Mavhesi emuBhaibheri Ane Mukurumbira kubva kuna Mélékusu 10

Pakurirana nevamwe

Mammana, Moɔnɔ́ ba mɔtɔ a mbuú úlé, caá akɛ́ goŋaá batɔ bá mo bɔ́yɔgɔnɛnɔ, kanɛ́ goŋaá, mɔ́ɔ a bɔ́yɔgɔnɛnɔ batɔ, a gunde i íŋene gɛɔyɔ gɛ́hɛ́ go go fáŋa gɛcɛcá gá batɔ.»

Yésusu go bó ágɛna oŋgíso go bó oyana a amɔ́: «Naá busío bá batɔ, bó lɛ́ ndɔlɛ, kanɛ́ caá akɛ́ naá Asaŋa, mammana, boóma bá ndɔlɛ bó do báá naá Asaŋa.»

Yésusu a amɔ́ gɛ́hɛ́ aá: «Ɛ́dá, gioliminyo gáhɔ gɛ́ á go éŋúgíe.» Hɔ́ɔ na hɔ́ɔ, mɔtɔ go dómba go bayɛga go ɛ́nanɛna, a bɛ́ɛ́ ɛ́dá go bienene Yésusu.

Mɔtɔ kanɛ́ a dɛ ádóná bɔ́ɔbɔ Asaŋa a mbaá nebígínyée.»

Yésusu go mo núunide na gɛnɔ́ɔ́nɛ́nɔ́, go mo oyana a amɔ́: «Boóma búmmue táŋɛ́ bó gá go taŋanɛna; ɛ́dá, dúé buimée bɔ́ɔbɔ o lɔ́mɔ́ na bɔ́, go abana basógasoga, nɔ́ɔnɔ gɔ́ɔ o ná bɛamɔ́ bonɔ́mɛ naá mmoɛná; naá nnyimé úlé, mbienéemú.»

Yésusu go mo úhune a amɔ́: «O lɛ́galɛgamɔ́ goŋaá ŋŋa ɛkádɛ go busío báhɔ o?» Ugélígeli go mo gundie a amɔ́: «Iloodio, ŋaáa goŋaá ŋgɛ́nanɛna.»

Bó do báá nɔ́ɔnɔ naá kadɛ́gadɛ́ɛ yɛnyɔ́. Kanɛ́ aáŋa mɔtɔ a lɛ́galɛga go bɛ́ɛmba ogɔ́nɔ́ɔ naá kadɛ́gadɛ́ɛ yɛnyɔ́, a háanana go bɛ́ɛmba mɔ́ɔnyɔ a yɔgɔnɔmɔ́ go busío bɛ́nyɔ́.

Mammana, ŋgaá nyó oyáná caá; mɔtɔ mɔ́ɔnyɔ a ná ŋamɔ́ a dɛ olímínyóo Bufuŋe bá Asaŋa aŋa moádɔmbɔ́ o olimonyomú, a dɛ ŋgí íŋene hɔ́ɔ.»

Kanɛ́ gɛca gá báaba bá lɔ́mɔ́ bá busío godɔ́ɔdɔ bá ŋga bɛ́ɛ́mbá bá nnyimé; tɔ́nɔ gɛca gá báaba bá lɔ́mɔ́ bá nnyimé godɔ́ɔdɔ, bá ŋga bɛ́ɛ́mbá bá busío.»

Naá gobayɛga gá cí, Asaŋa a mba bó gedíe onɔ́mɔtɔ́ na okɔ́dɔ. Go busío moánɛ gɔ́ɔ onɔ́mɔtɔ́ a ná húmemú naá nnyaŋá ya biisée, [a bágódɛna okɔ́dɔ bɛhɛ́,] biimée báandɛ́ bá bɛ́ɛmba nnyɔ́dɔ táŋɛ́ mmue. Hɔ́ɔlɔ́ bá dɛ báá gɔnɔ́ báandɛ́, goana nnyɔ́dɔ táŋɛ́ mmue.