Mavhesi emuBhaibheri Ane Mukurumbira kubva kuna COLOSENSES 1

Pakurirana nevamwe

Ma ko etz tiiꞌnxin tjakꞌ tcawbil taaw il, bix ma cub tkꞌoꞌnxin ejooꞌ tuj tcawbil Tcwalxin, jxin Cristo n-oc takꞌ texin.

Mas jawnexxin, cuma tuꞌnxin e bint cykilca at. E tbinchaxin cykilca at twitz cyaꞌj bix cykilca at twitz txꞌotxꞌ. E tbinchaxin cykilca chicꞌaj bix cykilca yaaꞌn chicꞌaj. Kej nejenel aj te tuj cyaꞌj bix alcyejtl-le nchi cawen, e tbincha Tcwal Dios cykilca. Jaxin binchalte cykilca at, bix cykilca at te tajbel texin.

E tenxin tuj tneel tej mitknaꞌx tbint twitz cyaꞌj bix twitz txꞌotxꞌ, bix tuꞌn tipemalxin at cykilca tuj tumel. Kꞌiꞌn tuꞌnxin cykilca at.

Key hermano, ja tzunj xin Tcwal Dios lu tzin techlaꞌn te ke tiiꞌn Dios, cuma min chicꞌaj Dios. Mas jawnex Tcwal Dios cyxol cykilca xjal bix at-xin tibaj cykilca.

Yal weya, jatxe tej nbintiya e cyocslay Cristo, min ma cyaj nkꞌoꞌna tuꞌn nnaꞌna Dios cyiꞌja. Nchin kanena texin tuꞌn tel cyniꞌya tiꞌj tajbilxin tuꞌnj cyilbila kꞌoꞌn tuꞌn Espíritu Santo bix tuꞌnj ti tten tuꞌn tel cyniꞌya tiꞌj alcyej jaxxix bix alcyej ẍtakꞌ, tuꞌntzen t-xiꞌ cyiiꞌna cychunkꞌlala baꞌnxix twitz Kaaw, tuꞌn ttzalajxin cyiꞌja tuj cykilca nbint cyuꞌna. Nchin kanena texin tuꞌn cybinchana baꞌn cye cabtl, bix tuꞌn tel mas cyniꞌya tiꞌjxin.