Mavhesi emuBhaibheri Ane Mukurumbira kubva kuna လေး 7

Pakurirana nevamwe

ဝါယ် အန် တီ ဇဝ်ဖြာ ဝီ တဝ်း ဒီ အာမုဝ်ဆဲ၊ “တဲး မဲ ထူမ် ဆီချာ။ အုဝ် ဒီ တဲး အီကတ် မဲ ဟာဝ် ကာလာင် ဒီ ခုန်ဒီခမ် ဖာရုဝ်။ အုဝ် ဒီ တဲး အာရူန် ကာလာင် ဂြုဝ်း မဲ ဒီ ခုန်ဒီခမ်၊ တဲး န့ ပီ ဒူအီ ဘျာန် ဂြုဝ်း ဇဝ်ဖြာ ဝီ ခဲ ဂြုဝ်း ဇဝ်ဖြာ ဒီ အီ ဟဝ်။

အုဝ် ဒီ ဘျ နာ မွှိုမ် အာမ် ကာဆဝ် ဒီ ဂေ ဒူအီ အဲဂိုပ်၊ တဲး န့ ဘဲန် နဝ်း ယုဝ် ဒီ ဂေ။ အုဝ် ယီ ဒီ ဝီ တဲး နဝ်း ခုန်ဒီခမ် ဖာရုဝ် တူ ဘျွင် ဒေါ မှဝ်။ အန် တူ ဝီ ထူမ် ဂြုဝ်း မဲ။ ဒေါ အန် တီ အုဝ် ဒီ ဝီ တဲး ဂေ ဒူအီ ခဲင် မိူင် အဲဂိုပ် ဝီ ကာဒုး ဒုက် တာင်၊ တဲး ဂေ ခမ် မှာပ် ဂေ၊ တဲး ဂေ နပ် ပွုန် အုဝ်။ ပန် တီ အုဝ် ဒီ တိုယ် ဂေ ဒူအီ အီဆာရေလ ဒွန် ခြိုဝ်၊ တဲး ဂေ လေး ဟာဝ် တ မိူင် အဲဂိုပ်။

ဒေါ အန် တီ ဂေ ဒူအီ အဲဂိုပ် ဒီ ဘော နပ်၊ န့ မုး အုဝ် အန် ဇဝ်၊ အုဝ် ဟဲ့ ဘျ ပွုန် တာင် ဒီ ဂေ၊ ဘူင် နာ တူ မွှိုမ် ဒီ ဂေ။ ခုဝ်၊ ဂေ ဒီ တဲး ဂေ ဒူအီ အီဆာရေလ လေး ဟာဝ် တ မိူင် ဂေ။”

ခုန်ဒီခမ် ဖာရုဝ် ဒဲ့ ဂေ ဒူအီ အီ မိုဝ်း အာငျာန် ဘော ဂေ ဒူအီ အီ နပ် ဒီ ဘူင် မျလှယ့်။ ဂေ ဘော ဂါဝ် ပွုန် ပီ ညှိုမ် ဂေ၊ ညိုင် ပီ ဘူင် အာရူန် တွိုန်။ ဒွန် အီ ဘော ဇတ့် န့ကြွုန် အန်၊ တဲး န့ ဘော ဘဲန် မာဟန့်။ န့ကြွုန် အာရူန် တွိုန် ယီ မဲင် ဘ့လွိုပ် န့ကြွုန် ဂေ ဒူအီ ဟဝ် ဒွန် ညွင့်။

ဒေါ တီ နီ ဇဝ်ဖြာ ဝီ တဝ်း၊ အန် ဒီ တဲး မဲ နပ်၊ အန် မုး အန် ဇဝ်။ အန် ဇဝ် တဝ်း၊ အုဝ် ဒီ မး အိုမ် ခဲင် ဘ့လဲင် အိုမ် တီ၊ တာ န့ကြွုန် နီ။ အိုမ် ဒီ ဘျွင် ဘဲန် နှာမ် အူ ဇေန့်။

“ဆေ ခုန်ဒီခမ် စ်ု ဘာယ် ဘူင် နာ မွှိုမ် အာမ် ကာဆဝ်၊ တဲး မဲ ကာလာင် ဒီ အာရူန်။ တဲး အန် ဇတ့် န့ကြွုန် ပီ ဂူင့် အန်၊ တဲး န့ စုဝ်း နာ အာတ့် ခုန်ဒီခမ် ဖာရုဝ်။ န့ကြွုန် တီ ဒီ ဝီ ဘဲန် မာဟန့် အူ ဇေန့်။” ပန် တီ အာမုဝ်ဆဲ ဂါယ် အာရူန် ဘော ဟာဝ် ကာလာင် ဒီ ခုန်ဒီခမ် ဖာရုဝ်၊ ဘူင် တူတ့် ပီ စ်ု ဇဝ်ဖြာ ဂါယ် ဘူင်။ အာရူန် မိူဝ် ဇတ့် န့ကြွုန် အန် နာ အာတ့် ခုန်ဒီခမ် ဖာရုဝ် ဘော နာ အာတ့် ဂေ အာမူ အာမာတ် အန်။ ဟဲ့ ဟွတ့်၊ န့ကြွုန် တီ ဝီ ဘဲန် မာဟန့်။