Mavhesi emuBhaibheri Ane Mukurumbira kubva kuna Maˍkuˆ 12

Pakurirana nevamwe

Yeˍsuˆ maˇ, Kaˉ huˍ veu ang liˍ ang kawngˍ yangˍ maˇ, Oˇ, Iˉsaˍreˍlaˆ changˉ ceuˉ naˉ bao. Gu beu Ang suingˉ Hpaˍcaoˍ maˇ htiˍ hu nae uiˉ Hpaˍcao yaˇ. Nang beu Ang suingˉ Hpaˍcaoˍ mangˍ na nuing ba hkaˉ hko laˉ hko, nang beu nuing ba ang hkawˍ laˉ hkaˉ hko laˉ hko, nang bae buˉ jiˉ uiˉ hkamˍ kuit hkaˉ ca naeˉ uiˉ nae nang beu nuing ba kaˍ hkaˉ ca naeˉ uiˉ nae ya hak naeˉ. Ang liˍ ang kawngˍ nyiˍ lumˍ htiˍ lumˍ yangˍ maˇ hkaˍ tawng na hkaˉ yang lang naeˉ uiˉ na hkaˍ tawng laˉ mae ya hak naeˉ. Ningˉ ang liˍ kawngˍ nyiˍ lumˍ htaˍ veu huiˍ naeˍ uiˉ ang liˍ kawngˍ baˍ ca laeˍ laˇ nae tawpˍ laeˍ jiˍ.

Yeˍsuˆ yang ta peˍ uiˍ na haoˉ nga yao ciˍ sangˍ jiˍ. Ga nawng na maˉ manˉ nae hkai hkaemˍ laˍ vaˍ. Changˉ mae maiˉ ba ningˉ maˇ hpuˉ kan kyaˉ kam pangˍ veu hao taˍ chae kan na byaˇ. Aˉ mae yao nae baoˇ, yawng hkaˉ hko laˉ hko uiˉ aˍ yawng beu ca pang naeˉ uiˉ hingˉ hkaoˉ veu kan jiˉ. Mae maiˉ ba ningˉ maˇ yang saˍ naeˍ baeˍ naeˍ hkaoˉ veu yang beu hkaˉ ca jiˉ uiˉ ang keungˍ uiˍ, yang aˉ sak po laeˍ seuˍ hkaˉ hko laˉ hko uiˉ kan na byaˇ nae ha biˍ jiˍ.

Hingˉ nawˍ veu, Yeˍsuˆ nawˍ hpuˉ tanˍ kyaˍ kaˍ seu mae kaˍ hpaw yao duingˉ jiˉ. Changˉ uiˉ hpuˉ uiˉ nae hpuˉ kan kyaˉ veu tanˍ laˉ naeˉ na hu yao ca jiˉ. Ang ca pang uiˉ aˍ ang byaˍ tanˍ jiˍ. Haeˉ mae beu, ang saˍ baeˍ mae maiˉ ba htiˍ hu mangˉ laˉ yao, met muˍ nyiˍ met kan laˉ jiˉ. Cet met muˍ hingˍ nyiˍ met hingˉ ngaˍ htiˍ paeˍ laˍ mawk naeˍ naˇ yeˍ kuingˉ lang naeˉ.

Ang suingˉ Hpaˍcaoˍ na nuing ba hkaˉ hko laˉ hko, hkamˍ kuit hkaˉ ca naeˉ uiˉ, kaˍ hkaˉ ca naeˉ uiˉ nae hak yao hkaˍ tawng na hkaˉ yang lang nae uiˉ na hkaˍ tawng laˉ mae hak naeˉ ningˉ ngaˍ miˍ htawˍ hpi yao tanˍ naeˍ hkaˉ hko laˉ hko nae tanˍ seuˍ hkaˉ hko laˉ hko uiˉ htaˍ chae huiˍ naeˍ nae yang na ha biˍ jiˍ.

Yeˍsuˆ mangˉ muiˉ ang suingˉ Kaeˉsaˍ beu ang keungˍ nawˍ ang suingˉ Kaeˉsaˍ na kan biˍ vo. Hpaˍcaoˍ beu ang keungˍ uiˉ aˍ Hpaˍcaoˍ na kan bu nae ha biˍ yao, yawng muiˉ Yeˍsuˆ na manˍ hko jiˉ.