Mavaanga Kotili
Kotili
Muhanda a Mavaanga ma Biluumbi li mu uya humbisa Musamu wu Mubwe wa Luuka. Nde li mu uyambila mu umweese buni biluumbi bi Yisu haatsindihi, byatsamuni tsaangu a nde. Mu ubaandiha hu Yeruselemi, titswene mu bitaanzi bya mu mivaanga mya Yeruselemi. Na humbisa, bo baataangili matsi ma maadinga mamba ma mubu ma bali mu uteele Meditarani. Buuna bo baakuhisi isalu hi Yisu haaviidi bo (Luk 24.47-48 et 1.8).
Hu mbaandu muhanda a Mavaanga ma biluumbi, Yisu li mu ukuma hu yulu huli Nzambi (1.9). Lolo yiniiyi, nde a hasaali mu itesi hi musunya ve. Ka nde li mu utsindaha Livupu la Ngidi li lili mu umata huli Nzambi, huli biluumbi (2). Livupu mo liina lili uva matwala ma ukuhasa uta ibila mu mavaanga ma manene ma Nzambi hali mu usa. Bu limiitangila libuuku li Biluumbi tsoso na tsoso, Livupu la Ngidi lili mu ubita ba bamiisisa masumu mu uya huli Yisu.
Mu uto tee buli la 12, Peetelo huli iluumbi li mu umoonehele ŋa butima bwa ngu a dyambu mu libuuku li Biluumbi.
Bayihi ba Yisu Bayudaayo bali. Bo bali mu uhwada mu uyene hu nzo a Nzambi yi yili hu Yeruselemi na utoyo mu mulongisi a bo. Ka, ni we Yisu, bo bali mu ubwana mbingisili yi yili mu umata huli bakuutu ba libundu (3–8).
Buuna, ba baayaka Musamu wu Mubwe bali mu ubata matsyelo moosi hu Yude, hu Samariya, na hu lala. Bo bali mu uta ibila mu Musamu wu Mubwe napa huli ba bavele Bayudaayo (8–12). Liina ni la kimuhili. Mu tangu mo yiina ndulu Bayudaayo baaba baayaba Nzambi huli siha vii. Bo bakatsima ti baatu ba manzambi makima utwala mu uyaba nde ve. Ka Yisu li mu uva bunyanga huli pasi muutu mu uba itwadi na Nzambi. Mabundu ma Bamukristo mali mu udibuma. Mo mali mu ufuna na ufuna, na mali mu ufuna mu Bayudaayo na mu bangoyi.
Humata mu utsudu hya 13, mutumu Pahuli li mu ukisana Peetelo hutso a ngu musamu hu libuuku li Biluumbi. Pahuli ayaka teelili a Yisu Kristo (chapitre 9). Libundu la Antioche li lili hu Syrie laasooli nde na bambaahi bakima mu uyata ibila hi Musamu wu Mubwe wa Yisu hu lala. Mabuli ma 13–28 mali mu uyambila mu midyenge mya nde mi uyalongese Musamu wu Mubwe. Bo bali mu uleele buni Musamu wu Mubwe ali mu utsamuha mu mambuha ma madiinga mubu a Meditarani na musyenge a Looma, hu hwaba kiti lituma la toto a bisu Looma.
Musamu wu Mubwe wa Luuka li mu huwese tangu a Yisu. Uto ti libuuku li Biluumbi, lo lili mu umweese bandiili a tangu a libundu. Tangu yi bamukristo bali mu uhwada mu ulongese imbangi hya Yisu, wuli Kristo. Bo bali mu uta ibila huli baatu ba mandaha moosi na ba manzambi moosi, huli bangebe, tso huli bakuutu; huli bisina, we huli biyaha.
Zvasarudzwa nguva ino
Mavaanga Kotili: TSA
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.