Mavhesi emuBhaibheri Ane Mukurumbira kubva kuna Budie Taatina 14

Pakurirana nevamwe

Ɔmmɔ kama línu lɛdi lɛdi ka lɛ́si katɔ na lɛɛsu lɛnini, “Nweni ala amɛni. Bekyuli bani na lɛlɔ lɛdubɔyɔ-ma ndi bani ndubukpi ka básiaku Blɔti kama ɔ́si ɔƒɛni úsela ɔsu.” Na Katɔti Kɔyu kɔɔtuna kɔnini, “Ɛɛn, badubɔkɛ bɔnwuna! Na badubɔkɛ bana kabla kɔsia!”

“Ɔmɛni ɔsu ɔlɛka amii Katɔti bekyuli bani mɔɔdi Katɔti litemi lɛlɔ na bɛsiaku Yesu kama ulu lɛlɔ ni, binye lɛbibo kenye kpakplaa.”

Ɔ́su ku lɛdi bonwu ɔnini, “Bɛbu Katɔti na bɛkɔliku-nwu lɛnyi katɔ! Ɔsika nwuna uwi údu ka ɔtɛku bayawine ƒui litemi. Bimwi anwu ɔni nábla katɔ ku kalɔ ku ɛpu ku ntukpa ƒui!”

Katɔti ɔtu ɔbambadi ɔsia bammɔ kama na ɔɔva ku lɛdi momoomo ɔnini, “Bekyuli bani mɔɔlɛ akɔnkɔ teete eƒiebuo ɔmmɔ ku nwuna baƒiɔ bani na bávɔ béte lɛlɔ ni, ama náƒɔ eƒiebuo ɔmmɔ likpose na bana atɛntɛ iye kɔnu. Ama na Katɔti ɔdubɔya na bani nwuna kɔnyi lɛbibo ɔɔƒɛɛ ku ɔdu kati kati! Ogya ku ogya atabi adubo-ma bɔkyula na Katɔti batu kedee ku Koƒonu Ubi anumi. Na ogya ɔni mɔɔkyula-ma uyɔ ɔdubɔkɔ uteesie katɔ uwi ƒui. Na usien ku ɔƒɛ ni, bekyuli bamɛni balákɛ bɔnwuna! Ɔsika ama mɔɔlɛ akɔnkɔ teete eƒiebuo ɔmmɔ ku nwuna baƒiɔ, na báƒɔ nwuna lɛnyi likpose.

Ɔmɛni kama ni, lɛ́nu na budie taatina bɔmmɔ kemmo ka Koƒonu Ubi ɔmmɔ unye Sion Kɔbi lɛlɔ. Na bekyuli bani mabla aani mpim eti anyɔ ku aavlene-ine benye mmɔ. Na bekyuli bamɛni atɛntɛ ni, bénweni Koƒonu Ubi ɔmmɔ ku Ɔti lɛnyi básia.

Ɔmmɔ kama lɛ́nu Katɔti ɔtu ɔbambadi ɔdi ka úveyi ɔɔví kayaa katɔ katɔ ku litemi buni lɛni nse nte uwi biala. Litemi lɛmmɔ lɛsa na úbo úbakɔ ute bekyuli bani nlie kayawi kamɛni lɛlɔ. Na ama ndi kalɔ biala lɛlɔ bekyuli ku kaba biala ku adi ƒui batɛmine ku bekyuli lidu ƒui.

Katɔti ɔtu unyɔdi ɔsia udeedi kama na ɔɔva momoomo ɔnini, “Úbuli! Babilon bonwu ɔmmɔ úbuli geen! Kayawi bekyuli ƒui báni ɔma ɔmmɔ alaekpidi bɔbla békpi aani ntɛ. Na ɔ́tɔlɔ-ma aani kalɛ na ɔyalɛ ɔɔtɔ́lɔ bekyuli taatákya likpidi kemmo.”