Mavhesi emuBhaibheri Ane Mukurumbira kubva kuna Marcos 2

Pakurirana nevamwe

Sáá nteso̱ꞌo Jesús yaꞌá, jee nkachiꞌ‑i nu̱u̱nꞌ ráa: ―Rá ñɨvɨ íyó váꞌa ntu jíniñúꞌún ráa te̱e sátátán ta̱ta̱nꞌ stíláꞌ, chisaꞌ rá ñɨvɨ kúꞌvíꞌ ví ya̱ jíniñúꞌún ráa maa. Nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ ki̱vɨ nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi [sáva nakani iniꞌ ráa jee ki̱vɨ ráa naꞌá Ndiosíꞌ] ―nkachiꞌ Jesús.

Sáá niniꞌ Jesús ya̱ nku̱neí iniꞌ ráa re̱ꞌ, nkachiꞌ re̱ꞌ nu̱u̱nꞌ te̱e ya̱ ntu kúvi kantaꞌ vá: ―Se̱ꞌya, ya nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú ―nkachiꞌ re̱ꞌ.

Jee nkachiꞌ Jesús nu̱u̱nꞌ ráa: ―Nsa̱ꞌá Ndiosíꞌ ki̱vɨ̱ꞌ nájiáví sáva kuvi ya̱ váꞌa nu̱u̱nꞌ rá ñɨvɨ. Soo nsáꞌ nsa̱ꞌá re̱ꞌ rá ñɨvɨ sáva yɨ́ñúꞌún ráa ki̱vɨ̱ꞌ nájiáví vá ne̱ kunoꞌo ráa.

Jee ntu kúvi kenta ráa jín re̱ꞌ nu̱u̱nꞌ Jesús, chi íñɨ́ víꞌí ñɨvɨ. Saáva nna̱neeꞌ ráa ntíꞌ xi̱ni̱ꞌ ve̱ꞌí nu̱u̱nꞌ íñɨ́ Jesús. Jee sáá nine yukuán, jee yukuán nsi̱kúun ráa tu̱nchi̱só yósóꞌ te̱e ntu kúvi kantaꞌ vá.

Soo nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, stúvi ni̱ꞌ nu̱u̱nꞌ rán sáva kukáꞌnú iniꞌ rán ya̱ nísotíñú ni̱ꞌ nu̱u̱nꞌ ñɨ̱vɨ́ yaꞌá sáva kunekáꞌnú iniꞌ ni̱ꞌ jie̱ꞌe̱ꞌ rá kua̱chi ñɨvɨ. Jee nkachiꞌ re̱ꞌ nu̱u̱nꞌ te̱e ntu kúvi kantaꞌ: ―Nu̱u̱nꞌ nú káchíꞌ ni̱ꞌ: Nako̱o, nakeꞌen tu̱nchi̱só nú jee kuánoꞌonꞌ veꞌi nú ―nkachiꞌ re̱ꞌ nu̱u̱nꞌ‑u.

¿Né ɨɨn vá ka̱ꞌá ka̱ꞌ kachiꞌ ni̱ꞌ rúja? ¿Á kachiꞌ ni̱ꞌ nu̱u̱nꞌ te̱e ntu kúvi kantaꞌ ya̱: “Nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú?”, áxí, ¿á kachiꞌ ni̱ꞌ: “Nako̱o, nakeꞌen tu̱nchi̱só nú, jee kaka”, rúja?

I̱ña̱jée nnako̱o te̱e vá, jee nna̱keꞌen‑e tu̱nchi̱só‑o, jee nkene‑e ichinúúnꞌ nɨꞌɨ ráa. Saáva nɨꞌɨ ráa nti̱vɨ́ xíniꞌ ráa, jee nna̱kuetúꞌún ráa Ndiosíꞌ, jee káchíꞌ ráa: ―Ntiáné kuniꞌ‑ó tiñu suꞌva ―nkachiꞌ ráa.