Mavhesi emuBhaibheri Ane Mukurumbira kubva kuna - उत्पत्ति 37

Pakurirana nevamwe

यूसुफ ने एक सपना हेरो, और अपने भईयों सें ऊकौ बृतांत बताओ; तब बे ऊसें और भी बैर रखन लगे।

इस्राएल अपने सब मोंड़ों सें ज्‍यादा यूसुफ सें प्रेम रखत हतो, कायसे ऊ ऊके बुढ़ापे कौ मोंड़ा हतो: और ऊने ऊके लाने रंगबिरंगो अंगरखा बनवाओ।

परन्‍त जब ऊके भईयों ने तको कि हमाओ बाप हम सबरे भईयों सें ज्‍यादा ऊसें प्रीत रखत आय, तब बे ऊसें बैर रखन लगे और ऊके संगै ठीक सें बात भी नें करत हते।

फिन ऊने एक और सपना हेरो, और अपने भईयों सें ऊकौ भी बरनन करो, “सुनो, मैंने एक और सपना हेरो आय, कि सूरज और चांद और ग्‍यारह तारे मोहों दंडवत कर रए आंय।”

ऊके भईया तौ ऊसें जलत हते; परन्‍त ऊके बाप ने ऊके ऊ बचन हों याद रखो।

ऊने उनसें कई, “जो सपना मैंने हेरो आय, ऊहों सुनो: हमोंरें खेत में पूला बांध रए आंय, और का हेरत आंव कि मोरो पूला उठकें सूदो ठांड़ो हो गओ; तब तुमाए पूलों ने मोरे पूले हों चारऊं कुदईं सें घेर लओ और ऊहों दंडवत करो।”

ई लाने आओ, हम ऊहों मारकें कौनऊं गड़हे में डाल दें; और जौ कै दैहें, कि कोऊ जंगली पसु ऊहों खा गओ। फिन हम हेरहें कि ऊके सपनों कौ का फल हुईये।”

तब मिद्यानी ब्‍योपारी उतै सें होकें उनके लिगां पोंचे। सो यूसुफ के भईयों ने ऊहों ऊ गड़हे में सें काड़ लओ, और इश्‍माएलिओं के हाथ बीस चांदी के टुकड़ों में बेंच दओ; और बे यूसुफ हों मिस्र लै गए।

बे आपस में कैन लगे, “हेरो, ऊ सपना हेरबेवारो आ रओ आय।

जैसई उनोंरन ने ऊहों दूर सें आत हेरो, तौ ऊके लिगां आबे के पैलईं ऊहों मार डालबे की सोची।

फिन रूबेन ने उनसें कई, “खून नें बहाओ, ऊहों जंगल के ई गड़हे में डाल देओ, और ऊपै हाथ नें उठाओ।” ऊ ऊहों उनके हाथ सें बचाकें बाप के लिगां पोंचाबो चाहत हतो।