Mavhesi emuBhaibheri Ane Mukurumbira kubva kuna APOCALIPSIS 8

Pakurirana nevamwe

Tejtzen tel tiiꞌn Jtal Carnel twuukan ẍipbelte, yutꞌl cykilca tuj cyaꞌj niyꞌjan hora.

Tej toc t-xuxen tneel ángel, e tzaj skbaken tuyax kꞌakꞌ cysmoꞌn cyiib tuya tz̈iyꞌ. Bix e cuꞌtz t-xooꞌn twitz txꞌotxꞌ, bix e baj tzꞌeyꞌ toxen paꞌ twitz txꞌotxꞌ bix toxen paꞌ tzeeꞌ bix cykilca chaꞌx cꞌul e baj tzꞌeyꞌ.

Bix e wila jun ikel eyꞌ npurpan twitz cyaꞌj tuj lugar mas jawnex. Bix e xiꞌ tkbaꞌn tuya tkꞌajkꞌajel tyol cyiwxix: —¡Ayxsen, ayxsen, ayxsen cyej xjal najl twitz txꞌotxꞌ! cuma chꞌixcꞌa cyoc xuxet oxet xux cyuꞌn oxetl ángel―tz̈itzen ikel eyꞌ.

Tejtzen toc t-xuxen tcab ángel, e wila jun ma tij kꞌakꞌ, tisencꞌa jun ma tij witz, e cuꞌtz xooꞌn tuj mar. Bix toxen paꞌ mar oc te tz̈iyꞌ.

Tejtzen toc t-xuxen toxen ángel, e tzaj tzꞌak jun ma tij cheꞌw tuj cyaꞌj. Njululun tisen jun tzaj, bix e tzaj tzꞌak cyibaj toxen paꞌ nimaꞌ bix cyibaj twiꞌ aꞌ. Jatzen tbi cheꞌw Cꞌa Itzaaj. Toxen paꞌ aꞌ twitz txꞌotxꞌ oc puro cꞌa. Nim xjal e cyim tuꞌn tlaj aꞌ otk tzꞌoc te cꞌa.

Tejtzen toc t-xuxen tcyaaꞌn ángel, oc qꞌuixbisaꞌn jtoxen paꞌ kꞌij tuyax toxen paꞌ xjaw tuyax toxen paꞌ cheꞌw. Juꞌ tzunj, e cubxsen klolj toxen paꞌ cywitz, tuꞌn miꞌn ten spiꞌyenal cyaja hora te kꞌij, bix juꞌx toxen paꞌ koniyan.