Mavhesi emuBhaibheri Ane Mukurumbira kubva kuna โรม 7

Pakurirana nevamwe

ปเลี่ย เฮี อาึ อื มัฮ ปุย ตอก เฮี. โตะ รพาวม โด่ะ โอะ อาึ อื ฆวต ยุฮ ตัม โกตไม ยุฮ พะจาว. เญือม อาวต เตอะ ตัม รพาวม ไพรม แตะ ปังเมอ ฆวต ยุฮ แนฮ แฮะ ตัม ไล มั่ป. อาึ มัฮ เนอึม ปุย ซุกซัก ลัมเลือ โตะ รพาวม. มัฮ ปุย แล ป ซ ปุน เกือฮ อาึ โปน ฮา โกะ ไพรม ป ซ เมือะ อาึ ฮอยจ ละ ยุม เมอะ เฮี? ญันดี่ ไม่ พะจาว. เอีจ ไก เนอึม ตอก โปน เนอะ. ซ โปน เนอะ เบือ พะเยซูคริต จาว ยุฮ แตะ.

อาึ ยุง เงอะ โอ ป ไมจ ไก กไน แตะ เฟือฮ ฮา. มัฮ อัฮ ฮะ ไม่ รพาวม โกะ แตะ ไอฮ ตอก ปุย ปลัฮเตะ. อาึ ปัง ไก รพาวม ฆวต ยุฮ ฮุ ป ไมจ เจอ, อาึ ปุน ยุฮ โตว.

กัน ไมจ ฆวต ยุฮ ฮุ เซ อาึ ยุฮ เนอึม โตว. อาึ ลเตือฮ แม ยุฮ กัน ฆอก เตือง โอ แตะ ฆวต ยุฮ.

เญือม ยุฮ ฮุ ป โอ แตะ ฆวต ยุฮ ตอก เซ มัฮ โตว อาึ ไอฮ ป ยุฮ ฮู. มัฮ มั่ป ป อาวต กไน เยอะ เซ ป ยุฮ ฮู.

อาึ อื ยุ มัฮ แตะ ปุย ตอก เฮี. เญือม ฆวต ยุฮ ฮุ กัน ไมจ, มัฮ แนฮ ป ฆอก ป ฆวต โอก นึง เงอะ. เอีจ มัฮ เอิน ไล ยุฮ ฮุ ตอก เซ. โตะ กไน รพาวม โด่ะ โอ โกตไม ยุฮ พะจาว เซ ไมจ มวน ลัมเลือ เนิ.

เญือม โคะ ยุฮ ฮุ ป โอ แตะ ฆวต ยุฮ ตอก เซ, เอีจ ที นึง เซ มัฮ โกตไม เซ ป ซื. อาึ ยุง เงอะ มัฮ อื ป ไมจ เจอ.