Mavhesi emuBhaibheri Ane Mukurumbira kubva kuna Olóma 4

Pakurirana nevamwe

Kanɛ́, gá goŋaá a ága tánɔ ya Asaŋa go cuŋí, i inye go olimonyo, a báá bɛáa bogaaga bɛ́hɛ́ naá gioliminyo, a lɛncana bogɔ́nɔ́ɔ bá Asaŋa. A mba lɛ́ gɔnɔ́ na mbémineminie ya goŋaá Asaŋa a bɛanana bogaaga ba go hóogio tánɔ yɛhɛ́.

Aŋa bó lɔ́mɔ́ ɔ́ŋɔ́ɔlú go goŋaá: «Ndɛ́ go dílímínyéelú go goŋaá o bɛ́ɛmba Isée ba bitúu bitúu bá mɛɛ́nɔ.» A lɛ́ Isée bɛcɔ́ naá oŋgíso yá Asaŋa. A ágana toodo odɛ́máa yɛhɛ́ naá mɔ́ɔnyɔ a fáananamɔ́ begúe gɛɔyɔ, mɔ́ɔnyɔ a besenyemú moóma mɔ́ɔmɔ mó lɔ́mɔ́ mó do ɔyɔ́ɔ.

Bá mba mo óná go bɛoba bɛ́cɔ́, Asaŋa a báá mo fúfúné go go có íyie bɛtɛ́nɛ́ɛ bá batɔ naá busío bɛ́hɛ́.

Kanɛ́ akɛ́ aŋa Ábalaháma a mbaá lɛ gɔnɔ́ kanɛ boóma bá go ágana toodo odɛ́máa go bɔ́ɔ, a mbɛ ɛ́dánáa naá busío a ágana odɛ́má yɛ́hɛ́ naá Asaŋa go tánɔ yɛhɛ́. Gɔ́ɔ a lɔ́mɔ́ ɛ́yáalú Isée ba gɛcɛcá gá mɛɛ́nɔ gɔgɔ́ aŋa Asaŋa a mbaá mó oyáná a amɔ́: Ɛnana yahɔ ɛ ŋga bɛ́ɛ́mbá gɛcɛcá.

Go nɔ́ɔ gɔ́ɔ tánɔ ya Asaŋa ɛ lɔ́mɔ́ go báaba bá mo olimonyomú. Tánɔ ya ndiemi ɛ bɛ́ɛmba pááná ya Asaŋa yɛ́ɛyɛ ɛ lɔ́mɔ́ go ɛnana ya Ábalaháma iŋkimée, caá akɛ́ goana yɛ́ɛyɛ ɛ beŋemú Gicele, kanɛ́ go báaba bó olimonyomú aŋa Ábalaháma, goakɛ́ a lɛ́ Isée bɛcɔ́ ba biimée.

«Besé makɔ́nɔ́ na báaba Asaŋa a bó héehinenyemú bɛoba bábɔ́ a gunde u úlenye bɛlɔgɔ bábɔ́. Besé makɔ́nɔ́ na mɔtɔ mɔ́ɔnyɔ Daadáa a lɔ́mɔ́ a dɛ mo banɛ́ná bɛoba bɛ́hɛ́.»

Kanɛ́, naá Ŋgɔ́ŋɛ́, dɛ bana hɔ́ɔ dɛ amɔ́: «Ábalaháma a mba ágá odɛ́má yɛ́hɛ́ naá Asaŋa, gɔ́ɔ Asaŋa a mbaá mo ɛ́ná gɛtɛ́nɛ́ɛ gá mɔtɔ go busío moánɛ.»