2 થેસ્સલોનિકા પત્રો 2
2
પાપી આદમી એટલે નાશુ પોયરો
1ઓ વિશ્વાસી પાવુહુ, આપુ પ્રભુ ઇસુ ખ્રિસ્તુ ફાચો આવુલો આને આપુ બાદા તીયા પાહી એકઠા વેરુલો વિશે આમુહુ તુમનેહે વિનંતી કેતાહા. 2કા પ્રભુ ઇસુ સમય આવી ગીયોહો એહેકી આખનારા કી તુમા મનુમે શંકા કીને કાબરાય માઅ જાંહા, તે ઇ આખી આપનેહે આત્મા, નેતા વચન, નેતા પત્ર મારફતે પ્રકાશન મીલ્યોહો, જો માના કા આમા વેલેને વેરી. 3જે લોક તુમનેહે ઈયા વિશે આખતાહા તીયાં આખી ગલત ગોઠીપે વિશ્વાસ નાય કેરુલો, કાહાકા પ્રભુ ફાચો આવુલો સમય તાંહા વેરી, જાંહા લોક પરમેહેરુલે વિરુધુમે વેરી આને પાપી આદમી જાહેર વેરી જીયા નાશ વેરુલો નક્કી હાય. 4તોઅ પરમેહેરુ આને લોક જીયા ભક્તિ કેતાહા તીયાં વિરુધ કેરી, આને પોતાલુજ તીયાં બાદા કેતા મોડો હોમજી, આને તોઅ પરમેહેરુ દેવળુમે બોહીને પોતે પરમેહેર હાય એહેકી દાવો કેરી.
5એ ગોઠયા તુમનેહે યાદ વેરી, કાહાકા જાંહા આંય તુમા આરી આથો તાંહા તુમનેહે એ ગોઠયા આખ્યા કેતલો. 6તુમુહુ તા તીયાલે જાંતાહા કા તીયા આદમીલે આમી આવુલોકી કેડો રોકી સેકેહે, કાહાકા તોઅ પરમેહેરુ નક્કી કેલા સમયુલે આવી. 7કાહાકા પાપી આદમી ગુપ્ત શક્તિ આમી બી કામ કી રીયીહી, પેન આમી એક રોકનારો હાય, આને જાંવ લોગુ તોઅ દુર નાહ વી જાતો, તોઅ તીયાલે રોકી રાખી. 8તાંહા તોઅ પાપી આદમી દેખાયી, જીયાલે પ્રભુ ઇસુહુ પોતા એકુજ હુકુમુકી આને ફાચે આવુલો મહિમામય સામર્થુકી માય ટાકી. 9તોઅ પાપી આદમી શૈતાનુ શક્તિ આરી આવી, આને તોઅ બાદા પ્રકારુ ચમત્કાર, નિશાણી, આને અદભુત કામે કેરી. 10આને બાદા પ્રકારુ ખારાબ કામે કીને તીયા લોકુહુને ધોકો દી, જે સાદા માટે નાશ વેનારે હાય, કાહાકા તીયાહા તીયુ હાચાયુપે વિશ્વાસ કેયો જો તીયાહાને ઉદ્ધાર પામી સેકતલી. 11ઇયાજ કારણુકી પરમેહેર તીયાંમે એહેડી ભટકાવી દેનારી સામર્થ્ય આત્મા મોકલી કા તે ઝુટાપે બી વિશ્વાસ કેરી. 12આને જોતા લોક સત્યપે વિશ્વાસ નાહ કેતા, પેન અધર્મુંકી ખુશ વેતાહા, તે બાદે દંડ પામી.
વિશ્વાસુમે મજબુત રેજા
13ઓ વિશ્વાસી પાવુહુ, જીયાહાને પ્રભુ પ્રેમ કેહે, આમનેહે તુમા માટે સાદા પરમેહેરુ ધન્યવાદ કેરા જોજે, કાહાકા પરમેહેરુહુ જગત બોનાવા પેલ્લા તુમનેહે પસંદ કી લેદાહા, કા તુમુહુ પવિત્રઆત્મા મારફતે પવિત્ર બનીને સત્યપે ભોરોષો કીને ઉદ્ધાર પામા. 14આમા આખલી હારી સુવાર્તા મારફતે પરમેહેરુહુ તુમનેહે વાચાવા ખાતુરે હાધ્યાહા, કા તુમુહુ આપુ પ્રભુ ઇસુ ખ્રિસ્તુ મહિમામે સહભાગી વી સેકા. 15ઈયા ખાતુરે ઓ મેરાલાહા, સ્થિર રેજા, તીયુ ગોઠીપે વિશ્વાસ કેતા રેજા, જે-જે ગોઠયા આમુહુ તુમનેહે વચન નેતા પત્ર મારફતે હિવ્યાહા.
16આપુ પ્રભુ ઇસુ ખ્રિસ્ત પોતે, આને આપુ બાહકો પરમેહેર જીયાહા આપનેહે પ્રેમ કેયો, આને કૃપાકી અનંત શાંતિ આને ઉત્તમ આશા આપીહી. 17તુમા મનુમે શાંતિ આપે, આને તુમનેહે બાદે હારે કામે આને વચનુમે મજબુત કે.
Zvasarudzwa nguva ino
2 થેસ્સલોનિકા પત્રો 2: DUBNT
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.