Mavhesi emuBhaibheri Ane Mukurumbira kubva kuna Mɑtʉ̈ɔ 26

Pakurirana nevamwe

Kɔɔ pʉʉ pɛn ńdɛ́, pʉʉ cɛꞋlɛ Sɛ́, ḿbɔ́k mɛnu nɛkwɑꞋnɛ wʉ́ʉ, pʉʉ vu. Tʉ́m-ŋu tɛntɛ tɛꞋ lɑ́, mbɑp-mbʉʉ pɔ́t pɔ́tnɛ.»

ŋ́ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Tʉ́m yɑ́ɑ pɑ́Ꞌɑ ḿbɔ́ ḿmʉk pɔ nǔu ntɛ́ yi ḿbɔ́ m pfú pfúnɛ. Pʉʉ nɑ́ŋ zɑꞋnɛ, ḿbɑ́ɑ ŋu wɛkŋɛ nɛmɛꞋ mbʉʉ yɛ ńdɛ́,»

ńcú pɔ́Ꞌɔ, ńnɑ́Ꞌ ŋ́ɡʉ mbi, ŋ́kɔkŋɛ ńnɔɔ sɛ́, ɛ́sɔp shʉ́ wɛ́ sɛ́, ḿbɔ́ ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi ḿbɔ́ ɛ́ pɔ́ pɔ́Ꞌɔ, ɔ ɡɛ yɔ ntúꞋ-ŋɡʉ̈ɔ́Ꞌ fú nɛjɔ́ŋ mɔ ńtsʉ́ʉtɛ! Lɑ́, kɔɔ ɡɛ wɑɑ nɛkɔŋtɛ, ɡɛ pɔ wu nɛkɔŋtɛ.»

MbíꞋŋɡɔ yɔ mɛci mɑ́ɑ, ɛ́ mɛci mí Sɛ́ lɔknɛ ŋ́ɡwɑt kɑɑ, ɛ́ mi ɛ́ tswɛtnɛ nǔu tú-pʉɔ tɛ ńzɑ́ɑ, pɑ́Ꞌ Sɛ́ ɡʉ ńdɔk ńdikŋɛ mɛnu kɛpɔŋ mɔ́p.

Pɔ́p pɛ́pɔ́p pɔ́ ńjʉ́ yúupɛjʉ́, Yɛ́su pɛ́ɛ mbɛlɛ̂ɛt, ŋ́ɡɑ́ pɑꞋlɑ́ mbɔ́-Sɛ́, ḿbʉ̈ɔ́Ꞌtɛ ŋ́ɡɔ ŋ́ɡɑ́ mbɔ̌ ɡɑŋku pɛ́, ńcú ŋɡɔ: «Pʉʉ kɔ ŋ́kwɛ́t, yɔ mbɑp-mbʉʉ yɑɑ,»

ḿbɛn ńtíi ntúꞋ-mɛluꞋ, ŋ́ɡɑ́ pɑꞋlɑ́ mbɔ̌ Sɛ́, ŋ́ɡɔ́ ŋ́ɡɑ́ mbɔ̌ ɡɑŋku pɛ́, ńcú ŋɡɔ: «Pʉʉ kɔ ńnɔ́ pɛtsʉʉ.

Yɛ́su cɛꞋlɛ Sɛ́ pɔ́Ꞌɔ, ḿbɛn nzʉʉ nɛ́ nɛjɔ́ŋ ɡɑŋku pɛ́, ńjʉ́ɔ pɔ́p pɔ́ ńdɛ́. A cú mbɔ̌ Pyɛ̂ ŋɡɔ: «Pʉʉ fɑ́ɑ mbɔɔ kuꞋ pɑ́Ꞌ ḿbɔ́ pɛkŋɛ tɛmtɛ ɛ́sʉk fɛlɔ́k mbɑ nǔu tɑ́Ꞌ nɛm pɔ́ pʉ́ɔ!

Ɛ sẅíi wʉ́ʉ, ŋ kɛ́ lɑ́Ꞌ ḿbɛn ńnɔ́ mɔnɛ mɛluꞋ pɔ́, tɛ ńdɑ́Ꞌ ńtsʉ́Ꞌ ńnɔ́ pɔ mɛ fí ŋkɑ́ yi pɛkŋɛ ńtsʉ́Ꞌ ḿbɔ́ pɔ tsɛt nɛfɔɔ-Tɑ̌ɑ mɔ.»

Pyɛ̂ ɡɔ́ɔ ŋ́kẅíitɛ pɑ́Ꞌ Yɛ́su lɑ́Ꞌnɛ ńcú mbɔ̌ wɛ́ ŋɡɔ mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ́ ńtɔ́ŋ, mbɔ ɔ muŋɛ wɑ́ɑ ŋkɑ́ yɛ́tɑ́t, ɛ́fú tɛtɑ́ɑ ńcẅɛt, ŋ́kíi tɛꞋ.

Pʉʉ lɔ sɛ́ pɛkŋɛ ɡʉ! Ŋu ẅí ɑ fɛnnɛ wɑ́ɑ mbɔ̌ pɔ́p pʉ́ɔlɑ́ ɑ tɔ́nɛ lɑɑ!

Yɛ́su cú mbɔ̌ wɛ́ ŋɡɔ: NíꞋ níi yu tsɛt mbɑ́ɑ, ŋu ẅí ɑ sɔŋnɛ níi ɡʉ ńdɑ́Ꞌ ḿpfú pɔ níi.