Mavhesi emuBhaibheri Ane Mukurumbira kubva kuna शधाणूं 5

Pakurirana nevamwe

तेखअ दैनअ पतरासै अर होरी शधाणूं ज़बाब, “थारी गल्‍ला का खास्सअ आसा परमेशरो हुकम मनणअ म्हारी ज़िम्मैंबारी अर कर्म।

इहअ करै रहै तिंयां धैल़ भबनै अर घअरै-घअरै लागी एही शिक्षा दैंदै, “प्रभू ईशू आसा मसीहा” अर तेऊए खुशीए समादा खोज़णैं का निं पिछ़ू हटै आथी।

पर पतरासै बोलअ तेऊ लै, “हनन्याह, राख्सै तेरै मन्‍नैं अह गल्‍ल किल्है पाई कि तूह पबित्र आत्मां का झ़ुठअ बोले, कि ज़िम्मीं बेच़ी भेटै दै ढब्बै मांझ़ै तूह धख च़ोरी डाहे? ज़ेभै तैणीं सह ताह सेटा ती, सह कै तेरी निं ती? ज़ांऊं सह बिक्‍की गई ती, तेभै बी कै सह तेरै बशै निं ती? तंऐं आपणैं मन्‍नैं इहअ बच़ार किल्है किअ? तंऐं निं मणछा का झ़ुठअ बोलअ पर तंऐं बोलअ परमेशरा का झ़ुठअ।” इना गल्‍ला शुणदी पल़अ हनन्याह धरनीं अर तेऊ शोटै प्राण। ज़ुंणी बी ईंयां गल्‍ला शूणीं तिंयां डरै।

“ऐबै बोला हुंह तम्हां लै इहअ कि इना मणछ का रहा दूर अर इना का निं किछ़ै मतलब डाहा, किल्हैकि, ज़ै अह धर्म या काम मणछा बाखा का होए, तै हणअ अह एकी धैल़ै खतम, पर ज़ै अह परमेशरा का आसा, तै निं तम्हैं इना कधि खतम करी सकदै, किधी इहअ निं हआ कि तम्हैं होए परमेशरा संघै जुधा करनै आल़ै!”