Mavhesi emuBhaibheri Ane Mukurumbira kubva kuna ROMANS 4

Abrahambad ash ab si ihm g Jiosh nash pi ab si s‑wohochud mat wo e nakog k woho am hab wo juh hegai mo haschu am ahgid.

Bo masma an oꞌohadag mash g Jiosh am ahgid g Abrahambad: Bant m‑juh mapt d wo ha‑shohshonk g muꞌi nahnko mahs hemajkam. Id at woho hab e juh. K d wohokam hegai Jiosh neꞌoki mat g Abrahambad ab i s‑wohoch. Jiosh oki e nakog mat ab wo i wuhshad g muhki ab muhkig amjed k am wo nahto haꞌichu hab wabsh cheꞌek mat am hab wo e juh.

Heg atsh hekaj am i kei g t‑kownalig Jesus mat wo e muhkid g t‑chuꞌijig wehhejed k ab ep wo i wuhsh muhkig amjed. Kutt am i t‑apꞌech Jiosh tahgio ab i s‑wohochudk ihda.

Abrahambad ash wa ab s‑wohochud mat g Jiosh ab wo ha mah g ali mat eda kekelit chum as pi mahch mas has masma hab wo juh. Tsh heg hekaj hab juh g Jiosh mo d ha‑shohshon g muꞌi nahnko mahs hemajkam. Bo masma an hab chuꞌig Jiosh oꞌohana ed mo g Jiosh hab kaij: G i ha neid g huhuꞌu. Haꞌakia at d wo k g m‑amjedkam. Neh, boki kaij.

Pi at ahchim am waꞌi i t‑apꞌech g Jiosh mach wa an uꞌukch g heki hu chehanigaj. Ahpim at am ep i em‑apꞌech mamt hab waꞌap ab i s‑wohoch g haꞌichu ahgaj. Batt masma am oidk hab t‑juh g Abrahambad k ab hiwig g Jiosh hemajimatalig. Id o heg wa wepo mo g Abrahambad d t‑ohg. K g Jiosh heg hekaj am t‑chehgidch mat has wo chum masmak.

Shoꞌo waꞌi s‑ap e tahtk hegam mat hedam g Jiosh gam hu hab i juh g pi ap ha‑chuꞌijig k pi ab hu wo ha mohtoꞌi.

An o hab chuꞌig Jiosh oꞌohana ed: Abrahambad at ab i s‑wohoch g Jiosh. T g Jiosh heg hekaj am i apꞌech e tahgio.