Mavhesi emuBhaibheri Ane Mukurumbira kubva kuna Budie Taatina 13

Pakurirana nevamwe

Ntu ebo lɛnunda asa na ala amɛni adubɔbla-a nwaa. Ukyuli ɔni makana ni, ɔwia bumomo bɔni nnye eƒiebuo ɔmɛni lɛnyi kenye kalɔ unu. Ɔsika bumomo bɔmɛni bɔdi bɔka bɔni nnye nte ukyuli lɛnyi. Na bumomo bɔmmɔ ndi 666.

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Na eƒiebuo ɔmmɔ únye bekyuli ƒui lɛlɔ, banamu ku benengu, balakɛne ku bawabane ku bekyuli bani mɔɔbla bekyuli bamba kabla ku bani mɔɔbla ama alati kabla ka bese-ma likpo na bana kɔdianu kɔnu lɛlɔ iye bana atɛntɛ. Ukyuli ɔdi biala ulakana na weye lɛla lɛdi wasiku ɔdi kudɔ iye uye lɛla lɛdi ute ukyuli bamba lɛnɔ si uuubo likpose lɛmmɔ. Na likpose lɛmmɔ nnye nte eƒiebuo ɔmmɔ lɛnyi iye bumomo bɔka bɔni nnye lɛnyi lɛmɛni kenye.

Ukyuli ɔni na badubo buƒie ni, badubuƒie-nwu. Na ukyuli ɔni lɛnɔ na badubo bɔdu na ɔkɛɛ kenye lɛnɔ ni, badubo-nwu bɔdu. Ɔmɛni ɔsu ni, amii Katɔti bekyuli ɔlɛka binye lɛbibo biala kenye kpakplaa na bɛsiaku Blɔti ulu lɛlɔ.

Ɔmɛni kama lɛ́nu eƒiebuo ɔdi ka ɔ́lɛ ɔ́si ɛpu kemmo ɔ́kɔ ɔɔlɛ́. Ubo eli maatɛ na ese leevu alɛ-nwu eli ammɔ lɛlɔ. Na lise biala lɛlɔ ni, kagabwa kebi. Na nwuna lili biala lɛlɔ ni, lɛnyi lɛdi lɛsia lɛni muudumi Katɔti.

Ɔ́kɛ ɔyikun ka ukpo Katɔti bekyuli na ɔdi-ma lɛlɔ. Kaba biala ku bekyuli lidu ku adi ƒui ku ama bani nási kalɔ biala lɛlɔ béduo nwuna lɛlɔ bɔdi kalɔ.

Ɔ́tɔlɔ bekyuli bani ƒui nlie kalɔ lɛlɔ na nwuna akɔla bɔbla ani na ɔ́bla ɔkɛnku eƒiebuo udeedi ɔmmɔ lɛlɔ ɔsu. Ɔ́ya na bekyuli bammɔ bése baƒiɔ badi béte lɛlɔ, na bávɔ-ma na bese aani eƒiebuo udeedi ɔni náƒɔ ɔlɛ ka bébeyi-nwu ɔkɛɛ nsu ɔmu uli ngba. Eƒiebuo unyɔdi ɔmmɔ ɔ́kɛ ɔyikun ka ɔnwuna ngba ɔƒɛƒɛɛ ɔkya eƒiebuo baƒiɔ bani na bése béte lɛlɔ mmɔ kemmo kalɛ na ɔkana butemi, na ɔya na badu bekyuli bani ƒui naaadubo akɔnkɔ bɔlɛ bute-nwu.

Eƒiebuo ɔmmɔ use aani ebuoƒuala, na nwuna lɛgba lise aani kegiti lɛgba, na nwuna kenye kese aani gyata kenye. Liƒu kɔlakpi kɔmmɔ kúti kuna ɔyikun kúte eƒiebuo ɔmɛni ku kuna lɛgaboku ku kenyekɔ kenengudi.

Eƒiebuo ɔmmɔ ɔ́kɛ ɔyikun na ɔ́di ala lɛlɔ abuli aavlene-anyɔ, na ɔ́talaku lɛlɔ katɔ, na údumi Katɔti geen.

Eƒiebuo ɔmmɔ lili linwi lɛ́tina aani si ɔ́ƒɔ ɔlɛ ɔni na ɔlɛka ukpi nka. Nsu ɔlɛ ɔmmɔ ɔ́ɔsa. Ɔmɛni ɔ́bla kayawi bekyuli ƒui dɛye dɛye, na basiaku eƒiebuo ɔmmɔ kama.

Amu na lɛ́nu eƒiebuo ɔbambadi ɔni nálɛ ɔ́si kalɔ kemmo. Ese anyɔ alɛ-nwu lili aani koƒonubi, nsu ɔ́talaku lɛlɔ katɔ aani liƒu kɔlakpi kɔni muuƒwi. Únye eƒiebuo udeedi ɔmmɔ kenye útaabla nwuna kabla. Na únye kayawi kammɔ ƒui lɛlɔ beliene lɛlɔ ka balɛ akɔnkɔ bete eƒiebuo udeedi ɔni ɔlɛ nása mmɔ.