એક એહેડી વેદી હાય, જીયાપે ખાવુલો અધિકાર તીયાં લોકુહુને નાહ, મંડપુ સેવા કેતાહા. 11કાહાકા જુની વાચા અનુસાર મહાયાજક પાપુ માફી માટે જીયા જાનવરુ રોગુત બલિદાન કેરા ખાતુરે પરમેહેરુ દેવળ પરમ પવિત્રસ્થાનુમે લી જાતાહા, તીયા શરીર તીયા રેવુલો મંડપુ બારે બાલવામે આવેહે. 12ઈયા કારણુકી, ઇસુહુ બી પોતા મૃત્ય (બલિદાન) મારફતે લોકુહુને પવિત્ર કેરા ખાતુરે યરુશાલેમ શેહેરુ બારે દુઃખ વેઠીને મોય ગીયો. 13ઈયા ખાતુરે, આવા આપુહુ બી યહુદી લોકુ રીતીહીને છોડીને, ઇસુ ખ્રિસ્તુપે વિશ્વાસ કીને તીયા હોચે નિંદા વેઠા માટે મંડપુ બારે જાજી. 14કાહાકા ઈયા જગતુમે કેડો બી ટીકી રેનારો આપુ શેહેર નાહ, પેન આપુહુ આવનારા તીય શેહેરુ વાટ જોવજી, જો સાદા માટે રેનારો હાય. 15ઈયા ખાતુરે આમુહુ ઇસુ ખ્રિસ્તુ મારફતે પરમેહેરુલે આપુ બલિદાનુ માટે રુપુમે સ્તુતિ કેરા સાદા ચાલુ રાખજી. ઇ બલિદાન તીયા નામુલે માનીને હોઠુકી કેજી. 16ભલાય કા કેરુલો આને જીયાહાને જરુરત હાય તીયાં મદદ કેરા માઅ વિહરાહા, કાહાકા એહેડા બલિદાનુ મારફતે પરમેહેર ખુશ વેહે.
17તુમા આગેવાનુ બી રાત-દિહ તુમા આત્મા રાખવાલી કેતાહા, કાહાકા તીયાહા ઈયા માટે હિસાબ આપા પોળી. ઈયા ખાતુરે તુમુહુ તીયા આજ્ઞા પાલન કેરા આને તીયા આધિનુમે રેજા, જીયાકી તે પોતા જવાબદારી આનંદુ આરી, નાય કા દુ:ખી વીને પુરી કે, કાહાકા ઇયાકી તુમનેહે કાયજ લાભ નાય વેઅ. 18તુમુહુ આમા માટે પ્રાર્થના કેતા રેજા, કાહાકા આમા વિચારુલો હાચો હાય, એહેડો આમનેહે વિશ્વાસ હાય. આને આમુહુ બાદા કામુમે જીયાલે આમુહુ કેતાહા, પરમેહેરુલે આદર આપા માગતાહા. 19આંય ખાશકીને પ્રાર્થના કેરા ઈયા ખાતુરે તુમનેહે વિનંતી કીહુ, કા આંય માહરી તુમા પાહી ફાચો આવુ.
20આમી શાંતિ આપનારો પરમેહેર, આપુ પ્રભુ ઇસુ જો ઘેટા મહાન રાખવાલ્યો હાય, સાદા માટે વાયદો રોગુતુ બલિદાનુકી મોલામેને ફાચો જીવતો કેયો. 21તોઅ તુમનેહે દરેક ભોલી ગોઠીમે સિદ્ધ કે, જીયાકી તુમુહુ તીયા ઈચ્છા પુરી કેરા, આને જો કાય હારો લાગેહે તીયાકી ઇસુ ખ્રિસ્તુ મારફતે આમનેહે પુરો કે, તીયા મહિમા સાદા વેતી રેઅ. આમીન.
22ઓ પાવુહુ આને બોયુહુ, આંય તુમનેહે વિનંતી કીહુ, કા ધીરજ રાખીને ઈયા ઉપદેશુલે ઉનાયા, જો માયુહુ તુમનેહે દિલાસો આપા ખાતુરે ટુકુમે લેખ્યોહો. 23આમા વિશ્વાસી પાવુ તિમોથીલે જેલુમે છોડી દેદોહો, તીયા વિશે આંય તુમનેહે જાણકારી આપુહુ, આને કાદાચ તોઅ માહરી આવી જાય, તા જાંહા આંય તુમા પાહી આવુ તા તીયાલે બી માઅ આરી લેતા આવેહે.
24તુમા બાદા આગેવાન આને પરમેહેરુ બાદા લોકુહુને નમસ્તે આખજા. ઇટલી દેશુ વિશ્વાસી લોક તુમનેહે નમસ્તે આખતાહા.
25પરમેહેરુ કૃપા તુમા બાદાપે વેતી રેઅ. આમીન.
Zvasarudzwa nguva ino
હિબ્રૂઓને પત્રો 13: DUBNT
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.