2 ᑲᕒᐃᑎᔭᓇᒃ 4
4
ᑆᓬ ᐅᑕᓄᑮᐎᓐ, ᐅᑖᓂᒥᓯᐎᓐ ᑲᔦ
1ᑭᔐᒪᓂᑑ ᓴ ᑳᔕᐌᒋᑫᒡ ᓂᑮᒦᓂᑯᓈᓐ ᐅᐅ ᐊᓇᒥᐁᐎᐊᓄᑮᐎᓐ ᒋᐊᓄᑳᑕᒫᕽ᙮ ᒦᑕᔥ ᑳᐅᒋᐸᑭᑌᑕᓯᐙᕽ᙮ 2ᑲᑭᓇ ᓴ ᓂᑮᐌᐱᓈᒥᓐ ᑮᒨᒋᒋᑫᐎᓇᓐ, ᑳᐊᑲᓯᓈᑾᑭᓐ ᑲᔦ ᐃᔑᒋᑫᐎᓇᓐ, ᑳᐐᓐ ᐐᓐ ᑲᔦ ᓂᐗᔦᔑᒥᐌᓰᒥᓐ᙮ ᑳᐐᓐ ᐐᓐ ᑲᔦ ᐸᑳᓐ ᓂᑎᓉᑖᐙᓰᒥᓐ ᑭᔐᒪᓂᑑ ᐅᑎᑭᑐᐎᓐ᙮ ᐃᐃᒫ ᓴ ᑳᐃᔑᐸᔭᑌᑖᑾᓂᓂᒃ ᑭᔐᒪᓂᑑ ᐅᑌᐺᐎᓐ ᒦ ᓴ ᐃᒫ ᐁᔑᐱᒫᑎᓯᔮᕽ, ᑭᔐᒪᓂᑑ ᐁᓈᓴᒦᒡ, ᑾᔭᒃ ᓴ ᒋᐃᔑᓈᑯᓯᔮᕽ ᑲᑭᓇ ᐊᐎᔭ ᑳᐃᔑᒥᓍᐸᑕᕽ᙮ 3ᑮᔥᐱᓐ ᓴ ᒥᓍᒋᒧᐎᓐ ᑳᑲᑮᒀᑕᒫᕽ ᑳᒋᑳᑌᒃ, ᒦ ᓴ ᐁᑳᑕᒪᐎᑣ ᐃᑭ ᑳᐗᓂᔑᓄᐙᒡ᙮ 4ᐋᓃᔥ ᐊᐊ ᒪᒋᐊᔭᐋ ᑳᒪᓂᑑᐎᒡ ᐅᐅᒫ ᐊᑮᕽ ᐅᑮᐃᔑᐋᐞ ᒋᐙᐱᓯᓂᒃ ᐃᐃᒫ ᐅᑎᓀᑕᒧᐎᓂᓃᕽ, ᒦ ᓴ ᑕᔥ ᑳᐅᒋᑌᐺᑕᓯᓂᒃ᙮ ᑳᐐᓐ ᑕᔥ ᑲᔦ ᐅᓇᑕᐌᓂᒫᓰᐞ ᒋᐙᐸᑕᒥᓂᒡ ᐃᐃ ᑳᐃᔑᐙᓭᔮᓂᒃ ᐃᐃ ᒥᓍᒋᒧᐎᓂᓂ, ᐃᐃᒫ ᑳᐃᔑᑕᔑᑌᓂᒃ X ᐅᑭᒋ ᐃᓀᑖᑯᓯᐎᓐ᙮ ᐋᓃᔥ ᒪᔮ ᐱᑯ ᑭᔐᒪᓂᑑᕽ ᐃᔑᓈᑯᓯ ᐊᐊ X᙮ 5ᑳᐐᓐ ᑕᔥ ᐐᓐ ᓃᓇᐎᓐᑦ ᓂᑲᑮᒀᓂᑎᓱᓰᒥᓐ, ᒋᓴᔅ X ᓴ ᓂᑎᑭᑐᒥᓐ ᐁᑎᐯᒋᑫᒡ, ᓃᓇᐎᓐᑦ ᐃᑕᔥ ᓂᑎᑭᑐᒥᓐ ᐁᐸᒦᑖᑰᔦᒃ ᒋᓴᔅ ᐅᒋ᙮ 6#Gen 1.3. ᑭᔐᒪᓂᑑ ᓴ ᑳᑮᐃᑭᑐᒡ: ᐃᐃᒫ ᓴ ᑳᐃᔑᑲᔥᑮᑎᐱᑲᒃ, ᑳᐙᓭᔮᒃ ᑕᓵᑳᑌ, ᒦ ᓴ ᐊᐊᐌ ᐯᔑᑾᓐ ᑭᔐᒪᓂᑑ ᑳᑮᐙᓭᔮᑑᒡ ᓂᑌᐃᓈᓂᓐ ᒋᑭᑫᑕᒧᐗᑭᒡ ᑭᔐᒪᓂᑑ ᐅᑭᒋ ᐃᓀᑖᑯᓯᐎᓐ, X ᐁᐙᓰᑴᔥᑳᑯᒡ᙮
7ᓃᓇᐎᓐᑦ ᓴ ᑳᐊᔮᔮᕽ ᐅᐅ ᑳᑭᒋ ᐃᓀᑕᒫᕽ ᐌᓅᑎᓯᐎᓐ, ᒦ ᓴ ᐁᔑᓈᑯᓯᔮᕽ ᑖᐱᔥᑰ ᐙᐱᑲᓂᐗᑭᑯᕽ ᐁᔑᐲᓇᐊᒫᕽ, ᒋᓈᑾᓂᓂᒃ ᑭᔐᒪᓂᑑ ᒫᐗᒡ ᐁᒪᔥᑲᐎᓰᒡ, ᑳᐐᓐ ᓃᓇᐎᓐᑦ᙮ 8ᒥᓯᐌ ᓂᑑᒋ ᒥᑯᔥᑳᒌᑳᑰᒥᓐ, ᑳᐐᓐ ᑕᔥ ᓂᔖᑰᒋᔥᑳᑰᓰᒥᓐ; ᐁᐙᓀᑕᒫᕽ ᑲᔦ ᓂᑯᑎᕽ, ᑳᐐᓐ ᑕᔥ ᒪᔑ ᓂᐸᑭᒌᓰᒥᓐ᙮ 9ᒨᔕᒃ ᑲᔦ ᓂᑲᒀᑕᑭᐃᑰᒥᓐ, ᔖᑰᒡ ᑕᔥ ᑳᐐᓐ ᐐᑳ ᓂᓇᑲᓂᑰᓰᒥᓐ; ᐁᑲᐎᐌᐱᓂᑰᔮᕽ ᑲᔦ ᑳᐐᓐ ᑕᔥ ᒪᔑ ᓂᓂᔑᐗᓈᒋᐃᑰᓰᒥᓐ᙮ 10ᒦᑕᔥ ᐁᔑᓈᑾᒃ ᒨᔕᒃ ᐁᐱᒥᐎᑖᐗᑭᒡ ᒋᓴᔅ ᐅᓂᐳᐎᓐ ᐃᐃᒫ ᓂᐐᔭᐎᓈᓂᕽ, ᐃᐃ ᓴ ᑳᐅᒋ ᐃᔑᓈᑾᒃ ᐅᐱᒫᑎᓯᐎᓐ ᒋᐙᐸᒋᑳᑌᓂᒃ ᐃᐃᒫ ᓂᐐᔭᐎᓈᓂᕽ᙮ 11ᐃᐃᒫ ᓴ ᓂᐱᒫᑎᓯᐎᓂᓈᓂᕽ, ᒦ ᓴ ᐁᔑᓈᑯᓯᔮᕽ ᑖᐱᔥᑰ ᒨᔕᒃ ᐁᓇᓃᓵᓂᓯᔮᕽ ᐁᐊᔓᓂᐳᔮᕽ ᒋᓴᔅ ᐅᒋ᙮ ᐃᐃ ᓴ ᐅᐱᒫᑎᓯᐎᓐ ᒋᐙᐸᒋᑳᑌᓂᒃ ᐃᐃᒫ ᓂᐐᔭᐎᓈᓂᕽ ᑳᐗᑫᓂᐴᒪᑲᑭᓐ᙮ 12ᒦ ᓴ ᐅ ᑳᐃᒋᑳᑌᒃ, ᓂᐳᐎᓐ ᓃᓇᐎᓐᑦ ᓂᓅᒋᐃᑰᒥᓐ ᐃᐃᒫ ᓂᐱᒫᑎᓯᐎᓂᓈᓂᕽ, ᑮᓇᐙ ᑕᔥ ᐱᒫᑎᓯᐎᓐ ᐊᓄᑮᒪᑲᓐ ᑭᐱᒫᑎᓯᐎᓂᐙᕽ᙮
13 # Psa 116.10. ᑫᓃᓇᐎᓐᑦ ᑕᔥ ᐯᔑᑾᓐ ᐁᔑᑌᐺᔦᑕᒫᕽ ᑭᒋᒪᓯᓇᐃᑲᓐ ᐁᔑᐲᐃᑳᑌᒃ: ᓂᑮᑮᑭᑦ ᐋᓃᔥ ᐁᑌᐺᑕᒫᓐ᙮ ᒦᑕᔥ ᐯᔑᑾᓐ ᑫᓃᓇᐎᓐᑦ ᐁᐃᔑᑌᐺᑕᒫᕽ ᑳᐅᒋᑮᑭᑐᔮᕽ᙮ 14ᐊᐊ ᓴ ᑭᔐᒪᓂᑑ ᑳᑮᑮᐌᐱᒫᑎᓯᐋᒡ ᐃᓂ ᑳᑎᐯᒋᑫᓂᒡ ᒋᓴᓲᓐ, ᓂᑭᑫᓂᒫᓈᓐ ᓴ ᒋᑮᐌᐱᒫᑎᓯᐃᔭᒥᓐᒡ ᐋᓃᔥ ᓂᐐᒌᐙᓈᓐ ᒋᓴᔅ᙮ ᑭᑲᐃᔑᐎᓂᑯᓈᓐ ᑕᔥ ᒫᒪᐤ ᒋᐃᔑᐊᔮᐗᕽ ᐌᑎ ᑳᔑᐊᔮᒡ᙮ 15ᑮᓇᐙ ᐅᐅ ᑲᑭᓇ ᑳᐅᒋ ᐃᔑᓭᒃ; ᐃᑭ ᓴ ᑳᐹᑏᓄᐙᒡ ᐯᒫᑎᓯᐙᒡ ᐁᐊᓂᑌᐱᓂᑯᐙᒡ ᑭᔐᒪᓂᑑᓐ ᐅᑭᔐᐙᑎᓯᐎᓂᓂ ᐋᐱᒋ ᑕᔥ ᑕᐹᑏᓇᑎᓅᓐ ᐃᓂ ᐊᓇᒥᐋᐎᓇᓐ ᒋᓇᓈᑯᒥᓐᒡ ᑭᔐᒪᓂᑑ ᑳᑭᒋ ᐃᓀᑖᑯᓯᒡ᙮
ᐁᐃᔑᐱᒫᑎᓯᕽ ᐃᐃᒫ ᑌᐺᑕᒧᐎᓂᕽ
16ᒦᑕᔥ ᐅᐅ ᐐᑳ ᑳᐅᒋᐸᑭᑌᑕᓯᐙᕽ᙮ ᐋᓇᐐᓐ ᓂᐐᔭᐎᓈᓂᓐ ᐁᐊᓂᓂᐴᒪᑲᑭᓐ, ᔖᑰᒡ ᑕᔥ ᓂᑕᒑᑯᓈᓂᒃ ᓂᐱᒫᑎᓯᐎᓂᓈᓂᕽ ᐊᓂᐅᔥᑭᐅᔑᒋᑲᓂᐎᐗᒃ ᐁᑕᓱᑮᔑᒃ᙮ 17ᐅᐅ ᓴ ᑳᐃᔑᐋᓂᒥᓯᔮᕽ ᓂᓈᑫᑖᒥᓐ, ᐋᓃᔥ ᐊᒋᓇ ᐁᑕ ᓂᓅᒋᐃᑯᒥᓐ᙮ ᒦᑕᔥ ᑫᐅᒋᐅᑎᓯᑯᔮᕽ ᒫᐗᒡ ᑳᑭᒋ ᐃᓀᑖᑾᒃ ᑭᒋ ᐃᓀᑖᑯᓯᐎᓐ ᐐᑳ ᑫᐴᓂᓭᓯᓄᒃ᙮ 18ᑳᐐᓐ ᑕᔥ ᐐᓐ ᐃᓂ ᑳᓈᑾᑭᓐ ᓂᑲᓇᐙᐸᑕᓰᒥᓐ, ᐃᓂ ᓴ ᑳᓈᑾᓯᓄᑭᓐ; ᐃᓂ ᓴ ᑳᓈᑾᑭᓐ ᐊᒋᓇ ᐁᑕ ᐊᔮᐗᓐ, ᐃᓂ ᑕᔥ ᐐᓐ ᑳᓈᑾᓯᓄᑭᓐ ᐱᔑᔑᒃ ᐊᔮᐗᓐ᙮
Zvasarudzwa nguva ino
2 ᑲᕒᐃᑎᔭᓇᒃ 4: OJBS
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society