Mavhesi emuBhaibheri Ane Mukurumbira kubva kuna Mataibo 3

Pakurirana nevamwe

Gï agai bhaiyoma sai kïïka ibuadagi aapimï dai podukai maaxitudagi ix bhai buaboikïdï ka ïmadukai gïn tïtïgito aapimï— itïtïdaiña.

Dai Diuxi ño tïbagiañdïrï aidï dai potïtïdai ïgai go odami, —Idi ïr gin Maara dai sïïrhikïdï oigïdai aanï. Idi tudu ïr gin bhai ïrhiaraga— ikaiti Diuxi aagaitai go Suxi.

Dai kaxi gï bakuanakai go Suxi sai busai ïgai sudagiañdïrï daidi kupioka go tïbagi dai tïï ïgai Diuxi Ibhïadï sai tïbai tïbagiañdïrï ïmo tugu dukai dai Suxi daama daiba.

Daidi potïtïdai Juan go odami ïpï sai, —Aanï maiti ïr go otosadï Diuxi ix makïdï nïnïraka aapimï. Gokiïrioma dibiamu ïgai kia— itïtïdai. —Gïïpi bamioma gatïanïi ïgai xi aanï tudu. Aanï tomarhi maiti gin ajïga xi ibuadagi go bamioma arhidukïdï aaduindagai ïgai bïïtarï. Maiti gin ajïga aanï tomarhi xi upasdagi aanï sususakadï ïmo arhi pioñigadï dukai. Dai aanï mosïkaxi sudagikïdï gïn bapakonai ka ïmadukai gïn tïtïgitokatai aapimï. Dïï gia Diuxi otosadï gia Diuxi Ibhïadïkïdï gïn bapakonadamu ïmadï táíkïdï. Sïïrhikïdï ïr gïdukami ïgai tudu daidi ïr gubuakami— itïtïdai.

—Daiñi— itïtïdaiña go Juan. —Kïïga maatï aapimï sai ïmo uxi xïïxkadï mai kïïgadukagi ibhiadï gï guikutai gobai dai gï mïmïidi. Dai aapimï ïr ïpïan dukami ïmo uxi ix makïdï mai kïïgadu ibhiadï mai kïïga ibuadatai aapimï. Dai Diuxi ïr ïpïan dukami ïmo kïïrhi ix makïdï ka uxi sonoana kïi tupuradï dai nïnïidi ix bhai kïïgadu ibhiadï. Dai ix mai kïïgadukagi ka daituda agai go uxi. Ïpïan dukami aapimï go uxi tudu ix makïdï mai kïïgadu ibhiadï. Dai Diuxi ka bhai gï duu ix gïn maakiagi gïgïbidaragai taiyïrï— itïtïdaiña Juan go fariseos dai saduseos ix makïdï ami dada gïn bapakona ïrhiditai.

Go Juan ïgai ix makïdï idui ix dukai aagai go Isaiaskaru ojadïrï tudu. Ami go ojadï ikaiti sai, Dibiamu ïmoko ix makïdï gïïgïr ñokada agai oidigana dai potïdamu ïgai oidakami sai karhioga dibi agai gïr Tïanïdamiga ix makïdï nïnïraka aatïmï. Kaxkïdï abïr bhai gïn duka ïïgi aapimï. Ix dukai bhai buadana aapimï ïmo boi xïïxkadï gïn dibida agadagi ïmo gïï dudukami podukai abïr bhai gïn buada ïïgi aapimï saidi gïn dibidana gïr nukadakami, tïdamu ïgai go odami, podukai tudu oja go Isaiaskaru ïïki aagaitai go Juan.