2 ᑲᕒᐃᑎᔭᓇᒃ 3
3
ᑳᐊᓄᑮᑕᒧᐙᒡ ᐃᐃ ᐅᔥᑭᐊᔓᑕᒫᑎᐎᓐ
1ᒦ ᓇᐃ ᐁᓂᑖᑯᓯᔮᕽ ᒦᓇᐙ ᐁᒥᒋᑭᒋ ᐃᓀᓂᑎᓱᔮᕽ? ᒦ ᓇᐃ ᑫᓃᓇᐎᓐᑦ ᐁᔑᓈᑯᓯᔮᕽ ᑖᐱᔥᑰ ᑯᑕᒃ ᑳᐃᔑᓈᑯᓯᐙᒡ ᒣᒬᒡ ᐅᔑᐲᐃᑲᓇᓐ ᒋᐱᒥᐎᑑᔮᕽ ᒋᐙᐸᑕᒣᒃ, ᑯᒫ ᑲᔦ ᐅᔑᐲᐃᑲᓐ ᒋᒦᔑᔮᕽ ᑫᐅᒋᑭᑫᓂᒥᑰᔮᕽ? 2ᑮᓇᐙ ᓴ ᐁᔑᐱᒫᑎᓯᔦᒃ ᒦ ᐃᐌ ᐅᔑᐲᐃᑲᓐ ᐌᒋᑭᑫᓂᒥᑰᔮᕽ, ᓂᑌᐃᓈᓂᕽ ᐁᐅᔑᐲᐃᑳᓱᔦᒃ᙮ ᒦᑕᔥ ᑲᑭᓇ ᐊᐎᔭᒃ ᐅᑭᑫᑖᓈᐙ, ᐅᐙᐸᑖᓈᐙ, ᑖᐱᔥᑰ ᐁᐊᓇᒥᑑᐙᒡ᙮ 3#Ex 24.12; Jer 31.33; Ezek 11.19; 36.26. ᐋᐱᒋ ᐸᔭᑌᓈᑾᓐ X ᐁᑮᐅᔑᐲᐊᕽ ᐅᐅ ᐅᔑᐲᐃᑲᓐ᙮ ᑳᐐᓐ ᐐᓐ ᐅᔑᐲᐃᑲᓈᐴᓂ ᐅᑮᐋᐸᒋᑑᓰᓐ, ᐃᓂ ᓴ ᐅᑮᐋᐸᒋᐋᓐ ᐅᑕᒑᑯᓂ ᑳᐱᒫᑎᓯᓂᒡ ᑭᔐᒪᓂᑑᓐ᙮ ᑳᐐᓐ ᐐᓐ ᓇᐸᑳᐱᑲᓯᓃᕽ ᑮᐃᔑᐅᔑᐲᐃᑫᓰ, ᐯᒫᑎᓯᓂᒡ ᐅᑌᐃᓃᕽ ᐅᔕ ᑮᐃᔑᐅᔑᐲᐃᑫ᙮
4ᒦᑕᔥ ᐅᐅ ᑳᐅᒋ ᐃᑭᑐᔮᕽ, ᐋᓃᔥ ᓂᑫᒋᓈᐋᓈᓐ ᑭᔐᒪᓂᑑ ᐁᐐᒌᐗᑭᒡ X᙮ 5ᑳᐐᓐ ᑕᔥ ᑫᑰᓐ ᓂᑕᔮᓰᒥᓐ ᑫᐅᒋ ᐃᑭᑐᔮᑭᐸᓐ ᐁᑲᔥᑭᑑᔮᕽ ᒋᑑᑕᒫᕽ ᐅᐅ ᐊᓄᑮᐎᓐ, ᑭᔐᒪᓂᑑ ᓴ ᐐᓐ ᓂᒦᓂᑯᓈᓐ ᒋᑲᔥᑭᑑᔮᕽ᙮ 6#Jer 31.31. ᐊᐊ ᓴ ᑳᑮᐅᔑᐃᔭᒥᓐᒡ ᑳᐅᒋᑲᔥᑭᑑᔮᕽ ᒋᐊᓄᑳᑕᒫᕽ ᐃᐃ ᐅᔥᑭᐊᔓᑕᒫᑎᐎᓐ, ᑳᐐᓐ ᐐᓐ ᐃᐃ ᑳᒥᒋᐅᔑᐲᐃᑳᑌᒃ ᐅᓇᔓᐌᐎᓐ, ᐃᐃ ᓴ ᑭᔐᒪᓂᑑ ᐅᑕᒑᑾᓐ ᑳᒦᑭᐌᓂᒡ᙮ ᐃᐃ ᓴ ᑳᒥᒋᐅᔑᐲᐃᑳᑌᒃ ᐅᓇᔓᐌᐎᓐ ᓂᐳᐎᓐ ᐃᐃᒫ ᐅᒌᒪᑲᓐ᙮ ᐊᐊ ᑕᔥ ᐐᓐ ᐊᒑᒃ ᒦᑭᐌ ᐱᒫᑎᓯᐎᓐ᙮
ᐁᔑᑭᒋ ᐃᓀᑖᑾᒃ ᐅᔥᑭᐊᔓᑕᒫᑎᐎᓐ
7 # Ex 34.29. ᐃᐃ ᓴ ᐅᓇᔓᐌᐎᓐ ᐁᑮᒥᒋᐅᔑᐲᐃᑳᑌᒃ ᐃᐃᒫ ᓇᐸᑲᓯᓃᕽ, ᑭᔐᒪᓂᑑ ᓴ ᑲᔦ ᐅᑭᒋ ᐃᓀᑖᑯᓯᐎᓐ ᑮᓈᑾᓂᓂ ᐊᐲ ᐃᐃ ᐅᓇᔓᐌᐎᓐ ᑮᒦᑭᐌᒡ᙮ ᐊᐊ ᓴ ᑲᔦ ᒨᓯᔅ Moses ᑳᑮᐃᔑᐙᓰᑴᓱᒡ ᐋᐱᒋ ᐐᐸ ᑮᐊᓂᐊᑯᓈᑾᓂᓂ᙮ ᒦᑕᔥ ᑳᐊᐲᒋ ᒪᔥᑲᐎᓈᑾᓂᓂᒃ ᐃᔅᕒᐃᔭᓬᐊᒃ Israel ᑳᐐᓐ ᐅᑮᑲᔥᑭᑑᓰᓈᐙ ᒋᑲᓇᐙᐸᒫᐙᒡ ᒨᓯᓲᓐ᙮ ᑮᔥᐱᓐ ᑕᔥ ᐃᐃ ᐅᓇᔓᐌᐎᓐ ᑳᐲᑕᒫᑯᐙᒡ ᓂᐳᐎᓐ ᐁᑮᐊᐲᒋ ᑭᒋ ᐃᓀᑖᑾᒃ ᒣᒀ ᐁᐊᓄᑮᒪᑲᒃ, 8ᓇᐗᒡ ᓴ ᐃᐃᒫ ᑳᐃᔑᐊᓄᑮᒡ ᐊᐊ ᐊᒑᒃ ᐊᐗᔑᒣ ᑕᑭᒋ ᐃᓀᑖᑾᓐ᙮ 9ᑮᔥᐱᓐ ᓴ ᐃᐃ ᑳᐲᑕᒫᑯᔭᕽ ᓂᐳᐎᓐ ᐁᑮᑭᒋ ᐃᓀᑖᑾᒃ, ᓇᐗᒡ ᐄᑐᒃ ᐃᐃ ᑳᐱᒫᒋᐃᐌᒪᑲᒃ ᑕᑭᒋ ᐃᓀᑖᑾᓐ᙮ 10ᓅᑯᒻ ᑕᔥ ᐁᐊᔮᔭᕽ ᐃᐃ ᓇᐗᒡ ᑳᑭᒋ ᐃᓀᑖᑾᒃ, ᐃᐃ ᓴ ᑳᑮᑭᒋ ᐃᓀᑖᑾᑭᐸᓐ ᑳᑮᐙᓭᔮᑭᐸᓐ ᐋᔕ ᑮᐃᔥᒀᓭ᙮ 11ᑮᔥᐱᓐ ᓴ ᐃᐃ ᑳᑮᑭᒋ ᐃᓀᑖᑾᒃ ᐊᒋᓇ ᐁᑕ ᐁᑮᐊᔮᒃ, ᓇᐗᒡ ᐃᐃ ᓅᑯᒻ ᒨᔕᒃ ᑳᐊᔮᒃ ᑕᑭᒋ ᐃᓀᑖᑾᓐ᙮
12ᐅᐅ ᑕᔥ ᐁᐃᔑᐊᐯᓂᒧᔮᕽ, ᒦ ᓴ ᑳᐅᒋᓲᑭᑌᐁᔮᕽ ᑮᑮᑭᑐᔮᕽ᙮ 13#Ex 34.33. ᑳᐐᓐ ᐐᓐ ᓂᑎᔑᓈᑯᓯᓰᒥᓐ ᑖᐱᔥᑰ ᒨᓯᔅ ᑳᑮᑭᐲᑴᐱᓂᑎᓱᒡ ᑭᐲᑭᓂᑲᓂᓂ ᐁᑮᐋᐸᒋᑑᒡ, ᒦ ᓴ ᐃᐃ ᑳᑮᐅᒋ ᐃᔑᒋᑫᒡ ᒋᐙᐸᑕᓯᓂᒃ ᐃᐃ ᐃᔅᕒᐃᔭᓬᐊᐞ Israel ᐯᒫᑎᓯᓂᒡ ᐃᐃ ᑳᑮᐃᔑᐙᓰᑴᓱᒡ ᐁᑮᐊᓂᐊᑯᓈᑾᓂᓂᒃ᙮ 14ᒦ ᓴ ᑳᐃᔑᓈᑾᓂᓂᑭᓐ ᐃᓂ ᐅᑎᓀᑕᒧᐎᓂᐙᓐ ᑖᐱᔥᑰ ᐁᑮᑭᐲᑭᓂᑳᑌᓂᑭᓐ᙮ ᒦᑕᔥ ᑲᔦ ᓅᑯᒻ ᑳᑮᔑᑲᓂᓂᒃ ᑫᔮᐱ ᐃᐃ ᑭᐲᑭᓂᑲᓂᓂ ᐁᔑᑭᐲᑭᓂᑳᑌᓂᒃ ᐃᐃᒫ ᐅᑎᓀᑕᒧᐎᓂᐙᕽ ᑮᐊᓇᒥᑑᐙᒡ ᐃᐃ ᒪᓯᓇᐃᑲᓂᓂ, ᑫᑌᐊᔓᑕᒫᑫᐎᓂᓂ ᑳᔑᑕᔑᑌᓂᒃ᙮ ᐹᓂᒫ ᓴ ᐊᐎᔭ ᑮᐐᒌᐙᒡ Xᑕᓐ, ᒦ ᓴ ᐹᓂᒫ ᐃᐃ ᑭᐲᑭᓂᑲᓂᓂ ᐁᐅᑖᐱᓂᑳᑌᓂᒃ᙮ 15ᒥᓴᐙ ᑯ ᓅᑯᒻ ᑳᑮᔑᑲᓂᓂᒃ ᑮᓅᑕᒧᐙᒡ ᐁᐊᓇᒥᒋᑳᑌᓂᒃ ᐃᐃ ᒨᓯᔅ ᐅᑑᓇᔓᐌᐎᓂᓂ, ᑳᐐᓐ ᓂᓯᑐᑕᓰᐗᒃ, ᑖᐱᔥᑰ ᑫᔮᐱ ᐁᑭᐸᑰᑌᓂᒃ ᐃᐃ ᑭᐲᑭᓂᑲᓂᓂ ᐃᐃᒫ ᐅᑎᓀᑕᒧᐎᓂᐙᕽ᙮ 16ᐊᐲ ᑕᔥ ᐊᐎᔭ ᑮᑴᑮᑕᐙᒡ ᑳᑎᐯᒋᑫᓂᒡ, ᑭᐲᑭᓂᑲᓐ ᐅᑖᐱᓂᑳᑌᓂ᙮ 17ᐊᐊ ᑕᔥ ᑳᑎᐯᒋᑫᒡ ᑳᑕᔑᓱᒡ ᒦ ᓴ ᐊᐊᐌ ᑭᔐᒪᓂᑑ ᐅᑕᒑᑾᓐ᙮ ᐋᑎ ᑕᔥ ᐃᑯ ᐊᐊ ᐊᒑᒃ ᐁᔮᒡ, ᒦ ᓴ ᐃᒫ ᐁᔮᒪᑲᒃ ᐸᑭᑎᓂᑰᐎᓐ᙮ 18ᑮᓇᐎᓐᑦ ᑕᔥ ᑲᑭᓇ ᑭᒧᔐᔩᑴᐙᓭᔥᑲᒧᐙᒥᓐ ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ᙮ ᑭᑎᔑᐃᑯᓈᓐ ᒋᐃᔑᓈᑯᓯᔭᕽ ᒋᐊᔮᐗᕽ ᐅᑭᒋ ᐃᓀᑖᑯᓯᐎᓐ, ᒨᔕᒃ ᑳᓂᑭᒋ ᐃᓀᑖᑾᓂᓂᒃ᙮ ᑳᑎᐯᒋᑫᒡ ᐅᑕᒑᑾᓐ ᐅᔕ ᑳᐃᔑᐃᓇᕽ᙮
Zvasarudzwa nguva ino
2 ᑲᕒᐃᑎᔭᓇᒃ 3: OJBS
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society