Mavhesi emuBhaibheri Ane Mukurumbira kubva kuna रोमी 4

Pakurirana nevamwe

अब्राहाम परमेश्वरके प्रतिज्ञाके बारेमे कुछ शंखा करी, पर अपनो बिश्वासमे बलियो हुइके परमेश्वरके महिमा दइ। काहेकी अपनो करोभओ प्रतिज्ञा परमेश्वर नेहात्तओ पुरा करैगो कहिके बोके पता रहए।

पबित्र-शास्त्र कहात हए कि, “मए तोके बहुतसे जातिनको पुर्खा ठहिराओ हओं।” परमेश्वरकी दृष्टिमे अब्राहाम हमर दौवा हए। अब्राहाम बहे परमेश्वरमे बिश्वास करी, जो मरे भएनके जिन्दा करत हए और बे चिजनके फिर अस्तित्वमे लात हए जौनको अस्तित्व नाए हए।

येशू हमर अपराधके ताहीं मारोगओ, और परमेश्वर हमएं अपने सँग धर्मी घोषित करनके ताहीं येशूके फिरसे जिन्दा करी।

परमेश्वर अब्राहामसे कही, कि बोके बहुत बंश होंगे, पर अब्राहाम देखी, कि सन्तान उत्पन्न करनके ताहीं बो बहुत बुढो रहए, काहेकी बो लगभग सओ सालको हुइगओ रहए। सारा फिर अब सन्तान उत्पन्न नाए करपबैया रहए। पर जबकी सब कुछ जा दिखात रहए, कि बहुत जातिनको दौवा नाए बन पएहए, तहुँफिर बो अपने बिश्वासमे कमजोर नाए भओ। बो बिश्वास करतए रहो और अपनो आसरा कभीनाए खोइ।

जहेमारे आदमी बिश्वासके द्वारा परमेश्वरको प्रतिज्ञा प्राप्त करीं। अइसो जाकेमारे होत हए, ताकी बाचा अनुग्रहसे प्राप्त होबए। तओ अब्राहामके सारे सन्ताननके बो बाचा प्राप्त हुइ सकत हए। जा सिरफ उनके ताहीं इकल्लो नाए जो मोशाको नियम कानुनके अधिन रहात हएं बल्कि हर बे आदमीनके ताहीं हए जो अब्राहाम जैसो बिश्वाससे जितो हए, जो हम सबजनैको पुर्खा हए।

“धन्य हएं बे, जौननके अधर्म काम क्षमा हुइगए हएं, जौनन्के पाप क्षमा करोगओ। धन्य हए बो आदमी जोसे परमेश्वर पापको हिसाब नाए लेतहए।”

पबित्र-शास्त्र का कहात हए? जा कि “परमेश्वर जो कही बोके उपर अब्राहाम बिश्वास करी, और जहेमारे परमेश्वर बोके धर्मी घोषित करी।”