Mavhesi emuBhaibheri Ane Mukurumbira kubva kuna MÁFIYU 10

Pakurirana nevamwe

Jísu í mɔ́ɔ́ ɣɛ ta, “Nyáá ngáá wú lɔ́ve kíya nɔ́ɔ mbaalaitii taa ɣɛ́ na fulá húwa liiwáá. Faalɔ, a w̃aah̃ú béle kíya kaalií géle ɣeléngɔ. Ná vólu, wú lúva veléitii kɛ kíli í ɣɛ́ lúúỹaa kíya poovóóngi í na lɛ́i ɛ́i ỹanda héi ŋani fíli mba.

Nuí fíli áá yákpa ngáá í lɛ́ɛ́h̃ui w̃aah̃ú béle, aa walá ma, kɛ́ nuí fíli áá lɛ́ɛ́h̃ui gúla kɛlɛ́ma fááw̃a maa w̃ɔ́i aa ndɛ́ɛ́h̃uu gítei w̃ááhɔlɔ.”

A waa lúwa sítiini mba taá nuu búsai váá, kɛ́ tɛ́i hómbo tɔɔ́ wú h̃úúyafuw̃angi váá. Kɛ́ wá ɣéle, a lúwa Ngalá mba, lɛ́i áá wú h̃úúyafuw̃angini ngaa wú búsai ỹááni pɔ́lɛɣɛ pɔlɛɣɛ njahááma.

Nuí fíli ɛ́i ɣɛ́ w̃áahei wóni ngáá ɔ́ɔ́ há fááw̃a, ɔ́ɔ́ hítɛ pólu, maa w̃ɔ́i ɛi ɣɛ kulaɣɛí ngáá ɔ́ɔ́ ɣɛ́ ngáá pólu w̃ɔ́ɔ́.

Kɛ Jísu i mɔɔ ɣɛa ta, “Nuí fíli áá ndé kpɔ́ ndííwaa ngáá kɛ aá lɔ fááw̃a, ngimɔ́ɔ́ nɔ́ɔ ngáá ndé maa w̃ɔ́i hááw̃a ní Kɛ́ɛ́ɣɛ gákala lɛ́i í ngelegóóh̃u. Kɛ́ nuí fíli áá ndé kpɔ́ ndííwaa ngáá aa fááw̃a, ngimɔ́ɔ́ nɔ́ɔ laá bɛ́lɛ ngáá ndé faaw̃a ní Kɛ́ɛ́ɣɛ gákala lɛ́i í ngelegóóh̃u.”

A seebɛ yelái mbaló, wú saa yeláitii mbuyoɣé sái h̃u. Wú nungái sítii mbaló seebɛ ỹɔ́u ỹɔ́ungi í tí luwúi w̃a. Ná vólu, sítii ỹína nyɔí í tí vólu, wú téve ti vólu. Wú ngakpángi sí w̃aahɔ́lɔnga gbááma, faalɔ, a faí sítii kɛ gbááma.

Faalɔ, nduwá álaa ɣɛ́ wú h̃u, ngatɔ́ wú wá í lɔ́ve w̃ɔni gulo gúloai nátiini mba ti bih̃íngɔ ɔ́ɔ́ bɔ́ɔ́ ɣɛ lá.”

Jísu í mɔ́ɔ́ ɣɛ ti w̃a, “Á waa gísiya ngáá ngí váángɔ ngeleí sí wu ngáá kɛinɔɔ́ ndiihéi í ɣɛ́ ngeleí sí wu. Aa h̃íí na, ngáá váángɔ ngáá ngí vá ngáá ndiihéi, kɛ́ ngí váánga ngáá ngí kɛ́ ngáá háwu nungáá ti híli ngáá ỹɔw̃ɔ́ ỹɔ́w̃ɔ.