Mavhesi emuBhaibheri Ane Mukurumbira kubva kuna Apokalipsis 2

Pakurirana nevamwe

Dïï bïïxkïrï mai bhai gin ïrhidi aanï maatïkatai sai mai kïï ibuayi aapimï ïmo ixtumaxiïrï. Ka mai kïïga gin oigïdai aapimï tudu ixdukai gin oigïdaiña aidïxi tukamïrï buaboitu aapimï. Gokïdï gia mai kïïga ibuayi aapimï.

Gï agai tudu xi kïïga gïn tïgitokagi ix dukatai gin oigïdaiña aapimï aidïxi mai kia koidamu dui gïn buaboidaraga. Daiñi, aapimï buaboitudadami ïr ïmo dasakarui kudagi dukai go gaa óídakami buitapi ami xako daraka aapimï. Dïï gia ix mai ïma dukai gïn tïtïgitoagi aapimï dai ïpamu gin oigïdadagi ixdukai ibuadana tukamïrï, aidï gia gïn dibidamu aanï otoma dai maigobai gïn darasamu abhiadïrï xako kukudadai aapimï óídakami. Maigobai gïn darasamu aanï ïpïan dukai xi ïmo odami maigobai dasagi ïmo kudagi dasakarui tudu.

Daiñi, ka miadaimi xi soimaaxi taatagi aapimï. Aidï go diabora gatïañi agai gïn maamaixaragai. Soimaaxi taatamu aapimï chïki tasai tudu nïidana sa bhai ïr buaboi xi gin buaboitudai aapimï. Dïï maiti abïr duduadikuda dai bhaiyoma abïr apia buaboitudada aapimï tomaxi gïn kodagi go jaa dai aanï gïn maakimu ïmo gïdukami maitïki. Gïn maakimu aanï xi kïïgakïrï óídakana aapimï bïïxkïrï bïïtarï tudu.

Idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Ïgai ikaiti, Daiñi, maakimu aanï oigaragai xorai gamaitiagi soimaaxkami bui sai ugana ibhiadï go uxi ixtukïdï kïïgakïrï oidakana odami bïïxkïrï bïïtarï dai ix makïdï Diuxi ïxikamigadïana kïïka tïbagiana. Po tudu ikaiti Diuxi Ibhïadï—.

—Aapimï buaboitudadami Efesoïrï óídakami, kïï maatï aanï xïï kabami gïn aaga aapimï ibuadatai naana maaxi gin bïïtarï. Dai maatï aanï xïï kïïga gïn kabakadai aapimï xïxkadï soimaaxi taatamaiña. Maatï aanï ïpï sai mai daadagitoi aapimï xi gïn uurapïkïdagi soimaaxi ibuadami. Maatï aanï sai oidaga ïïmoko ix makïdï pokaitiña saidi ïr Suxi Kristo ojotosadï dïï maiti ïr buaboi. Dai aapimï kïïga gïn tïgito kaï aatagidï dai nïidi oidakaradï dai máí ix ïr yaatabogami ïgai.

Maatï aanï sai apia buaboitudai aapimï tomaxi soimaaxi taatamaiña aapimï dai sai mai ojodatai aatabuayi aapimï gin bïïtarï.

Daiñi, idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Xorai gamaitiagi soimaaxkami bui maakimu aanï go kuadagai maná tïgidukïdï ix makïdï ïxtoki daja. Dai maakimu aanï ïmo odai tojakami ïpï xako ojixika agai ïmo tïtiaragai utudui. Dai jaa odami mai maatïkamu go tïtiaragai mosïkaxi ix makïdï maakiagi aanï— po tudu in tïtïdai Diuxi Ibhïadï.