Looma Kotili
Kotili
Pahuli ali mu usonehele huli ba libundu ba hu tsi a Looma, mu taangu yi nde amiimana mudyenge a nde wu mitatu wu isalu. Nde tondi usupala mudyenge a nde natee hu Looma hu nde hamaaveleto, titswene huuna hu Wesete, natee hu Esipanya, mu uyayabisa Musamu wu Mubwe (15.22-24). Tooni yi muhanda a nde, ni mu uvangimasa nziili a nde, na mu umweese ndongisili a nde huli ba libundu ba musyenge mo wuuna.
Muhanda a Pahuli huli bisu Looma, ni nzabisili yi yakuha yi musamu a ndongisili a Pahuli. Nde bibaayaka mu ukuka nde bunuubu: «Nzambi ubatsikaha butsiitsa bwa baatu, bu bo bali mu usa hiitu mu nde, na imiinu mo hiina hyamiikuha» (1.17).
Pahuli bibaayaka mu ubindula mambu matatu mu nzabisili a musamu mo wuuna.
Mabuli 1–8 mali mu uyabisa likoongo la ŋa hati lisiingala bibaayaka mikele mi libunduna imiinu mu Nzambi, bi Yisu Kristo ali mu ukuhasa. Ba libundu ba Looma, bali fula-fula ba bavele Bayudaayo. Ka Bayudaayo balaha hu Looma, na bakima bamiikituha ba libundu. Bayudaayo mo baniiba, bali mu uhwada usiingala makesili ma mikele mi libundu bibaayaka Bayudaayo. Bunuubu, ba bavele Bayudaayo, ba bamiikituha ba libundu, utwala kaka usiingala makesili mo maana? Hyuhu mo hiina, hyasinzinyingasa matsimi ma mabundu ma maavelehwada. Pahuli bibaayaka mu uleele ti, baatu boosi bali basumihi, tso ba bavele Bayudaayo, tso ba bali Bayudaayo. Ka a hu bibaayaka na mukele libundu tso mumosi, wu ubayobolo muutu mu lisumu ve. Ka baatu utwala uyoboho mu Livupu la Ngidi, mu tooni ati Yisu Kristo bibaayaka mu ubita bo huli Nzambi.
Mabuli 9–11 mali mu uyambila mu likoongo la ŋa hati bibaayaka Isereli, buli bibaayaka Nzambi hasoolo, na ba libundu. Manganzi ma imiinu hya ba libundu, makangama mu toto Bayudaayo, we bu muti ubakangama mu toto. Ka a Bayudaayo boosi bakituha ba libundu ve. Pahuli bibaayaka mu uyabisa ti, Nzambi bibaayaka mu uhwada mu utondo na uteele baatu ba nde. Na ilumbu, itwadi na mabuli makima ma baatu, Isereli hyutsikaha bubwe bwa Nzambi, bu bubamonehele mu Yisu Kristo.
Mabuli 12–15 mali mu uyambila mu mbiili a mu libundu la Yisu Kristo. Pahuli bibaayaka mu ubindula buni laafwana uyusa Nzambi, na uba mu hyenze na bana. Nde bibaayaka mu utuma huli banga imiinu hi hyavangama, mu ubahwadisa banga imiinu hi hyakolo. Nzambi ubayobolo baatu boosi mu masumu na mu lipfu. Bunuubu, bo utwala uba itwadi ŋa hati la bo, na uba kaka itwadi na Kristo, mu likumbasa bibaayaka Livupu la Ngidi.
Muhanda a Pahuli huli bisu Looma, bibaayaka mu usuka mu mabwehe ma malahi (buli la 16). Nde bibaayaka mu utata manduhi ma malahi ma babahala, na ma bakaasu. Ba libundu ba bakulu, baka hwa nde bebele na ba banyatihi.
Zvasarudzwa nguva ino
Looma Kotili: TSA
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.