Mavhesi emuBhaibheri Ane Mukurumbira kubva kuna Embolunoto 8

Pakurirana nevamwe

Ore pegil olmishire le opishana, negira shumata anaa enusu saa.

Neosh olmalaika lʼelukunya emowuo, nepuku soito lʼenjan o enkima etushulare osarge, nedoiki enkop; nepejo ematua e uni enkop, nepejo ematua e uni oo ljanito, nepejo nkujit naanyori pookin.

Nadol, naning' olmalaika obo oipirri te shumata ejo tʼoltoilo sapuk: Ee, kake aiya, aiya, aiya, ndai loomanya tʼenkop, tʼolbae loo lkulekai toiloi leton eng'or loo lmalaikan okuni ooitoki aaosh emowuo.

Neitoki aosh olmalaika le are emowuo; nelotu anaa oldonyo kitok oiwuwu tʼenkima, nenang'akini atua enaiposha; neaku ematua e uni enaiposha osarge

Neitoki aosh olmalaika li okuni emowuo; nedou olakira sapuk aing'ua shumata oiwuwu anaa enkilang'et nedoiki ematua e uni oo wuason o noo ljorroi. Neji engarna e ilo akira olkurto lʼentim, neaku ematua e uni oo ngariak olkurto lʼentim, neeye iltung'anak kumok engare, amu eitaduaraki naleng'.

Neitoki aosh olmalaika le ong'wan emowuo, near ematua e uni engolong' o ematua e uni olapa o ematua e uni oo lakir, pepiki ematua enye e uni enaimin, nemeitoki ematua e uni endama awang'u, naa neijia si etiu enkiarie.