Mavhesi emuBhaibheri Ane Mukurumbira kubva kuna Lókasɛ 4

Pakurirana nevamwe

«Giliíli ba Daadáa a lɛ́ naá yɔmɔ́ɔ, goakɛ́ a mba ŋgiyídé goŋaá mbóó oyánɛ́náa basógasoga Gɛnɔ́gɔ́ gá Cɔ́mɔ. A mba tómá goŋaá ŋgoyanɛna ŋkólío gosúduge gáábɔ́, begélígeli bɛ́ ɛ́nanɛna, báaba bá lɔ́mɔ́ naá noséésényée bá súdugene, kunde tóogonyo nnyómá yɛ́ɛyɛ Daadáa a ná dúfiemú niibo nɛ́hɛ́.»

Yésusu go mo gundie a amɔ́: «Bó lɛ́ ɔ́ŋɔ́ɔlú goŋaá: “Búlúgényée Daadáa Asaŋa bahɔ, o mo yɔgɔnɛnɔ mɔ́ɔ mokáa”.»

Yésusu go mo gundie a amɔ́: «Bó lɛ́ ɔ́ŋɔ́ɔlú goŋaá: “Caá goana go manyáanya gɔ́ɔ mɔtɔ ɔ ɔyɔmɔ́”.»

Gɔ́ɔ Yésusu, dácɛ na Gimmúmpúu gá Giliíli, u úlukiemú naá máŋɛ́ má Yɔlɔdɛ́ŋɛ. Giliíli go mo gɔ́gɛdɔ naá giolóo gá bodɛ́agadɛ́.

Yésusu go mo gundie a amɔ́: «Bó lɛ́ ɔ́ŋɔ́ɔlú goŋaá: “O do ná gogona Daadáa Asaŋa bahɔ”.»

Aŋa ohándá a mbaá ŋá a báa go gogona Yésusu pɛ́ iŋkimée nɔ́ɔnɔ a dɛ mo bɛáa, gɛ́hɛ́ go mo síe, a báá dómbá go go gɛ́gana oŋɛndɔ yúncodío.

Gɔ́ɔ ohándá a bólɛgamɔ́ nɛhɛ́ naá mmoɛná gúunú, go mo dúfie mefuŋe má cí miimée go moɔnɔ́ ba gɛcamɛna, gɛ́hɛ́ go mo oyana a amɔ́: «Kaá go íŋéné nɛgaŋa niimée nɛ́ɛnɛ na nigúmi ná mefuŋe máama; muimée mó ɔ́bɔnɛnɔmɔ́ námɛ, ndɛ́ ba go fáá akɛ́ ánɛ́ɛ mɔ́ɔnyɔ ndɛ́galɛgamɔ́. Go amɔ́ o mbúlugie, o gaá bɛáa muimée.» Yésusu go mo gundie a amɔ́: «Bó lɛ́ ɔ́ŋɔ́ɔlú goŋaá: “Búlúgényée Daadáa Asaŋa bahɔ, o mo yɔgɔnɛnɔ mɔ́ɔ mokáa”.»

Gɔ́ɔ ohándá ɛ ɛ́damɔ́ nɛhɛ́ naá Yolósalɛmɛ, go mo búlugie naá tóndi ya Nnyaŋá ya Asaŋa, a amɔ́ gɛ́hɛ́ a amɔ́: «Aáŋa o lɛ́ Moɔnɔ́ ba Asaŋa mammana, bécuméemú go cí, goakɛ́ bó lɛ́ ɔ́ŋɔ́ɔlú goŋaá: “A ŋgi íŋéné bɛɛ́ŋgɛlɛsɛ bɛ́hɛ́ bogaaga, bá go beŋebeŋe”; gɔnɔ́ “bá go nɛ́hanɛha na ɛmbɔ́gɔ yabɔ́, gɛgɔ́ndɔ́ gáhɔ gɛ́ dɛ kúkéné ɛdánɛ́”.» Yésusu go mo gundie a amɔ́: «Bó lɛ́ ɔ́ŋɔ́ɔlú goŋaá: “O do ná gogona Daadáa Asaŋa bahɔ”.»