Mavhesi emuBhaibheri Ane Mukurumbira kubva kuna रोमि 4

Pakurirana nevamwe

आब्राहाम परमेस्‍वरको केरा चाका काथाता हेअ्‌लाउ साङखा मापाहि। कालाउ खान्‍धुरता बोल्‍याका जेङतेङ परमेस्‍वरहेङ बाखिन्‍हि। हाइदोनु ताइमिको पाका केरा परमेस्‍वर जातिङको पोङघापावा दोअ्‌का आब्राहामहेङ पाक्‍का गिका हिघाहि।

धरमकिताबता परमेस्‍वर आब्राहामहेङ एसा दोअ्‌का हि, “का नासेहेङ हेन्‍जाङ जात्‍यागेलाइको आबा बान्‍हाइका हिघा।” आब्राहाम परमेस्‍वरता खान्‍धुर पाहि, कालाउ परमेस्‍वरको आगाता वा झाराङको आजुखाल जेङहि। परमेस्‍वरता सिकालाइहेङ बुङ सिन्‍हुपाका रो जेङलिङ मादोका काथागेलाइ बुङ बान्‍हाइलि दोका सरबङ वाता हि।

इसु केलाइको पापको भाअ्‌सिङ सेअ्‌न्‍हाहि रो केलाइहेङ धरमाति ठार्‍हाइलिको भाअ्‌सिङ परमेस्‍वर वासेहेङ आरोङ सिन्‍हुपाहि।

चानचामिन्‍दि जेङका आसदोङ मान्‍थुका पहर, “नाङको जाहान आकासको फुरु झोको हेन्‍जाङ जेनावा” दोअ्‌तेङ परमेस्‍वरको पिका केराता आब्राहाम आस रो खान्‍धुर पालि मालाअ्‌हि। कालाउ हेन्‍जाङ जात्‍याको खाल जेङहि।

इङकोभाअ्‌सिङ द्‌याङगेलाइ परमेस्‍वरको केरा खान्‍धुरसो निङखे। इदोइचाहिँ परमेस्‍वर एन्‍साङ पिका हि। कालाउ वा इदोइ केरा आब्राहामको खान्‍धुरको खालको भाअ्‌सिङ जातिङको प्‍याङका दोअ्‌का हि। इदोइ केरा न्‍याम साअ्‌कालाइको भाअ्‌सिङ खिनिङ माको, आब्राहामको भाइका खान्‍धुर पाकालाइको भाअ्‌सिङ बुङ। हाइपानु आब्राहाम केलाइ झाराङको खाल।

“इङको द्‌याङ सहसाम्‍पा निङका, जाइको पाप परमेस्‍वर माफ पापिका हि। रो जाइको पापगेलाइ परमेस्‍वर माअ्‌पापिका हि। इङको द्‌याङ सहसाम्‍पा निङका, जाइको पापको हिसाब परमप्रभु मार्‍हुखे।”

हाइदोनु धरमकिताबता इस्‍का लेखिका हि, “आब्राहाम परमेस्‍वरहेङ खान्‍धुर पाहि रो वाको पाका खान्‍धुरको भाअ्‌सिङ परमेस्‍वर वासेहेङ धरमाति ठार्‍हाइहि।”